Медицинска опрема купена за 13 милиони евра, а не се користи - Канал 5

Здравје

Медицинска опрема купена за 13 милиони евра, а не се користи

Медицинска опрема вредна 18,6 милиони евра е купена, а не е искористена. 

Медицинска опрема купена за 13 милиони евра, а не се користи

Опрема од 13 милиони евра воопшто не е искористена, а опрема од 5,5 милиони евра не се користи со полн капацитет, се вели во новиот извештај на Државниот завод за ревизија.

Во извештајот позитивна оценка е тоа што во последните три години постигнат е напредок на регионалната распределба на современата медицинска опрема и зголемува на бројот на здравствени услуги. Причина за што дел од опремата не се користи е поради недостиг на стручен кадар и соодветени просторни услови. Вкупно биле обезбедени девет линеарни акцелератори со вкупна набавна вредност од 21,8 милиони евра за вршење радиотераписки услуги за пациенти со малигни заболувања.

До денот на ревизијата 5 акцелератори не се ставени во употреба и тоа:

– 2 на Клиниката за радиотерапија и онкологија,

– 2 во Клиничките болници во Штип и Битола и

– 1 во Градската општа болница 8-ми Септември во Скопје

Иако три од нив се инсталирани пред повеќе години.И директорот на ФЗОМ Клековски објасни дека дел од опремата што не се користи може да биде употребена.

Една од причината за оптовареноста на Клиниката за онкологија е што дел од што оваа опрема не е во употреба во другите болници. Иако се набавени акцелератори и за други болници, сите услуги во периодот 2021–2023 година ги обезбедува единствено Клиниката за радиотерапија и онкологија, каде се третираат над 2.300 пациенти годишно или во просек се вршат по 200 зрачења дневно.

Исто така во извештајот е потврдено дека не се доволно искористени и апаратите за срцево болните. Од вкупно 18 ангиографи не се доволно искористени пред се поради недостаток на стручен кадар и необезбедени просторни услови.

Според податоците на „Мој Термин“ за 68 % се зголемиле бројот на прегледи со ангиограф во споредба со 2021 година кога биле набавени апаратите. Исто така најголем интерес за прегледи за компјутерска томографија, ангиографи, мамографија и ПЕТ скен, но за овој дел има намалување на медицинскиот кадар.

YouTube video

Тагови: ДЗР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Нови линии улично осветлување на повеќе локации во општина Илинден

Општина Илинден продолжува со модернизација на системот за јавно осветлување, при што во изминатиот период поставено е ново современо ЛЕД улично осветлување на повеќе локации со вкупна должина од околу 1.500 метри.

Нови линии улично осветлување на повеќе локации во општина Илинден

Во рамки на иницијативата „Светла Општина Илинден“, Општина Илинден продолжува со модернизација на системот за јавно осветлување, при што во изминатиот период поставено е ново современо ЛЕД улично осветлување на повеќе локации со вкупна должина од околу 1.500 метри.

Инсталирани се нови метални канделабри и енергетски ефикасни ЛЕД светилки на улица „32“ во н.м Илинден, во должина од 450 метри, на патниот правец Бујковци – Мршевци во должина од 470 метри, на дел од улицата „500“ во должина од 120 метри. Дополнително, осветлени се потегот од Спортската сала „Гоце Делчев“ до СОСУ „Илинден“, улицата од плоштадот кон СОСУ „Илинден“, паркинг-просторот на училиштето, како и улицата и паркингот кај детската градинка, во должина од околу 450 метри.

Со поставувањето на новото ЛЕД осветлување значително се подобрува видливоста и безбедноста на пешаците и сите учесници во сообраќајот, а истовремено се обезбедува поекономично, поефикасно и поодржливо функционирање на системот за јавно осветлување.

Паралелно со поставувањето на нови линии, екипите на ЈКП „Илинден“ континуирано работат на докомплетирање на постојната мрежа за јавно осветлување со санација на оштетените светлосни места, при што се заменуваат дотраените светилки со нови, современи ЛЕД рефлектори.

Општина Илинден останува посветена на континуирани инвестиции во јавната инфраструктура, реализирајќи проекти што придонесуваат за создавање побезбедна, поуредена и енергетски поефикасна животна средина за сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Од полноќ бензините поскапуваат за половина денар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,27% 

Од полноќ бензините поскапуваат за половина денар

Регулаторната комисија за енергетика, водни услуги и услуги за управување со комунален отпад на Република Македонија (РКЕ) донесе Одлука со која се врши намалување на малопродажните цени на нафтените деривати во просек за 0,27% во однос на одлуката од 22.6.2026 година.

Референтните цени на нафтените деривати на светскиот пазар во споредба со претходната пресметка бележат намалување и тоа во просек: кај бензините за 0,243%, кај дизелот за 2,183%, кај екстра лесното масло за 1,907% и кај мазутот намалувањето е за 4,388%.

Курсот на денарот во однос на доларот во изминатиот период по кој беа формирани цените со претходната пресметка е повисок за 1,5132%.

Од 30.6.2026 година од 00:01 часот максималните цени на нафтените деривати ќе изнесуваат:

Моторен бензин ЕУРОСУПЕР БС - 95 84,50 (денари/литар)

Моторен бензин ЕУРОСУПЕР БС - 98 86,50 (денари/литар)

Дизел гориво ЕУРОДИЗЕЛ БС (Д-Е V) 80,00 (денари/литар)

Масло за горење Екстра лесно 1 (ЕЛ-1) 79,50 (денари/литар)

Мазут М-1 НС 41,495 (денари/килограм)

Малопродажната цена на ЕУРОДИЗЕЛ (Д-Е V) се намалува за 0,50 ден/лит.

Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 0,50 ден/лит.

Малопродажната цена на Екстра лесното масло за домаќинство (ЕЛ-1) не се менува.

Малопродажната цена на Мазутот М-1 НС се намалува за 0,796 ден/кг и сега ќе изнесува.

Напоменуваме дека ова се максималните цени на нафтените деривати од 00:01 часот на 30.6.2026 година. Трговците на

големо и трговците на мало со нафтени деривати и горива за транспорт можат да ги формираат цените на одделни

нафтени деривати и горива за транспорт и пониско од највисоките утврдени цени.

Тагови: Бензин РКЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

УХМР: Од утре до сабота променливо облачно и нестабилно наместа со повремен дожд и грмежи

Според Управата за хидрометеоролошки работи од утре попладне до сабота времето ќе биде променливо облачно и нестабилно наместа со повремен дожд и грмежи особено во попладневните часови и во текот на ноќта. 

УХМР: Од утре до сабота променливо облачно и нестабилно наместа со повремен дожд и грмежи

Локално процесите ќе бидат поинтензивни во форма на невреме со пообилен пороен дожд, електрични празнења, силен ветер (над 60 km/h) и појава на град. Од среда температурите ќе бидат во опаѓање, особено за време на викендот кога ќе дува умерен до засилен северен ветер.

Во Скопје, од утре кон крајот на денот и во следните денови времето ќе биде променливо облачно со сончеви периоди во текот на денот. Во попладневните часови ќе биде нестабилно со пороен дожд и грмежи, а во делови од котлината ќе има услови за појава на краткотрајно невреме.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер