МД „Илинден“ - Тирана: Македонскиот јазик е наше минато, сегашност и иднина - Канал 5

Балкан

МД „Илинден“ - Тирана: Македонскиот јазик е наше минато, сегашност и иднина

 По повод Меѓународниот ден на мајчиниот јазик, 21 февруари, Македонското друштво „Илинден“ – Тирана, упати честитка до припадниците на македонското национално малцинство во Република Албанија, како и до сите Македонци каде и да се.

МД „Илинден“ - Тирана: Македонскиот јазик е наше минато, сегашност и иднина

По повод Меѓународниот ден на мајчиниот јазик, 21 февруари, Македонското друштво „Илинден“ – Тирана, упати честитка до припадниците на македонското национално малцинство во Република Албанија, како и до сите Македонци каде и да се, порачувајќи дека „нема ништо поубаво од тоа да се пишува, твори и зборува на својот мајчин јазик“.

-Нема ништо поубаво од тоа да се пишува, твори и зборува на својот мајчин јазик. Јазикот е непресушен извор кој треба постојано да се негува и пред сè да се зачува чистината на убавиот македонски збор. Македонскиот јазик е наше минато, сегашност и иднина, стои во објавата на друштвото.

Честитајќи ви го утрешнот ден, стои понатаму, сакаме да го истакнеме значењето на образованието на мајчин јазик, бидејќи тоа е најважниот сегмент во негувањето на основните обележја на еден народ.

-Знаењето и негувањето на мајчиниот македонски јазик за децата од македонското национално малцинство во Република Албанија, значи и јакнење и зачувување на националниот и културен идентитет, со што нашите деца ќе бидат воспитани соодветно да ги негуваат своите културни и верски традиции. Тоа е најважниот сегмент во негувањето на основните обележја на еден народ, се додава понатаму.

Се посочува дека Македонците во Албанија ги има во четири етнички области: Голо Брдо, Мала Преспа, Гора, Врбник, како и во најголемите градови, Тирана, Елбасан, Драч, Корча, Билишта, Подградец, Скадар, Кукс, Берат, Либражд, Валона, Фиер, Патос.

Според друштвото бројноста на Македонците во Албанија е над 100 илјади но, за жал, во 21 век, ним статус на малцинство им е признаено само во Мала Преспа, каде имаат право на образование на мајчин јазик.

Потсетува дека повеќе од три децении, од сите албански влади, барале образование на мајчин јазик за децата од Голо Брдо, каде настава на македонски имало до педесеттите години од минатиот век, потоа во Гора, како и во другите делови каде концентрацијата на Македонците е поголема, но позитивен одговор нема.

Тагови: ОМО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Првиот заменик-претседател на Владата Беким Сали оствари средба со амбасадорката на Кралството Данска

Министерот Сали изрази благодарност за континуираната поддршка што Данска ѝ ја дава на државата во спроведувањето на реформите и во процесот на пристапување кон Европската Унија.

Првиот заменик-претседател на Владата Беким Сали оствари средба со амбасадорката на Кралството Данска

Првиот заменик-претседател на Владата и министер за европски прашања, Беким Сали, денеска оствари работна средба со амбасадорката на Кралството Данска, H.E. Перниле Дахлер Кардел, на која беа разгледани билатералните односи меѓу двете земји, процесот на европска интеграција на Република Северна Македонија и можностите за продлабочување на соработката во области од заеднички интерес.

Министерот Сали изрази благодарност за континуираната поддршка што Данска ѝ ја дава на државата во спроведувањето на реформите и во процесот на пристапување кон Европската Унија.

Соговорниците разменија мислења и за актуелните регионални и европски случувања, како и за важноста од зајакнување на партнерската соработка во насока на промовирање на стабилноста, безбедноста и просперитетот.

На средбата беше потврдена заедничката заложба за понатамошно унапредување на пријателските односи и блиската соработка меѓу Република Северна Македонија и Кралството Данска.

Кабинет на министерот за европски прашања

Тагови: Беким Сали

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ОЈО ГОКК: Сите осомничени во предметот за ФФМ се обезбедени

Основното јавно обвинителство за гонење организиран криминал и корупција информира дека се обезбедени сите пет лица кои им беа недостапни на органите на прогонот во врска предметот за проневера од речиси три милиони евра за Фудбалската федерација

ОЈО ГОКК: Сите осомничени во предметот за ФФМ се обезбедени

На еден од осомничените, судија на претходна постапка вчера му одредил мерка притвор, а втор доби мерки за обезбедување.

Од обвинителството денеска соопштија дека на другите двајца осомничени им се одредени мерки на претпазливост, а на последниот му е одредена мерка куќен притвор.

Минатата недела основниот кривичен суд скопје им одреди 30-дневен притвор на три лица, меѓу кои и на поранешниот претседател на ФФМ, Илчо Ѓорѓиоски, петмина добија куќен притвор, а четворица мерки на претпазливост во рамки на истрагата за финансиски манипулации и криминал во ФФМ.

Тагови: ОЈО ГОКК

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Огњеновиќ: 2 години Влада на Мицкоски: Изгубени години за младите, изгубена надеж

Поминаа две години од владеењето на Мицкоски и ВМРО, младите загубија години и загубија надеж.

Огњеновиќ: 2 години Влада на Мицкоски: Изгубени години за младите, изгубена надеж

Во Платформата 1198, Мицкоски и ВМРО ветуваа намалување на иселувањето, подобар животен стандард, задржување на младите во државата и дури 70.000 нови работни места.

Ветуваа поддршка за образование, домување, претприемништво и конкретни мерки што ќе им помогнат на младите да останат и да ја градат својата иднина дома.

По две години, нема ништо од тоа. Ги излажаа младите!

Мицкоски им ја украде иднината. Го блокираше европскиот пат на Македонија

Наместо надеж, младите добија неизвесност и изолација.

Наместо перспектива, добија разочарување.

Затоа денес секој трет млад човек размислува да ја напушти државата.

Не затоа што не ја сака Македонија.

Туку затоа што не гледа иднина во политиките на оваа власт.

Мицкоски прво ги повикуваше младите да се врателе во Македонија, за веднаш потоа да им каже дека ќе ги менува за „економски работници“.

Вистината е дека Платформата 1198 е една голема лага. Во реалноста на младите им останаа само разочарувањето.

YouTube video

Прес конференција, Петар Огњеновиќ – СДММ

Тагови: Петар Огњеновиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер