Македонија

Масовни откажувања летови во Европа поради недостиг на керозин

Песимистичките најави почнаа да се остваруваат – се повеќе авиони ќе остануваат приземјени поради недостигот, но и скапиот кериозин.

Светските компании веќе почнаа да откажуваат летови, особено на кратки релации – само германска Луфтханза откажа 20.000 летови до октомври. Европската комисија во меѓувреме најавува контра удар на енергетската криза – најавија дека ќе им помогнат на земјите членки соодветно да реагираат, односно, наместо да интервенриаат на пазарот, правилно да ги распределат ресурсите и да ги утврдат приоритетите. ЕУ има повеќе снабдувачи, велат од комисијата, кои уверуваат дека нема непосредна загриженост.

-Не постои непосредна загриженост за безбедноста на снабдувањето за ЕУ. Нашето снабдување и со нафта – вклучувајќи дизел-горива и горива за авиони – и со гас е диверзицифирано на глобалните пазари. ЕУ успешно се откажа од прекумерната зависност од еден снабдувач на гас кон мешавина од снабдување со цевководи и течен природен гас од целиот свет,- – Европска комисија.

Сепак, меѓународниот совет на аеродроми алармираше дека горивата се намалуваат, а воената активност дополнително ги оптоварува залихите – гориво според европските компании има за неколку недели – а добавувачите не се во можност да гарантираат испораки во мај. – Кон ова се надоврза и првиот човек на меѓународната агенција за енергетика – Фатих Бирол.

-Ние во Европа имаме останато авионско гориво за можеби шест недели. Можам да ви кажам дека наскоро ќе се слушне вест дека некои од летовите од еден до друг град може да бидат откажани како резулатат на недостаток на авионско гориво,- Фатих Бирол – Претседател на меѓунардона агенција за енергетика.

Во земјава во моментов состојбите се стабилни, но никој не се осудува да прогнозира што не очекува во претстојниот период, кој глобално се најавува како проблематичен.

Од Министерството за транспорт за Канал 5 велат дека нема најави за откажување на летови и дека авиособраќајот во земјава се одвива со полн капацитет, односно, има зголемување и на бројот на патници и на летови за разлика од истиот период лани. Тврдат дека ги следат состојбите и се во секојдневна комуникација со надлежните институции за состојбите во авиотранспортот.

-ТАВ Македонија, концесионер на двата македонски аеродроми, будно ја следи состојбата со случувањата во авијацискиот сектор на глобално ниво како последица од војанта на Блискиот Исток и сме во постојана комуникација и координација со сите надлежни институции во Европа и во земјава, како и со авиокомпаниите кои оперираат на нашите аеродроми.– ТАВ.

Дека состојбата е стабилна потврдуваат за Канал 5 и од компанијата Макпетрол која е снабдувач на керозин за македобскиот авио сообраќај. Тие уверуваат дека снабдувањето со млазно гориво во моментов се одвива непрекинато и дека се исполнуваат сите барања на авиокомпаниите. Што се однесува за месец Мај, велат, не можат да предвидат дали би имало посериозни проблеми, бидејќи ги генерира геополитичката состојба, која уверуваат дека ја следат, со цел да се справат со евентуалните предизвици од истата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Зошто комарците „обожаваат“ некои луѓе, а целосно ги игнорираат другите?

Научниците открија што ги привлекува.

Долго пред да слетаат врз нас за да нè каснат и да се хранат со нашата крв, комарците препознаваат сигнали од нашите тела, првенствено мирис, врз основа на кои одредуваат кој ќе биде цел на нивниот напад.

Некои луѓе се неизбежно цел на напади од комарци и мора да се справат со непријатните последици од каснувањата од комарци кои можат да траат неколку дена, вели резултатот од научното истражување за тоа зошто комарците напаѓаат некои луѓе почесто, објавува Би-Би-Си.

Многу често, луѓето кои се до такви луѓе немаат проблеми и не се каснати од никакви комарци.

Научниците истакнуваат дека човечкото тело емитува бројни биолошки сигнали, вклучувајќи ги и оние од здивот и мирисот на телото, кои одредуваат колку е подложен поединецот на каснувања, а кај некои луѓе овие сигнали се неодоливи за комарците.

Само женските комарци ги касаат луѓето за да се хранат со крв, што е неопходно за развој на јајца поради протеинот.

Комарците користат визуелни и мирисни знаци (вид и мирис) за да го лоцираат својот плен од растојание од околу 10 метри. Тука спаѓаат траги од јаглерод диоксид (CO2) што ги издишуваме преку здивот и кожата.

Човечкиот здив испраќа сигнал во форма на CO2 што го активира сетилото за мирис на комарецот да бара домаќин, а возрасните се попривлечни за комарците отколку децата бидејќи произведуваат повеќе јаглерод диоксид.

Ова значи дека комарците се привлечени и од нечовечки извори на CO2, поради што сувиот мраз и флашираниот CO2 се корисни за правење стапици за комарци.

Истражувањата покажуваат дека комарците се привлечени и од топлина и од влажност, а дека присуството на јаглерод диоксид ја зголемува нивната привлечност кон топлината.

Затоа бремените жени се двојно попривлечни за комарците од небремените жени бидејќи бременоста ги зголемува метаболичките потреби и волуменот на дишење, што предизвикува телото да ослободи повеќе топлина и да издиши повеќе јаглерод диоксид.

Како што комарците се приближуваат до човекот и се наоѓаат на растојание од 10 метри, тие ја идентификуваат својата жртва преку низа знаци, вклучувајќи мириси на кожа и здив.

Извор: Б92

Тагови: комарци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова им подари традиционална галичка пафта на младенците на „Галичка свадба“

Претседателката Гордана Сиљановска-Давкова присуствуваше на „Галичка свадба“, којашто и годинава се одржа под нејзино покровителство.

Во духот на вековната традиција, пречекана со домашна нафора и сол од најмладите галичани, претседателката проследи дел од свадбарските обичаи што со векови се пренесуваат низ мијачкиот крај, како еден од најавтентичните изрази на македонското културно наследство.

По венчавањето во храмот „Св. Петар и Павле“, таа им се придружи на младенците и свадбарите во традиционалното оро.

Честитајќи им го бракот на овогодинешните младенци, Мартина Михајлова и Александар Пендароски, таа им подари галичка пафта со мотив од традиционалната галичка носија која е симбол на плодноста и македонското свадбено богатство.

Сиљановска-Давкова им посака заедничкиот живот да им биде исполнет со љубов, доверба и меѓусебна почит, а домот со разбирање и детска смеа.

За неа, семејството е највозвишената човечка заедница, бракот е уметност на неможното, а децата неговото најголемо богатство.

Годинашната „Галичка свадба“ започна на 10 јули со традиционалното поставување на свадбарскиот бајрак и симболичното фрлање три пушки од куќата на зетот, со што беше означен почетокот на свадбените свечености.

Од година во година, манифестацијата привлекува сѐ повеќе посетители од земјата и од странство, останувајќи една од најпрепознатливите симболи на македонскиот културен идентитет.

Тагови: Гордана Сиљановска-Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода вкупно осум лица во, кај нив при преглед е пронајдена дрога

Лишени од слобода вкупно осум лица во Скопје, Струга и Кичево, кај нив при преглед е пронајдена дрога.

На 11/12.07.2026 во Скопје, на различни локации полициски службеници од СВР Скопје ги лишија од слобода Т.Е.Б.(23), С.Б.(26), М.С.(33), Л.Д.(29), Е.М.(37) сите од Скопје и М.С.(18) од Тетово, затоа што кај нив се пронајдени и одземени марихуана, бела прашкаста материја и бела грутчеста материја.

На 11.07.2026 полициски службеници од ОВР Неготино извршија службен разговор со Н.К.(26) од село Бистренци, демиркаписко, затоа што при преглед од страна на полициски службеници од Мобилната единица за компензаторни мерки, кај него била пронајдена и одземена марихуана. Известен бил јавен обвинител.

На 12.07.2026 во 01:00 часот, на ул.„Нико Нестор“ во Струга, лишен од слобода е Н.М.(18) од струшкото село Мислодежда кај кого, полициските службеници при извршен преглед, пронајдоа и одзедоа опојна дрога марихуана.

На 12.07.2026 во 01:00 часот, кај месноста „Китино кале“ во Кичево, лишен од слобода е И.Ѓ.(48) од Белград, Република Србија кај кого, при извршен преглед, полициските службеници пронајдоа и одзедоа непозната бела прашкаста материја.

По целосно документирање на случаите, ќе следуваат соодветни поднесоци.

Тагови: дрога

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.