МД „Илинден“-Тирана побара од ЦИК да се коригира плакатот и да стои македонско малцинство - Канал 5

Балкан

МД „Илинден“-Тирана побара од ЦИК да се коригира плакатот и да стои македонско малцинство

Македонското друштво „Илинден“ -Тирана денеска достави барање до претседателот на албанската Централна изборна комисија, Илирјан Целибаши во врска со плакатот на кој наместо македонско малцинство пишува „национално малцинство на Македонија“.

МД „Илинден“-Тирана побара од ЦИК да се коригира плакатот и да стои македонско малцинство

– Бараме да се коригира плакатот за програмата посветена на изборната едукација на припадниците на националните малцинства, на нивниот јазик, за изборниот процес од 14 мај 2023 година, каде македонското национално малцинство во Република Албанија се нарекува национално малцинство на С. Македонија. Да ве потсетиме, што добро е познато, дека македонското национално малцинство во Република Албанија е официјално познато и признаено како македонско национално малцинство во Република Албанија. Исто така бараме на официјалната веб-страница и социјалните мрежи на Централната изборна комисија, како и во сите публикации да не се повторува ова катастрофална грешка, туку да стои македонското национално малцинство во Република Албанија, стои во барањето на друштвото.

Во истото се наведува дека МД „Илинден“ со седиште во Тирана е регистрирано во Основниот суд во Тирана на 6 февруари 2009 година и неговата мисија е „заштита на етничкиот, културниот и верскиот идентитет на македонското национално малцинство во Република Албанија“.

Друштвото со посебен допис за ова го информирало и комесарот за заштита од дискриминација Роберт Гајда и очекува негово соодветно дејствување, што го направил во неколку случаи до сега.

– Најостро реагираме зашто она што пишува Централната изборна комисија е навреда на достоинството и националниот идентитет на

македонското национално малцинство во Република Албанија. Како може на плакатот, во рамки на програмата за изборната едукација на припадниците на националните малцинства на јазикот на нивната заедница да стои ваква катастрофална грешка. Ние сме македонско малцинство или Македонци во Република Албанија, како што сме признаени во Законот за заштита на малцинствата, изјави претходно Никола Ѓурѓај за МИА.

ЦИК за локалните избори што ќе се одржат на 14 мај 2023 година за првпат во историјата на изборните процеси во Албанија одобри посебна програма за информирање и подигање на свеста на гласачите-припадници на националните малцинство во Република Албанија, вклучително и македонското.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Русокосата Дилета повторно предизвика вистински хаос на интернет сега од своето работно место

Една од најубавите спортски новинарки на светот, италијанската новинарка Дилета Леота повторно привлече внимание со својот изглед на социјалните мрежи, откако се јави од студиото за време на еден натпревар минатиот викенд. 

Русокосата Дилета повторно предизвика вистински хаос на интернет сега од своето работно место

Таа објави фотографии од своето работно место, а како и обично, беше во провокативна модна комбинација.

За известување од една средба атрактивната Дилета одбрала црна, проѕирна комбинација, под која јасно се гледаше црн градник, истакнувајќи го нејзиниот буен биста.

Со ова издание, таа уште еднаш ги израдува своите повеќе од 9 милиони следбеници, па така не недостигаа коментари и комплименти.

https://www.instagram.com/reel/DepXu-Usoih/?utm_source=ig_embed

Многумина се фалеа дека „направиле зум на фотографијата“, а други ѝ велеа: „Стануваш сè поубава и поубава...“, „Какво чудо...“ и слично.

Дилета Леота во последните години е заштитно лице на британската компанија DAZN во Италија, а откако во мај годинава се породи по вторпат, нејзиниот изглед е постојано под лупа на јавноста и во центарот на медиумското внимание, бидејќи неверојатно брзо ја врати својата совршена линија.

Дилета и нејзиниот сопруг, германскиот голман Лорис Кариус, имаат две деца. Првото дете, ќерката Арија, го добија на 16 август 2023 година, а интересно е тоа што Арија се роди на истиот ден кога е роденден на Дилета. Второто дете, синот Леонард, го роди на 9 мај 2026 година.

Тагови: Дилета Леота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Ајкулата Буканги тврдоглаво одбива да си замине: Повторно се врати во каналот

Ајкула по име Буканги, која вчера беше насочена кон излезот откако помина повеќе од еден месец во канал во јужнокорејскиот град Бусан, се вратила во каналот, објави новинската агенција Јонхап.

Ајкулата Буканги тврдоглаво одбива да си замине: Повторно се врати во каналот

Утринава, на 22 октомври, ајкулата била забележана како плива во тесен простор помеѓу пловечка платформа – поставена близу излезот од каналот – и заштитна мрежа.

Според набљудувачите, можно е ајкулата да се вратила пливајќи под платформата. Буканги првпат била забележана во каналот на 18 септември. Оттогаш, блискиот парк стана голема атракција, привлекувајќи повеќе од 1,6 милиони посетители заклучно со неделата, пренесува Танјуг.

По два неуспешни обиди ајкулата да се насочи кон отворено море, градските власти и крајбрежната стража вчера успеаја да ја упатат кон излезот користејќи мрежа прикачена на понтон.

Околу 18:00 часот, ајкулата била забележана близу пристаниште надвор од каналот, иако сè уште не била на отворено море. Некои посетители пријавиле дека ја виделе ајкулата како се враќа во каналот синоќа, околу 23:00 часот.

Властите претходно изразија загриженост дека животното би можело да угине доколку температурата на водата дополнително опадне.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје-Известувањето за неработен ден 23.10.2026 година

ЈП Водовод и канализација – Скопје ги известува корисниците на своите услуги дека на ден 23.10.2026 година (петок) шалтерите за наплата и рекламации во Дирекцијата на претпријатието нема да работат.

ЈП Водовод и канализација – Скопје-Известувањето за неработен ден 23.10.2026 година

ЈП Водовод и канализација – Скопје ги известува корисниците на своите услуги дека на ден 23.10.2026 година (петок), по повод државниот празник Ден на македонската револуционерна борба, шалтерите за наплата и рекламации во Дирекцијата на претпријатието нема да работат.

Со редовно работно време ќе се продолжи од 24.10.2026 година (сабота).

Воедно, ги повикуваме корисниците да ги користат електронските сервиси на ЈП Водовод и канализација – Скопје, кои овозможуваат брз и едноставен пристап до услугите.

Повеќе информации се достапни на www.vodovod-skopje.com.mk и пристап до електронските сервиси е овозможен преку e.vodovod-skopje.com.mk

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер