Мечката го зграпчи нејзиното куче, а потоа девојчето направи нешто неповторливо(видео) - Канал 5

Живот

Мечката го зграпчи нејзиното куче, а потоа девојчето направи нешто неповторливо(видео)

17 милиони лица останаа запрепастени! 

Мечката го зграпчи нејзиното куче, а потоа девојчето направи нешто неповторливо(видео)

Погледнете зошто ова видео стана едно од најпопуларните видеа на социјалните мрежи објавено од непозната личност.

Животот во долината Сан Габриел во Калифорнија често носи неочекувани средби со дивиот свет. Во потрагата по храна, тие се спуштаат во населените места, пребаруваат низ кантите за ѓубре или се разладуваат во базените. Повеќето луѓе бегаат од дивите ѕверови, но не Хејли Моринико (17) .

Таа била сама дома со своите кучиња кога слушнала лаење во дворот. Ја отворила задната врата и видела мечка со младенчиња на нејзината бетонска ограда. На видеото, нејзините кучиња лаат и јурнуваат кон дивото животно. Наместо да се исплаши, мечката бесно замавнува со шепата и го зграпчува најмалото куче од расата јоркширски териер по име Валентина. Во тој момент, бесната Хејли се стрчуваа кон мечката, која го испушта кучето и паѓа од другата страна на оградата. Хејли потоа ги собира кучињата и најбргу што може бега дома. Во меѓувреме, мечката се враќа и повторно почнува да се качува на оградата.

Сето ова го снимиле безбедносните камери на домот, а снимката се нашла на социјалните мрежи. Само на Тикток, овој видеозапис имаше повеќе од 17 милиони прегледи, а Хејли стана ѕвезда.

YouTube video

Во интервју за новинарите на Си-Ен-Ен, таа признала дека не размислувала многу кога му пришла на ѕверот.

- Сакав само да ѝ помогнам на Валентина, таа е мое куче и му значи многу на моето семејство. Кога дотрчав до мечката и се најдов очи во очи со неа, сфатив дека морам да направам нешто, па ја турнав. Не беше силно, но беше доволно да ја изгуби рамнотежата и да падне од ѕидот - изјавила Хејли.

Таа признава дека била изненадена од сопственото однесување кога го погледнала видеото, но во тој момент не размислувала за опасноста од дивиот ѕвер, туку само на тоа да го заштити своето куче.

- Валентина, за среќа, не е повредена. Се здобив со полесна повреда на прстот кога ја турнав мечката, но сè друго е во ред. Не ни знаев дека можам да трчам толку брзо - изјавила таа со насмевка, држејќи ја Валентина во рацете.

Многумина коментираа дека не знаеле дали ова е храбар или глупав чин, но секако не е паметно да се спротивставиш на дивиот ѕвер на овој начин.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре пеколно жешко со температура над 40 степени, невреме во недела попладне

Утре времето ќе биде сончево и многу топло со мала до умерена локална облачност, соопштуваат од УХМР.

Утре пеколно жешко со температура над 40 степени, невреме во недела попладне

МАКСИМАЛНА ТЕМПЕРАТУРА (во оС)

24 Попова Шапка, 30 Крушево, Лазарополе, 33 Претор, 34 Берово, Маврови Анови, 35 Охрид, 36 Крива Паланка, Битола, Прилеп, 37 Виница, 38 Тетово, Струмица, Гевгелија, 39 Штип, Кавадарци, Демир Капија, 40 Скопје-Петровец, Скопје-Зајчев Рид, Велес.

ВРЕМЕТО ДЕНЕСКА И ДО КРАЈОТ НА ДЕНОТ

Времето денеска беше сончево и многу топло со мала до умерена локална облачност. Дуваше слаб до умерен ветер претежно од југоисточен правец.

Попладнево ќе се задржи сончево и топло со мала до умерена локална облачност која до крајот на денот ќе се намали. Во текот на ноќта ќе преовладува ведро и тивко време.

ВРЕМЕТО УТРЕ

Сончево и многу топло со мала до умерена локална облачност. Попладне претежно во планинските региони ќе има услови за пороен дожд и појава на грмежи. Ќе дува слаб до умерен ветер од западен и северозападен правец. Минималната температура ќе биде во интервал од 13 до 21, а максималната ќе достигне од 35 до 41 степен.

Во Скопје, сончево и многу топло со мала до умерена облачност. Ќе дува слаб до умерен ветер од северозападен правец. Минималната температура ќе се спушти до 20, а максималната ќе достигне до 40 степени.

ВРЕМЕТО ВО НАРЕДНИТЕ ДЕНОВИ

Од недела и во следните денови температурата ќе биде во постепено опаѓање. Во попладневните часови ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Директорот на ЦУК, Мухамед Али, директно на терен во Никуштак

Директорот на Центарот за управување со кризи, Мухамед Али, моментално се наоѓа директно на терен во селото Никуштак.

Директорот на ЦУК, Мухамед Али, директно на терен во Никуштак

Директорот на Центарот за управување со кризи моментално се наоѓа директно на терен во селото Никуштак, каде заедно со екипите на Територијалната противпожарна единица од Куманово и екипите на Национални шуми, активно ги координира мерките и активностите за справување со пожарот.

На терен се ангажирани 3 противпожарни возила, а во текот на денот се очекува и воздушна интервенција, во зависност од метеоролошките услови.

Директорот Али од терен ја следи состојбата и директно ја координира работата на екипите, со цел навремено локализирање на пожарот, спречување на неговото ширење и заштита на населените места и имотот на граѓаните.

Се повикуваат граѓаните на максимална внимателност и претпазливост, да избегнуваат непотребно движење во погодените подрачја и да ги почитуваат упатствата на надлежните институции, соопштуваат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Спасени 300 лица во Мавританија

Мавританската крајбрежна стража денес соопшти дека повеќе од 300 мигранти, меѓу кои и 40 деца, се пронајдени покрај брегот на земјата, најверојатно обидувајќи се да стигнат до Канарските Острови.

Спасени 300 лица во Мавританија

Тие беа пронајдени ноќта помеѓу среда и четврток и се вели дека се во сериозна состојба, пренесува „Euronews“.

Нивниот дрвен чамец тргнал од Гамбија и превезувал 315 лица, 191 од Сенегал, 123 од Гамбија и едно од Мали, се додава во соопштението.

„Меѓу овие луѓе има мажи, жени и малолетници, вклучувајќи бебиња, кои се во тешка хуманитарна ситуација“, соопшти крајбрежната стража, додавајќи дека тие биле спасени во близина на рибарското пристаниште Нуадибу, економскиот главен град на земјата.

Во последните месеци, стотици мигранти, главно од Сенегал, Гамбија и Мали, беа спасени во мавританските води додека се обидуваа да стигнат до Европа, но стотици загинаа или исчезнаа откако нивните чамци потонаа.

Тагови: Мавританија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер