Маж отвори оган на настан во Вашингтон - Трамп евакуиран, ранет агент, напаѓачот приведен - Канал 5

Свет

Маж отвори оган на настан во Вашингтон - Трамп евакуиран, ранет агент, напаѓачот приведен

Најмалку пет куршуми истрелал 31-годишниот напаѓач на Гала – вечерата на американскиот претседател Доналд Трамп со новинарите кои известуваат од Белата куќа во хотел во Вашингтон.

Маж отвори оган на настан во Вашингтон - Трамп евакуиран, ранет агент, напаѓачот приведен

На драматичните снимки од салата во Хилтон се гледа како претседателот Трамп веднаш го евакуираат, додека агентите на тајните служби се растрчуваат на сите страни во момент кога внатре има околу две илјади гости.

Неколку часа подоцна на прес конференција Донал Трамп кажа дека никој не бил повреден во инцидентот освен еден припадник на тајните служби кој бил застрелан но со полесни повреди благодарение на заштитниот елек. Посочи дека напаѓачот најверојатно дејствувал самостојно, немаше информации дали инцидентот се поврзува со конфликтот на Блискиот Исток но и дека ова нема да го одврати од војната во Иран.

-Човекот е фатен, го претресуваат неговиот стан, претпоставувам дека живее во Калифорнија. И тој е болен човек, многу болен човек. Фактот дека седевме еден до друг, првата дама од мојата десна страна, слушнав врева и мислев дека е послужавник, помислив дека паднал послужавник, повеќе пати и беше силна врева. И беше оддалеку. Тој воопшто не го проби делот, навистина го фатија. Ова не им се случува на луѓе кои не прават ништо. И нема да ме спречи да ја добијам војната во Иран. – Доналд Трамп – Претседател на САД

И безбедносните служби соопштија дека напаѓачот влетал низ безбедносната контрола на влезот во хотелот, но не успеал да стигне до главната сала. По пукањето веднаш бил соборен на под, но не бил застрелан. Неговите мотиви официјално не се познати, иако дел од странските медиуми пренесуваат дека по апсењето рекол оти мета му биле амрикански политичари. Тој бил гостин во хотелот, а за време на аспењето бил вооружен со пушка, пиштол и повеќе ножеви. Идентификуван е како Кол Томас Ален, 31-годишник од Калифорнија, истакнат инженер и наставник, кој бил наградуван. Донирал 25 долари за кампањата на демократката Камала Харис, која загуби на изборите од Трамп.

-Во овој момент знаеме дека вооружени сили разменија оган со лицето. Знаеме дека униформиран офицер на Тајната служба на САД беше погоден во заштитниот елек и е пренесен во локална болница. осомничениот во овој случај, не беше погоден со оружје, но беше пренесен во болница на проценка.

Од видеа кои се појавија на социјалните мрежи се гледаат реакциите на присутните гости во салата кои набргу по инцидентот биле евакуирани.

-Бев во бифето, во близина на скалите што водат надолу. Слушнавме три истрели и излетав низ вратата. Не ни чекав да видам што се случува зад мене.

-Седевме таму и од никаде слушнавме три силни истрели, и тешко е да се каже веднаш но група луѓе претрќаа во собата и видовме дека сите ги вадат надвор. Првин Доналд Трамп и тогаш стана навистина јасно што се случува и секој што беше околу мене се сокри под масата.

Ова е втор поголем инцидент на Трамп откако пред две години беше мета на атентат на митинг во Пенсилванија и беше ранет во увото. Инаку истиот хотел Хилтон во Вашингтон каде се случи пукањето е истиот во кој во 1981 година тогашниот американски претседател Роналд Реган беше ранет во обид за атентат.

Инцидентот доаѓа неколку часа откако Трамп одлучи даго откаже патувањето на американската делегација во Исламабад, Пакистан, на разговори со Иран.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Туристи бегаат во паника- авион падна среде улица на Тенерифе (ВИДЕО)

Мал авион се урна среде улица на популарните Канарски Острови кратко по полетувањето.

Туристи бегаат во паника- авион падна среде улица на Тенерифе (ВИДЕО)

Туристи панично бегаа за да се спасат додека авионот леташе директно кон нив.

Авионот се урна вчера попладне за време на обука за летање во школа за авијација во јужен дел на Тенерифе. Пилотот се обидел итно да слета, но авионот се урна со голема брзина. Според локалните медиуми, авионот се урна пред голф терен, удирајќи во столб и неколку палми. Ударот сериозно го оштетил авионот, а делови од леталото биле расфрлани по кружен тек.

Туристите бегале за да си го спасат животот

Фотографиите и видео снимките од местото на несреќата покажаа дека крилата на авионот биле откинати, а носот му бил оштетен. Остатоците се на средина од патот.

„Моравме да трчаме за да го избегнеме авионот кога удрил во столб и некои дрвја, запирајќи пред да може да нè стигне. Не сакам ни да замислам што би се случило поинаку“, изјавил турист од Нортхемптон, Англија, за шпанскиот весник „Канаријан Викли“.

Двајцата пилоти (на возраст од 20 и 50 години) успеале сами да избегаат од остатоците. Тие беа однесени во болница како мерка на претпазливост. За чудо, никој не беше сериозно повреден. Сите учесници поминаа неповредени. Причината зошто авионот се најде во неволја не е јасна. Истрагата за причината за падот е во тек.

Тагови: Тенерифе туристи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Наука

Кина прави пресврт во развојот на вештачката интелигенција

Поранешен истражувач на OpenAI, кој сега работи како главен научник за вештачка интелигенција во кинеската Tencent, објави дека има за цел да создаде општа вештачка интелигенција. 

Кина прави пресврт во развојот на вештачката интелигенција

Овој потег сигнализира промена во технолошката трка меѓу САД и Кина, пишува CNBC.

Создавањето вештачка интелигенција со човечки или натчовечки способности, позната како општа вештачка интелигенција (OUI), долго време е цел на американските компании како што се OpenAI, Anthropic и Alphabet, кои го купија британскиот стартап DeepMind.

Од друга страна, кинеските компании, кои се обидуваат да го стигнат темпото со развојот на вештачката интелигенција во услови на американски ограничувања за извоз на чипови, главно се фокусираа на практичната примена на технологијата - од фабриките до потрошувачката електроника. Извршниот директор на Baidu, Робин Ли, претходно процени дека постигнувањето на OUI ќе трае најмалку 2034 година, за разлика од прогнозата на Елон Маск за 2026 година во тоа време.

Американската визија во Кина

Сепак, како што кинеските компании привлекуваат таленти од Силиконската долина, американската визија за развој сè повеќе доаѓа со нив.

„Мојата лична цел е да воспоставам долгорочна општа организација за развој на вештачката интелигенција во Кина“, рече главниот научник за вештачка интелигенција на Tencent, Јао Шунју, кој се приклучи на компанијата минатата година откако го напушти OpenAI. Неговите забелешки беа преведени од мандарински јазик од CNBC.

Во петокот, Јао разговараше за следната фаза од развојот на вештачката интелигенција со Даусон Тонг, извршен директор на Tencent Cloud, на настан во Пекинг организиран од Tencent во соработка со локалните власти. Воведниот говор го одржа висок функционер од Пекинг.

Јао истакна дека неговата визија за OUI ќе бара фундаментално знаење, производи и истражување на крајните граници на технологијата. „Не мислам дека ChatGPT или Claude ќе бидат единствените „суперапликации““, рече тој, додавајќи дека неискористениот потенцијал е „милијарди долари“. Според него, перформансите на алатката за вештачка интелигенција се најважни, проследени со трошоците. Тој додаде дека го гледа патот напред во Кина во помали модели на вештачка интелигенција и поконзистентни перформанси на основните задачи.

Неговиот оптимизам е во спротивност со растечката претпазливост во врска со вештачката интелигенција во САД. Компанијата Anthropic во четврток предупреди дека најнапредните модели се приближуваат до точката каде што би можеле да се подобрат без човечки надзор. Тие повикаа на забавување на индустријата или пауза во развојот на нови модели за да се спречи нарушување на општеството.

Стартапот со седиште во Сан Франциско претходно оваа година го повика Вашингтон да го задржи водството на САД во однос на кинеските модели. Anthropic ја нагласува безбедноста на вештачката интелигенција уште од своето основање, што доведе до критики од конкурентите дека неговите безбедносни предупредувања се дизајнирани да ја отежнат конкуренцијата.

Борбата за таленти

Неизвесноста околу имиграциските политики на САД, исто така, ги охрабри кинеските државјани да бараат работа дома, дури и ако платата може да биде пониска. Кина истовремено ги зголемува инвестициите за привлекување таленти и троши повеќе за „основни истражувања“, бидејќи земјата се стреми кон научни откритија во следните пет години.

Компаниите се натпреваруваат за таленти без оглед каде се наоѓаат. Меѓу неодамнешните значајни потези, Alibaba наводно го ангажирала истражувачот на Google DeepMind, Хао Џоу, да го поддржи развојот на нејзината вештачка интелигенција Qwen. Џоу и Alibaba не одговорија веднаш на барањето за коментар.

Ву Јонгхуи, потпретседател за истражување во Google DeepMind, ја напушти компанијата во февруари 2025 година за да раководи со истражувања во ByteDance Seed, со седиште во Калифорнија. Стартапот Moonshot, кој стои зад моделот со вештачка интелигенција Kimi, е основан од Јанг Жилин, поранешен вработен во Meta AI и Google Brain.

Тагови: вештачка интелигенција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија ги укинува работните визи за граѓаните на три држави

Од денес, унгарската влада ќе престане да издава работни визи за работници од Филипините, Грузија и Ерменија, што е прв чекор кон регулирање на приливот на гастарбајтери, потврди портпаролката на владата. 

Унгарија ги укинува работните визи за граѓаните на три држави

Овој потег е во согласност со најавата на партијата Тиса на премиерот Петер Маѓар, која по победата на изборите на 12 април и завршувањето на 16-годишното владеење на Виктор Орбан, вети дека од јуни ќе престане да издава визи за работници од надвор од Европската Унија, пишува Ројтерс.

Влада: Гастарбајтерите ги намалуваат платите

Владата ќе ги заостри условите за вработување за гастарбајтерите поради загриженоста дека тие ги намалуваат локалните плати, изјави портпаролката Ванда Сонди на прес-конференција.

Измена на прописите и правилата за постојните работници

Од денес, се менува регулативата што им дозволуваше на агенциите за вработување да увезуваат работници од Филипините, Грузија и Ерменија по поедноставена постапка. Вработените што веќе се во Унгарија сè уште ќе можат да аплицираат за продолжување на нивните дозволи, а веќе поднесените апликации ќе бидат обработени. Владата ги нарекува овие реформи прв чекор во планираното долгорочно решение.

Економски последици и зависност од странци

Според официјалната статистика, странските работници сочинуваат само два проценти од унгарската работна сила, но некои сектори, како што се услугите и производството, се многу зависни од нив. Некои од најголемите странски инвеститори во Унгарија предупредија дека целосното прекинување на доаѓањето на гастарбајтери може да им наштети на компаниите и на економијата како целина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер