Забава

Мечок тргнал кон паркиран автомобил(фото/видео)

jавноста немилосрдно ја нападна реакцијата на човекот што го снимил видеото

Кога имате куќа во природа, мора да сте спремни и за „непоканети гости“!

Луѓето што живеат во непосредна близина на шума се сведоци на бројни несакани гости кои ненадејно се појавуваат во нивниот дом или автомобил. Ова се однесува на диви животни на кои шумите им се природни живеалишта, па не е невообичаено понекоја лисица, волк или мечка да залута во домот, додека пак, на Американците ракунот им е секојдневна појава.

Лисиците се љубопитни како мачките, па често се случува да „ѕирнат“ во некоја куќа, но волците и мечките знаат да бидат опасни. Овој пат, едно мало мече сакало да ја истражи територијата на која живеат неговите соседи. Замислете каков шок би уследил доколку влезете во вашиот автомобил, паркиран пред вашата куќа, а во него би затекнале помала мечка. Многумина не ни сакаат да знаат, но еден пар бил очевидец на мечок кој самиот влегол во автомобилот на соседот.

Маж и жена седат во нивниот автомобил и снимаат помал мечок што се приближува до автомобилот паркиран пред нивниот. Мечокот прво љубопитно го разгледува возилото, а потоа, на општо чудење на сите, сфаќа како се отвораат вратите и успева да седне на задното седиште, па дури и да ја затвори вратата.

Жената што ја снимила оваа сцена, крајно испаничена му вика на сопругот да ја притисне сирената за да ја исплаши мечката. Сепак, поради некоја причина, нејзиниот партнер не го прави тоа. Човекот по име Брент, како што го нарекува неговата сопруга, свирна на сирената откако младиот мечок ја отвори вратата на автомобилот од соседот, но тоа воопшто немаше ефект.

View this post on Instagram

A post shared by Epic Funny Page (@epicfpage)

Снимката со опис: „Како да му кажеме на соседот дека има мечка во автомобилот“ е споделена на Инстаграм и е прегледана над илјада пати, добила преку 22.000 „допаѓања“ и стотици коментари. Еве дел од коментарите:

- Не разбирам зошто Брент не ја притисна сирената навреме.

- Сè што требаше да направи Брент е да се приближи до автомобилот на соседот и да не ја трга раката од сирената.

- Брент не сака многу мечки, а очигледно не ги сака ни соседите.

- Оваа жена толку пати му рече на Брент да свирне на сирената, а можеше и самата да го направи тоа.

- Јасно е дека овој пар не ги сака многу своите први соседи.

- Брент ме полуде, цело време ја гледа мечката како влегува во автомобилот и не прави апсолутно ништо.

- Има два типа на мажи, мажи од акција и Брент.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од понеделник почнува примената на Безбеден град на подрачје на СВР Охрид

Министерството за внатрешни работи ја известува јавноста дека од понеделник (12.10.2026), системот за сообраќаен надзор Безбеден град започнува со работа и на подрачјето на СВР Охрид.

По извршените технички проверки и финалните тестирања, камерите на системот ќе бидат ставени во функција на сообраќајниците на подрачјето на СВР Охрид.

Со активирањето на системот ќе се овозможи засилена и континуирана сообраќајна контрола, навремено откривање на сообраќајните прекршоци, зголемување на сообраќајната дисциплина и унапредување на безбедноста на патиштата.

Министерството за внатрешни работи апелира до сите возачи доследно да ги почитуваат сообраќајните правила и прописи и со одговорно однесување да придонесат за поголема безбедност во сообраќајот.

Тагови: безбеден град

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Авион нагло загуби височина поради турбуленции- патниците во паника, има повредени (ВИДЕО)

Најмалку осум лица се повредени откако силни турбуленции го погодија авионот што леташе за Њујорк, принудувајќи го да направи итно слетување.

Авионот на „Авијанка“ полета од Меделин, Колумбија, во четврток во 22:40 часот по локално време кон аеродромот ЏФК, но беше принуден да го промени курсот и да слета во Мајами само три часа по почетокот на летот, објави Ен-Би-Си.

Авионот „Ербас А320“ се искачи на околу 35.000 стапки додека леташе над Јамајка и Куба, упатувајќи се кон север, пред нагло да се спушти околу 2,5 часа по почетокот на летот.

Видео од пилотската кабина објавено од американските медиуми по слетувањето на авионот ги покажа луѓето во состојба на шок.

Авионот се спушти 25.000 стапки (7.500 метри) за само неколку минути, според податоците на FlightRadar24, пред да слета во Мајами.

„Повеќе пациенти се повредени“, изјавија претставници на противпожарната и спасувачка служба во Мајами-Дејд откако авионот слета околу 3:30 часот наутро, а најмалку едно лице е во сериозна состојба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Ѓоковиќ по поразот во Шангај: Беше речиси невозможно

Новак Ѓоковиќ не успеа доволно да се опорави од заморот и освојувањето на Пекинг, па загуби од Хуберт Хуркач на првиот тест на Мастерсот во Шангај, но немаше причина за очај.

- Пекинг беше одличен, а потоа рана елиминација овде... Но, добро. Имав одлична недела во Пекинг, сега сакам малку да одморам и да се подготвам за затворениот дел од сезоната - изјави Новак, а потоа подетално објасни:

- Површината е исклучително брза, сосема поинаква од онаа во Пекинг. Ако изгубите сервис еднаш по сет, може да биде доволно да го изгубите мечот. Токму тоа се случи. Многу е тешко да се врати неговиот сервис, речиси невозможно - сервираше навистина добро. Не се адаптирав, а соочувањето со него веќе на првиот меч овде беше многу тешка ждрепка за мене - изјави Новак, пренесе Телеграф.

Потоа го коментираше мечот со Хуркач кој го загуби во два сета каде Полјакот сервираше навистина неверојатно.

- Ако претрпите пауза, доволно е да го загубите натпреварот. Еден брејк по сет и тоа се случува. Многу е тешко да се врати на негов сервис, беше речиси невозможно. Не се адаптирав, имав многу тешка ждрепка, особено што морав да играм со него веќе на првиот меч - потенцира Ѓоковиќ.

Сега го чека турнирот „Шест кралеви“ во Ријад, но најголема желба му е да обезбеди учество на завршниот Мастерс во Торино, за кој моментално ја држи позицијата, но ќе биде многу тешко да остане таму.

- Би сакал да го одиграме завршниот Мастерс во Торино. Се уште планирам да играм во Париз, па да видиме... Се надевам дека таму ќе имам добар резултат - заврши Ѓоковиќ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.