Масовен протест во Валенсија по поплавите, се бараат оставки од регионалните лидери - Канал 5

Свет

Масовен протест во Валенсија по поплавите, се бараат оставки од регионалните лидери

Околу 100.000 луѓе синоќа повторно излегоа на улиците на шпанскиот град Валенсија за да го осудат лошото управување на владата со катастрофалните поплави на крајот на октомври, во кои животот го загубија повеќе од 200 лица.

Масовен протест во Валенсија по поплавите, се бараат оставки од регионалните лидери

Зад огромен знак на кој пишува „Мазон, оставка“, што се однесува на конзервативниот регионален претседател на Валенсија, Карлос Мазон, „речиси 100.000 луѓе“ маршираа низ центарот на градот“, објави шпанската владина комисија во Валенсија.

Протестот беше организиран на покана на локалните и синдикалните организации во регионот што беше убедливо најпогодениот во разорните поплави на 29 октомври, во кои загинаа вкупно 230 лица.

На 9 ноември во Валенсија, третиот по големи град во Шпанија, веќе протестираа околу 130.000 лица, барајќи оставка од регионалниот лидер и осудувајќи го управувањето со вонредната ситуација од страна на централната влада на социјалистот Педро Санчез.

Поројните дождови зад себе оставија и материјална штета која се проценува на неколку милиони евра.

„Овие политичари го убиваат народот“, пишуваше на еден транспарент на мирните протести.

Демонстрантите повторно извикуваа „убијци, убијци! алудирајќи на фактот дека властите на Валенсија испратија предупредување до населението за опасност повеќе од 12 часа по црвеното предупредување издадено од Националната метеоролошка агенција и кога поплавите веќе зафатија многу области.

Во Шпанија, високо децентрализирана земја, управувањето со катастрофи е одговорност на регионите, но централната влада може да обезбеди средства, па дури и да преземе одговорност за итни случаи во екстремни случаи.

Погодените од поплавите ја критикуваат регионалната извршна власт дека доволно однапред не ги предупредила жителите за опасноста од бурните дождови кои почнаа утрото на тој кобен вторник, а исто така ја одложуваат распределбата на помошта во повеќе од 70 општини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ги посети Клиниката за инфективни болести и Институтот за јавно здравје

Министерот за здравство, Сашо Клековски, денес ги посети Клиниката за инфективни болести и Институтот за јавно здравје, каде се сретна со медицинскиот персонал вклучен во справувањето со епидемијата од западнонилска треска.

Министерот Клековски ги посети Клиниката за инфективни болести и Институтот за јавно здравје

- Системот е подготвен и здравствените работници ја имаат нашата целосна поддршка во справувањето со западнонилската треска како јавноздравствен предизвик. При денешната посета на овие установи направив увид во капацитетите со кои располагаат од аспект на капацитети за хоспитализација, кадровска опременост, како и лабораториските реагенси за испитување. Досега се потврдени вкупно 44 случаи со западнонилска треска, од кои 43 се хоспитализирани, а поголем дел од нив се со невроинвазивна форма на болеста, посочи министерот Клековски.

Тој упати апел до граѓаните - доколку забележат симптоми како: висока температура, вкочанет врат, дезориентација, слабост или грчеви — веднаш да се јават кај својот матичен лекар.

Инаку, од почетокот на епидемијата досега 21 пациент е отпуштен од болница и упатен на домашно лекување, уште четворица пациенти денес се отпуштаат, а вкупно пет лица се починати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Бебе истрча на терен и прекина натпревар во американската МЛС

Во 21-то коло од сезоната во МЛС, „Минесота јунајтед“ оствари убедлива победа од 5–1 на гостински терен против „Сан Хозе“, но високиот резултат не беше она за што најмногу се зборуваше по натпреварот. 

Видео: Бебе истрча на терен и прекина натпревар во американската МЛС

Вниманието го привлече еден необичен прекин во првата минута од судиското надополнување, кога едно мало дете – на возраст од околу една година – залута на теренот.

Судијата Џаир Маруфо ја прекина играта, иако телевизискиот пренос првично не ја откри причината за тоа.

Коментаторката Киндра потоа ја разјасни ситуацијата со едноставна изјава: „На теренот има бебе“. Кратко потоа, камерите прикажаа како еден од редарите го изнесува детето од теренот.

Редарите веднаш им го вратија детето на родителите, а идентитетот на семејството не беше откриен.

„Минесота јунајтед“ исто така ја коментираше ситуацијата; покрај објавата за резултатот од натпреварот на социјалните мрежи, клубот духовито забележа: „Како да му земеш бонбона на бебе“.

По победата, се огласи и тренерот на „Минесота“, Камерон Ноулс. „Слушнавме врева, па погледнавме да видиме што се случува. Можеби е малку рано за доживотна забрана за влез на стадионот“, се пошегува Ноулс.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

Зачаденоста на Градот е од ветерот кој го носи чадот од актуелниот пожар во Китка, Општина Студеничани и Општина Зелениково,.

ЦУК: Зачаденоста на Градот е од ветерот кој го носи чадот од актуелниот пожар во Китка, Студеничани и Зелениково

-На тој пожар до сега дејствуваше хеликоптерот на МВР. До овој момент ЦУК нема пријава за можен пожар на Водно, освен двата пожари на сува трева и ниско деградирана шума во Општина Илинденинформираат од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер