Македонија

МАТТО: Целосна либерализација на трговијата со Турција и слободна зона во Гевгелија

Стопроцентно либерализирање на трговијата меѓу Македонија и Турција, бараат компаниите - членки на Стопанската комора Македонија - Турција (МАТТО).

Сметаат дека со тоа турските инвестиции во земјава двојно ќе се зголемат, од сегашните 1,2 на две милијарди долари, а значително ќе порасне и размената, од 400 милиони долари колку што изнесува последните неколку години, на една милијарда.

МАТТО во соработка со една од најголемите бесцарински зони во Турција, рзмислува и за отворање слободна економска зона во Гевгелија во која би биле присутни и домашни и труски инвестиции, но под исти услови, како што најавува Владата.

- Работиме на отворање бесцаринска зона која ќе биде достапна за турски и македонски стопанственици за производство, истакна денеска на прес-конференција претседателот на МАТТО Ајдован Адемовски.

Турските компании, нагласи, се посебно заинтересирани за инвестирање во енергетиката. Но, потенцијални сектори за соработка се и текстилот, земјоделството, сточарството (млеко, месо), овоштарството, прехранбената индустрија и посебно туризмот.

- Ако се либерализира трговијата, ќе има многу брз раст на инвестициите во Македонија и обратно, македонските стопанственици полесно ќе влезат на 80-милионскиот пазар во Турција, рече Адемовски.

И компании од Бурса, главно од автомобилската индустрија, сакаат да инвестираат во бесцаринските зони.

- Интерс за инвестиции има и од турски комапнии од енергетиката, но се очекува енергетската политика на новата Влада и политиката за поддршка и развој на инвестициите, додаде економскиот аташе во Турската амбасада Бенјамин Кутлу.

Според него, покрај целосната либерализација на трговијата, и новиот пакет мерки на новата Влада за поддршка на инвестициите ќе помогне многу за поголема размена меѓу двете земји.

- Лани остваривме 420 милиони долари трговска размена, а според досегашните податоци, веројатно и 2017-та ќе ја заокружиме на тоа ниво. Веќе неколку години стагнираме на 400 милиони долари, не успеавме да оствариме позначителен раст иако има капацитет и можности за достигнување една милијарда долари, рече Кутлу, укажувајќи на големиот дефицит од македонска страна.

Според него, за да достигне размената милијарда долари, прво треба да се зголеми производството, а во оваа насока поддршка може да даде токму целосната либерализација на трговијата. Со тоа, голем дел од труските компании би инвестирале во Македонија во производство на различни производи и сектори кои потоа би ги извезувале во Турција. Истовремено, тоа ќе значи и модернизирање на технологијата, поголема вработеност и раст на економијата.

Претседателот на МАТТО посебно се осврна на туризмот, констатирајќи дека Македонија нема хотели кои би згрижиле квалитетни туристи.

- Ако Владата даде субвенции како за холандските или други туристи, ќе добиеме многу зашто Турција ги поседува најдобрите хотели во Европа. Нашите скијачки центри и планини се можеби подобри од многу други светски, но немаме никаква активност тука, во давање поддршка за изградба на хотели, за стимулации на агенции кои би носеле туристи од Турција на зимување или летување, а тие се всушност двигатели на многу сектори - ресторани, транспорт, аеродром,..., посочи Адемоски.

Македонија, дополни, мора да ги искористи капацитетите, можностите потенцијалите. - Да не се лажеме дека ќе произведуваме Мерцедез. Можеме да ги продаваме Матка, планините, туризам, услуги и да привлекуваме инвестиции од земји како Турција, со кои сме традиционално, културно поврзани. Нема да дојде никој од Мексико да инвестира на пазар од два милиона, подвлече претседателот на МАТТО.

Договорот за слободна трговија меѓу Македонија и Турција е потпишан во 1999 година и врз основа на него се укинати царинските давачки за сите индустриски производи, но за земјодекските и прехранбените царински давачки има, иако за некои се предвидени квоти. /МИА

Живот

Маж прави акробации со бебе - сите се шокирани: Ти требаат часови по родителство (ВИДЕО)

На социјалните мрежи кружи видео на кое маж, наводно таткото, прави „акробации“ со бебе, држејќи го за нозе и раце.

Бројни корисници на Инстаграм и Твитер жестоко ја критикуваа сцената, а лекарите предупредија на можни последици, пишува Daily Mail.

Во видеото кое трае 35 секунди, го гледаме мажот како го ниша бебето напред-назад, над главата и меѓу нозете, а луѓето истакнаа дека тоа претставува „опасност не само за неговите зглобови, туку и за мозокот“.

Видеото е придружено со порака „врска меѓу татко и дете“, но многу корисници беа вознемирени од сцената, што е јасно од нивните коментари.

Д-р Стјуарт Фишер, лекар по интерна медицина и поранешен педијатар во одделот за итни случаи, исто така реагира:

„Мислам дека е морално и легално да се направи КАТ скен или МРИ, што можеби нема да покаже микроскопски повреди на мозокот.

Експертите предупредуваат дека овој тип на игра потенцијално може да доведе до синдром на потресено бебе, бидејќи мозокот на таа возраст е исклучително подложен на повреди.

Дополнително, кревањето на бебето за раце или нозе, без поддршка за грбот, може да доведе до исчашување на зглобовите.

Останува нејасно колку е старо бебето, но се верува дека има околу една година.

„Ова е ментална болест и каква, дали е важно? Ова може да се смета за кривично дело. Тој не разбира каква скапоцена дарба има. Му треба, во најмала рака, долготрајна инструкција и советување“, заклучи др. Стјуарт Фишер.

Корисниците го критикуваа и однесувањето на човекот, со илјадници коментари на мрежите.

„Ова не може да биде легално.Кутрото дете“, „Ти требаат часови за родителство. Ова е толку ужасно“, гласеа некои од пораките.

Од друга страна, поединци тврдат дека родителите така си играле со нив без да имаат никакви (здравствени) проблеми.

Се огласи на Твитер тренерот на познатиот УФЦ борец Конор Мек Грегор. Тој го сподели видеото и коментира:

„Каква глупост. Дури и да сфатите погрешно еднаш во 1.000 пати, тоа е трауматска повреда плус потрес на мозокот. Колку луѓе ќе го повторат ова за неколку лајкови и ќе го повредат своето дете? Можеби не требаше да споделам. Не правете го ова“, напиша Џон Кафеа.

Македонија

Комисија за здравство на ВМРО-ДПМНЕ: Не се откажуваат, МЗ турка реновирање на операциски сали

Не се откажуваат до последно, повторен обид на министерството за здравство да протурка реновирање на операциски сали и фаворизира одредени фирми

Министерството за здравство повторно ја објавува постапката за јавна набавка на проектирање и изведба на реконструкција и реновирање на операциски сали, нивни пред простории и ходници со машински соби во УКЦ Мајка Тереза - хируршки клиники по принципот „клуч на рака“.

Истата пред само месец и половина Државната комисија за жалби по јавни набавки ја поништи од причина што Министерството за здравство изготвило тендерската документација која не е во согласност со Законот за јавни набавки и истата доведува до дискриминација на економските оператори и ограничување на пазарната конкуренција.

Повторената постапка објавена е на ден 24.04.2024 година, неработен ден прогласен со одлука на Влада поради одржување на прв круг претседателски избори.

Во тендерската документација за економска способност на економските оператори се бара минимум 550.000.000 денари со ДДВ вкупен приход во последните три години за секоја година поединечно.

Ова е целосно неосновано.

Прво, затоа што во финансиските извештаи приходот се искажува без ДДВ (ДДВ-то е обврска на друштвото да го плати спрема државата).

Второ, зошто не е објавена проценетата вредност на набавката за да може да се утврди дали овој услов е согласно Законот за јавни набавки? (Според Законот за јавни набавки - Договорниот орган не смее да бара минималниот годишен приход да изнесува двојно повеќе од проценетата вредност на набавката), објави на фб Комисија за здравство на ВМРО-ДПМНЕ.

Македонија

Дафина Стојаноска: Мора да бидеме гласни, за да не станеме невидливи

Дафина Стојаноска синоќа на митинзите во Гостивар и Тетово порача:

Мора да почнеме поинаку да функционираме и да не молчиме пред неправдите. Мора да се обелоденуваат сите криминали и скандали. Мора да бидеме гласни, за да не станеме невидливи. Криминалот е тој кој треба да биде замолчен. Доста е!

На 8-ми мај народот доаѓа по своето, по она што Али и Груби му го одзедоа, по она што Заев, Таче и Стево му го продадоа. На 8 мај нема уценети и поткупени. Никој повеќе не им се плаши, ниту ги сака нивните гнасни пари. Сите до денар ќе му го вратат на народот, како што ќе му ја вратат и државата. Доста долго остана во нивно заложништво. Нема повеќе сила, ниту пара која ќе го сокрие криминалот на ДУИ и СДСМ. Време е за слобода и правда. Време е за нов Претседател на Република Македонија и за нова Влада.

Гласајте за професори а не за криминалци, се наведува во партиското соопштение.

притисни ентер