Мечка се прејала со овошје па завршила во Ургентен, снимката е хит: Тоа е Окан, стар познаник (ВИДЕО) - Канал 5

Живот

Мечка се прејала со овошје па завршила во Ургентен, снимката е хит: Тоа е Окан, стар познаник (ВИДЕО)

Неверојатни снимки доаѓаат од Турција, каде што мечка навистина го привлече вниманието на јавноста.

Мечка се прејала со овошје па завршила во Ургентен, снимката е хит: Тоа е Окан, стар познаник (ВИДЕО)

Снимката, која стана вирална и ја презеде и CNN, покажува како ветеринарите брзо носат мечка од 45 килограми, Окан, во одделот за итни случаи на преглед откако се разболело од премногу овошје.

Окан, најпознатиот жител на зоолошката градина Чекмекој во Истанбул, веднаш бил однесен на Факултетот за ветеринарна медицина на Универзитетот Џерахпаша, каде што бил подложен на темелен преглед.

- Нашето мече Окан беше примено поради болка и непријатност во стомакот. Ветеринарот веднаш забележа напнатост, па му беше направена компјутерска томографија за да се исклучи присуството на маса. Резултатите беа нормални, како и неговата крвна слика, и сега е добро. Тој е многу питом и среќен, а наскоро ќе се разладува во базенот - рече Бурак Мемишоглу, претседател на Управниот одбор на Паркот за природа и живот во Истанбул, пренесе Јутарњи.

Окан стана вистинска ѕвезда по оваа епизода - посетителите го препознаваат од вестите, а многумина се сеќаваат и дека пред три години завршил во болница од истата причина. Тогаш го доби името Окан, бидејќи новиот вработен, кој го однел кај ветеринар, не го знаел неговото име и му го дал своето име.

Вработените во зоолошката градина сега внимателно ја следат исхраната на мечката за да се осигурат дека оваа ситуација нема да се повтори. - Нашите ветеринари и биолози ја следат количината на храна, која не се менува - Окан јаде сезонско овошје и зеленчук во лето, додека во зима добива риба и мед - додаде Мемишоглу.

Тагови: мечка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Политико: Унгарија го блокира забрзувањето на преговорите на ЕУ со Украина и Молдавија

Унгарија не даде согласност за клучниот процедурален чекор неопходен за забрзување на пристапните преговори на Европската унија со Украина и Молдавија, објави Политико, повикувајќи се на двајца дипломати на Европската унија.

Политико: Унгарија го блокира забрзувањето на преговорите на ЕУ со Украина и Молдавија

Европската унија на 15 јуни официјално го отвори првиот преговарачки кластер со Украина и Молдавија, а европските челници најавија дека Киев до средината на јули ќеги отвори сите шест кластери. Остварувањето на таа цел сега е доведено во прашање, бидејќи Унгарија вчера била единствената земја членка што се спротивставила на испраќањето писмо до Европскиот совет и до Европската комисија со таков предлог. Унгарскиот премиер Петер Маѓар не се спротивстави на отворањето на првиот кластер за Украина, но претходно реагираше дека ставањето на брза лента на земјата би испратило погрешна порака до Србија, Албанија, Црна Гора и Македонија, кои со години работат на членството во Европската унија.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Активни три пожари низ Македонија, во Куманово и Илинден- горат бандери, дрвја и отпад

На територијата на државата до 14:30 часот се регистрирани вкупно пет пожари на отворен простор. 

ЦУК: Активни три пожари низ Македонија, во Куманово и Илинден- горат бандери, дрвја и отпад

Од нив, три пожари се активни, еден е ставен под контрола, а два пожари се изгаснати.

Како што соопшти ЦУК, активни пожари има: во Општина Демир Хисар – с. Обедник каде гори ниска вегетација, во Општина Куманово – населба Перо Чучо каде се зафатени бандери и дрвја, и во Општина Илинден – с. Јурумлери запален е кабаст отпад.

Под контрола е ставен пожарот во Општините Свети Николе и Лозово – с. Делисинци и с. Сарамзалино, каде гори ниска вегетација.

Изгаснати се пожарите во општините Куманово на ул. „Ѓуро Пуцар“ бр. 38 и во Чашка, во с. Чашка каде горела ниска вегетација.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер