Мечка влезе во ресторан и учтиво седна на маса- келнерите не се појавија (ВИДЕО)

Видеото е снимено на 16 мај во планинско одморалиште во градот Гетлинберг (Тенеси), а видеото стана вирално на мрежите.

Имено, шумската ѕверка сакала да се „интегрира во општеството“, па учтиво влегла во ресторан, седнала на стол и се послужила со остатоците.

Кој знае, можеби мечката сакала да порача нешто од менито, но од келнерот нема ни трага ни глас.

Останува нејасно како животното било избркано, бидејќи снимањето е прекинато, а во позадина се слуша глас кој ги предупредува гостите „да се преместат на безбедно растојание“.

4 члена од семејство на индиски милијардер ќе одат во затвор поради експлоатација на работници

Четири члена од семејство на индиски милијардер ќе одат во затвор во Швајцарија поради експлоатација на работници.

Милијардерот од Индија по име Пракаш Хиндуџа и тројца членови на неговото семејство денеска беа осудени на затворски казни во Швајцарија поради експлоатација на индиски работници во нивната вила во таа земја, така што им го одземале пасошите, им забранувале да излегуваат надвор и ги принудувале да работат и до 18 часа дневно.

Пракаш Хидуџа (79), неговата сопруга Камал (75), синот Ајај и неговата сопруга Намрата се осудени на затвор од четири до четири и пол години. Петтообвинетиот, семејниот менаџер Наџиб Зијази, е осуден на 18 месеци затвор.

Судот одлучи дека четворицата се виновни за експлоатацијата и незаконското вработување на работниците, речиси целосното одбивање на здравственото осигурување на работниците и исплата на плати кои не достигнуваат ни десетина од платата што се исплаќа во Швајцарија за таквите работни места.

Според обвинителите, работниците опишале „атмосфера на страв“ која Камал Хиндуџа ја правел. Тие биле принудени да работат со многу малку или без време за одмор, а во моментот на прием работеле до доцна во ноќта. Тие спиеле во подрумот на вилата, лоцирана покрај езерото, и тоа не задолжително на кревети, туку на душеци на подот.

Швајцарскиот суд не ги прогласи обвинетите за одговорни за некои од посериозните точки од обвинението, како што е шверцот на луѓе, бидејќи, како што беше речено во судот, работниците знаеле во што се впуштаат - барем делумно.

Тоа се главно неписмени Индијци кои не биле платени во швајцарски франци, туку во индиски рупии, а овие средства им биле исплаќани во банките во Индија до кои немале пристап.

Од утре попладне пороен дожд и грмежи

Синоптичарите за утре попладне и во текот на следната недела најавуваат честа појава на пороен дожд и грмежи. Локално процесите ќе бидат во форма на невреме со интензивен пороен дожд, силен ветер и град.

- Ќе се задржи топлото време, но со постепено опаѓање на дневната температура, велат синоптичарите.

Во Скопје, во следните денови во попладневните часови ќе биде нестабилно со пороен дожд и грмежи, а во делови од котлината ќе има услови за појава на невреме со интензивен пороен дожд, силен ветер и град.

Од Управата за хидрометеоролошки работи препорачуваат во случај на појава на електрични празнења поголема внимателност, да не се престојува на отворен простор и под осамени дрвја.

Нов голем напад на руските сили врз украинската енергетска инфраструктура

Руските вооружени сили во текот на ноќта извршија нов масовен напад врз енергетската инфраструктура во западна и јужна Украина, соопшти украинското Министерство за енергетика.

Објектите на Укренерго (украинскиот оператор) се оштетени во регионите на Лавов на запад и на Запорожје на југ, каде двајца работници се повредени и хоспитализирани, додава Министерството.

Во соопштението се наведува дека ова е осми масовен напад врз украинските електрани во последните три месеци, поради што често се прекинува струјата.

Русија, интензивирајќи ги своите напади, уништи половина од енергетскиот капацитет на Украина, изјави претходно украинскиот претседател Володимир Зеленски и повика на поставување соларни панели и единици за складирање енергија „во секое училиште и во секоја болница, што е можно поскоро“.

притисни ентер