Минчев на министерски состанок на RESPA: Регионалното партнерство во функција на европските стандарди и подобри јавни услуги
1 Минчев на министерски состанок на RESPA: Регионалното партнерство во функција на европските стандарди и подобри јавни услуги
Борците во рингот, браќата Нурмагомедов се пуштени од затвор Умар и Усман Нурмагомедов се пуштени од затвор по насилно однесување.
2Борците во рингот, браќата Нурмагомедов се пуштени од затвор Умар и Усман Нурмагомедов се пуштени од затвор по насилно однесување.
СветМасовни протести во Венецуела, илјадници се уапсени- Мадуро се закани: Сега нема да ви простамИлјадници Венецуелци вчера маршираа низ јужноамериканската земја поради спорните избори, додека претседателот Николас Мадуро им рече на приврзаниците дека околу 2.000 луѓе биле уапсени за време на протестите против изборните резултати.Илјадници Венецуелци вчера маршираа низ јужноамериканската земја поради спорните избори, додека претседателот Николас Мадуро им рече на приврзаниците дека околу 2.000 луѓе биле уапсени за време на протестите против изборните резултати и рече дека нема да има помилување. Изборната комисија на Венецуела, која критичарите ја обвинуваат за фаворизирање на владејачките социјалисти, го прогласи Мадуро за победник по изборите минатата недела, објавувајќи дека освоил 51 отсто наспроти 46 отсто за опозицискиот кандидат Едмундо Гонзалес. Објавените изборни резултати предизвикаа широко распространети обвинувања за измами и протести. После тоа, безбедносните сили почнаа да ги разбиваат демонстрантите, кои владата на Мадуро ги означи како дел од обидот за државен удар поддржан од САД. „Овој пат нема да има прошка“, им рече Мадуро на приврзаниците на митингот во Каракас, каде што рече дека околу 2.000 луѓе биле приведени во врска со „злосторства“ за време на протестите. Тој вети „максимална казна“. Поддржувачите на Мадуро тврдат дека ја бранат демократијата. „Денес сме овде, го слушаме повикот на нашиот претседател... да ја браниме демократијата“, изјави за државната телевизија Алфредо Валера, претседател на венецуелскиот синдикат Фонтур, кој учествуваше на провладиниот марш во Каракас. На друго место, поддржувачите на опозицијата маршираа за правда, поттикнати од присуството на опозициската лидерка Марија Корина Мачадо, која вчера излезе од скривницата за да се приклучи на протестите на улиците на Каракас. „Како што ни требаше долго време за да постигнеме изборна победа, сега доаѓа фаза што ја решаваме од ден на ден, но никогаш не сме биле силни како денес, никогаш“, изјави Мачадо пред приврзаниците во Каракас. Поддржувачите беа среќни што ја видоа Мачадо на улиците, откако таа напиша во текст за Wall Street Journal во четвртокот дека се крие и дека се плаши за својот живот. Покрај во Каракас, протести се одржаа и во други градови, вклучувајќи ги Валенсија, Маракаибо и Сан Кристобал. „Не негирам дека е малку страшно да се видат безбедносните сили како минуваат“, рече продавачката Марија Лузардо (46) во Сан Кристобал. „Ако (Мачадо) е доволно храбра да биде на улица и покрај заканите, тогаш сме и ние. Венецуела нè повикува“. Досега, според различни извори, вклучително и организацијата „Хјуман рајтс воч“ со седиште во САД, се убиени најмалку 20 луѓе во постизборните протести. Во текот на неделата, некои Венецуелци се појавија пред полициските станици барајќи вести за приведените членови на семејството. Организацијата на американски држави, ОАС, со седиште во Вашингтон, повика на мир во Венецуела пред планираните протести. „Денеска апелираме да нема повеќе политички затвореници, да нема измачени луѓе, да нема исчезнати луѓе, да нема повеќе убиени“, соопшти ОАС, која ги нарече изборните резултати оваа недела неверодостојни. Земјите, вклучувајќи ги САД и Аргентина, веќе го признаа Гонзалес како победник на изборите, а американскиот државен секретар Антони Блинкен во четвртокот рече дека доказите за неговата победа се неспорни. Костарика, Еквадор, Панама и Уругвај исто така во петокот заклучија дека Гонзалес добил најмногу гласови. Други, вклучувајќи ги Русија, Кина и Куба, му честитаа на Мадуро.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
Македонија Минчев на министерски состанок на RESPA: Регионалното партнерство во функција на европските стандарди и подобри јавни услугиМинистерот за јавна администрација, Горан Минчев, учествуваше на 18-тиот состанок на Управниот одбор на Регионалното училиште за јавна администрација (ReSPA) на министерско ниво, кој се одржа денеска во Белград, Република Србија.На состанокот беше усвоен Буџетот на ReSPA за 2027–2028 година, како и годишниот финансиски план за 2027 година, со што се обезбедува континуитет на нејзината работа, програмите и активностите насочени кон унапредување на јавната администрација во земјите од Западен Балкан. За Министерството за јавна администрација, ReSPA претставува значаен стратешки партнер во процесот на европска интеграција и спроведувањето на реформите во јавната администрација. Нејзината улога е особено важна преку реализацијата на специјализирани обуки, јакнењето на професионалните и раководните капацитети, експертската поддршка, регионалните проекти и размената на искуства и добри практики со земјите од регионот и Европската Унија. Преку овие активности, ReSPA овозможува европските принципи и стандарди за добро управување да се преточат во конкретни знаења, вештини и подобрени институционални практики, што е особено значајно за унапредување на професионалноста и ефикасноста на администрацијата, модернизација на јавните услуги и градење институции кои се поодговорни, потранспарентни и поотворени кон граѓаните. Регионалната димензија на ReSPA има дополнителна вредност бидејќи овозможува земјите од Западен Балкан заеднички да ги адресираат предизвиците во реформата на јавната администрација, да разменуваат искуства и да ги користат знаењата и експертизата на европските партнери. На тој начин, регионалната соработка станува важен механизам за побрзо приближување кон европските административни стандарди и зајакнување на подготвеноста на институциите за членство во Европската Унија. На состанокот беа презентирани и главните постигнувања и активности на ReSPA во изминатиот период, вклучително и спроведувањето на нејзината програмска работа и соработката со партнерските организации. Учеството на министерот Минчев ја потврдува заложбата на Министерството за јавна администрација за активно учество во регионалните иницијативи, продлабочување на соработката со ReSPA и целосно искористување на можностите што ги нуди ова партнерство за унапредување на националните реформски приоритети. Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
ЗабаваГвардиола одмора во Дубаи и гледа кошаркаЕден од најтрофејните тренери во светскиот фудбал, екс предводникот на Манчестер Сити, Пеп Гвардиола, по напорните сезони на клупата на граѓаните е на заслужен одмор. Пеп во моментов одмора во Дубаи каде ја следи и кошаркарската Евролига. Шест месеци по заминувањето од Манчестер Сити – со кој освои 20 трофеи – тој денеска беше забележан во Дубаи, на натпреварот од Евролигата меѓу домашниот клуб Дубаи и Анадолу Ефес. Пред почетокот на натпреварот во „Кока-Кола Арена“, генералниот менаџер на клубот од Дубаи, Дејан Камењашевиќ, му врачи на Гвардиола клупски дрес на самиот терен со неоговото презиме и бројот четири – истиот број што прославениот тренер го носеше како фудбалер на Барселона во текот на 1990-тите години. На овој меч Пеп се сретна и со свoјот пријател и сонародник од Каталонија, стратегот на домаќините Чави Пасквал, тренерот кој со Барселона ја освои Евролигата во 2010 година – токму во периодот кога фудбалскиот тим на Гвардиола доминираше во Европа. Страста на Гвардиола кон врвната кошарка не е ништо ново. Ова е веќе негов втор натпревар во Евролигата во последниот месец, откако кон средината на октомври во Барселона го следеше дуелот Барселона и Олимпијакос, кој отиде во продолжение. Тој, исто така, беше на трибините во „Палау Блауграна“ во 2022 година на натпреварот против АСВЕЛ, а во 2015 година, како тренер на Баерн, го гледаше натпреварот меѓу минхенскиот клуб и Химки.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
СветМексиканската претседателка му порача на Си дека сака поголема соработка со КинаМексиканската претседателка Клаудија Шеинбаум, во разговор со кинескиот претседател Си Џинпинг, изјави дека Мексико сака да ја зајакне соработката со Кина. Како области од посебен интерес таа ги издвои технологијата, земјоделството, управувањето со водните ресурси, здравството и туризмот, пренесува Ројтерс. Средбата се одржа во Шенжен – центар за технологија и производство во јужна Кина – во пресрет на самитот на Азиско-пацифичката економска соработка (APEC). #SheinbaumLiderMundial 🚨 LLEGA LA NUEVA ERA MEXICO-CHINA Nuestra PresidentA @Claudiashein y toda la delegación Mexicana fueron recibidas en la Sala de Honor por el Presidente de China, Xi Jinping y su gabinete, en la que acordaron una nueva era de cooperación para impulsar el Desarrollo y el Comercio entre ambos países... — La Catrina Norteña (@catrina_nortena) November 17, 2026 Кинески предлози за соработка Кинеските државни медиуми објавија дека Си Џинпинг повикал на искрени односи и продлабочување на меѓусебната политичка доверба. Тој нагласи дека двете земји треба да промовираат пријателска соработка и да го зајакнат стратешкото усогласување. Reunión con el presidente Xi Jinping y su gabinete. Hablamos de una nueva era de cooperación para el desarrollo en las relaciones México-China. https://t.co/ucrYYb7BSe — Claudia Sheinbaum Pardo (@Claudiashein) November 17, 2026 Си додаде дека соработката треба да се продлабочи и во областите на инфраструктурата, технологијата, чистата енергија, културата и туризмот. Извор: Индекс.хрТагови: Кина Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Најважни вестиАНБ откри терористичка мрежа во Македонија: Подготвувале атентат во Грција15:00Кристијан Корабоски доби 30 дена притвор за нападот врз Сара во Охрид11:20Повторно е приведен Кристијан Корабоски, кој крвнички ја претепа неговата девојка, Сара 17:05Осомничениот насилник од Охрид нема да оди во притвор, доби само мерки за забрана за приближување и одземен пасош15:00Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32
Осомничениот насилник од Охрид нема да оди во притвор, доби само мерки за забрана за приближување и одземен пасош15:00
Мајката на повредената девојка: Ќерка ми сè уште е во болница, а осомничениот е пуштен на слобода, поднесена кривична пријава против насилникот08:32