Маж си направил лажен погреб, за да види кој ќе дојде- наеднаш скокнал од ковчегот пред шокираните луѓе - Канал 5

Живот

Маж си направил лажен погреб, за да види кој ќе дојде- наеднаш скокнал од ковчегот пред шокираните луѓе

Маж ја лажирал сопствената смрт за да може да види колку луѓе ќе се појават на неговиот погреб.

Маж си направил лажен погреб, за да види кој ќе дојде- наеднаш скокнал од ковчегот пред шокираните луѓе

Поранешниот ветеран од индиските воздухопловни сили, Мохан Лал, изведе социјален експеримент, лажирајќи го сопствениот погреб во селото Кончи во индискиот округ Гаја,објави Мирор.

Лежејќи во ковчег и покриен со чаршаф, неговото тело било однесено кон крематориум - сè за да може да види колку внимание ќе добие.

Неговиот експеримент функционирал бидејќи стотици најблиски - кои мислеле дека 74-годишникот починал, се упатиле кон селото за да му посакаат последно збогум. Но, токму кога поворката се приближила до крематориумот, таткото на две деца скокнал од ковчегот и се појавил пред шокираните луѓе.

Тој рекол: „По смртта, луѓето го носат одарот, но јас сакав самиот да бидам сведок на тоа и да видам колку почит и наклонетост ми покажуваат луѓето.“

Откако „воскреснал од мртвите“, присутните запалиле кукла пред да се одржи заедничка гозба за целото село. Мохан донирал во крематориумот на селото, за да можат селаните да го продолжат процесот за време на дождовните сезони.

Овие и други социјални придонеси што ги дал го направиле многу почитуван и популарен член на заедницата, изјавил еден жител за локалните медиуми.

Инаку, во 2023 година, еден Бразилец добил многу помалку позитивен одѕив кога драматично го организирал своето испраќање од истата причина. Ветеранот, директор за погреби, Балтазар Лемос, 60, имал идеја да организира погреб за себе откако бил тажен што одржал служба каде што имало само двајца ожалостени.

Тоа го натерало да размисли колку луѓе ќе се потрудат да излезат за него. Тој смислил разработен план, но тоа му се вратило како бумеранг, бидејќи луѓето биле бесни поради начинот на кој си поиграл со нив.

Прво објавил фотографија на Фејсбук од себе пред болницата Алберт Ајнштајн во Сао Паоло, а потоа следниот ден објавил на социјалните мрежи дека починал.

Во објавата пишувало: „Рано во ова тажно попладне, Балтазар Лемос нè напушти. Повеќе информации наскоро.“ Логично, тоа оставило многу пријатели и семејството во шок, кои не биле свесни дека е болен.

Потоа организирал своја служба во капела во Куритиба, Бразил, на 18 јануари, а деталите за службата биле објавени на неговата страница на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 15 лица се лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 15 лица поради сторено кривично дело „безобѕирно управување со моторно возило“ по член 297-а од Кривичниот законик.

Во текот на изминатото деноноќие 15 лица се лишени од слобода поради безобѕирно управување моторно возило

Сите 15 лица управувале моторно возило без возачка дозвола, а пет од нив биле малолетници.

По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Битола: Нов паркинг простор во центарот на градот

Изградбата на паркинг и улицата „Браќа Џаферови“ влегуваат во завршна фаза.

Општина Битола: Нов паркинг простор во центарот на градот

Денес се асфалтираше и на оваа локација, а станува збор за површина од 1100 м2.

Новиот паркинг простор ќе обезбеди 25 паркинг места, согласно проектот ќе има и улично осветлување, а изведена беше и атмосферска канализација.

Со ова Битола добива уште еден паркинг простор во центарот на градот.

Вкупната сума на средства кои што ги обезбеди општината од својот буџет изнесува 2.752.772 денари.

И на неколку други локации се работи на новите паркинг места во градот, што е заложба на општината за подобрување на состојбата со сообраќајот во централното градско подрачје.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер