Технологија

Маск планира да изгради сопствен град

Американскиот мултимилијардер Илон Маск планира да изгради сопствен град на купени пасишта и земјоделско земјиште недалеку од Остин, главниот град на државата Тексас.

Документите од земјиштето сугерираат дека Маск сериозно го сфатил овој проект, што го потврдија и луѓе запознаени со идејата на Маск, пишува Wall Street Journal.

На средбите со сопствениците на земјиштето и агентите за недвижнини, Маск и вработените во неговата компанија ја опишале неговата визија како еден вид тексашка утопија покрај реката Колорадо, каде што неговите вработени можат да живеат и работат. Раководните лица во компанијата на Маск, Boring, разговарале и ја истражиле можноста за инкорпорирање на новоизградениот град во округот Бастроп, кој е на околу 35 милји од Остин.

Вклопувањето на градот во постојниот округ ќе му овозможи на Маск да ги забрза своите планови. Маск и неговите најблиски соработници, наводно, сакаат на вработените во компаниите на Маск во областа Остин, вклучително и работниците во Boring, производителот на електрични автомобили Тесла и компанијата за истражување на вселената SpaceX, да им биде дозволено да живеат во нови домови со кирии пониски од пазарните.

Планираниот град се граничи со објектите Boring и SpaceX кои сега се во изградба. На локацијата веќе има куќи, базени, спортски терен и теретана. За време на заедничкиот состанок на вработените во Boring минатата година, претседателот на компанијата Стив Дејвис најавил дека новоизградениот град ќе мора да одржи избори за градоначалник, потврдиле луѓето кои присуствувале на состанокот.

Според законот во Тексас, градот мора да има население од најмалку 201 жители пред да може да аплицира за инкорпорирање, а потоа да бара одобрение од окружниот судија. Портпаролката на округот Бастроп рече дека Маск сè уште не поднел никакво официјално барање.

Чап Амброуз, компјутерски програмер кој живее на врвот на ридот со поглед на новите капацитети на Боринг и Спејс Икс, рече дека верува дека „тие сакаат да го чуваат тоа во тајност“. „Тие сакаат да прават работи пред некој да сфати што навистина се случува“, истакнал тој.

Маск и Дејвис не одговориле на прашањата на The Wall Street Journal за изградбата на градот. Во текот на изминатите три години, субјектите поврзани со компаниите или соработниците на Маск купиле најмалку 3.500 хектари во областа Остин, вкупно четири пати поголема од големината на Њујоршкиот Централ парк.

Фудбал

Ибрахимовиќ: Тешко ми беше да се откажам од фудбалот поради моето его

Поранешниот напаѓач Златан Ибрахимовиќ зборуваше за подкастот на „АБТалкс“ каде што разговараше за неговото пензионирање од фудбалот, неговото враќање во Милан како главен советник на сопственикот на клубот и за смртта на неговиот агент Мино Раиола.

-Добро сум, така ме третира животот. Секако, се повлеков од фудбалот пред повеќе од осум месеци, така што мојот живот сега е поинаков. Прифатив да се откажам од фудбалот, што беше тешка работа поради моето его и начинот на кој се доживував себеси. Мислам дека сум најдобар и сè уште сум таков. Можев да продолжам, но решив да престанам. Зошто? Сакам само добар живот за моето семејство. Сакав да правам работи со моите синови, а пред тоа не беше можно бидејќи имав проблеми со едното колено. Така го прифатив тоа и дојде момент кога си реков: „Во ред е, откажи се и отвори ново поглавје од твојот живот, вели популарниот Ибра.

Потоа, неколку месеци подоцна, го запознава Гери Кардинале, кој го надгледува фондот „РедБрд“ што го купи Милан.

-Ми даде понуда што не можев да ја одбијам. Така почнав да работам со Милан, откако бев во клубот три-четири месеци. Добро се однесуваат со мене таму, морам да признаам. Кога почина мојот агент Мино Раиола, тоа беше голем удар за мене. Многу плачев. Сè уште не е исчезнато чувството, бидејќи спомените постојано ми се враќаат. Скршен сум затоа што многу ми недостига. Секој што го познава знае колку бевме блиски. Да можам би му напишал: „Ми недостигаш“, сподели Ибрахимовиќ. /МИА

Шоу биз

Почесна Златна палма за Мерил Стрип на Канскиот филмски фестивал

 Познатата американска актерка Мерил Стрип (74) ќе добие почесна Златна палма за време на церемонијата на отворањето на овогодишниот Меѓународен филмски фестивал во Кан на 14 мај, соопштија денеска организаторите.

Холивудската актерка со рекордни 21 номинација за престижниот Оскар само еднаш била на Канскиот фестивал. Тоа беше пред 35 години кога филмот „Плач во темнината“ во кој играше, доби една од наградите на Канскиот фестивал.

Мерил Стрип освои три Оскари за улогите во филмовите „Крамер против Крамер“ (1980), „Изборот на Софија“ (1983) и „Челичната дама“ во 2012 година.

Актерката се прослави во филмовите „Лов на елени“, „Жената на францускиот поручник“, „Мојата Африка“, „Мостовите на округот Медисон“, „Сомнеж“ и „Заљубување“.

Почесна Златна палма годинава ќе добијат креаторот на серијата „Војна на ѕвездите“, Џорџ Лукас и колективно Студио Гибли на јапонскиот режисер за анимација Хајао Мијазаки.

Канскиот фестивал ќе се одржи од 14 до 25 мај, а за Златната палма се натпреваруваат повеќе од 20 филмови, меѓу кои и новиот филм на Френсис Форд Копола „Мегалополис“. /МИА

Фудбал

ФА го суспендираше Тонали на два месеци

Сандро Тонали беше суспендиран од фудбалот на два месеци. Нему му пресуди Независната регулаторна комисија откако призна дека учествувал во забрането обложување.

Покрај тоа, тој е казнет со 20.000 фунти и предупреден за понатамошно однесување.

Суспензијата е таква што Тонали нема да може да се врати на терените до крајот на сезоната, до кога ќе истече десетмесечната казна што му ја изрече Италијанската фудбалска федерација на 27 октомври 2023 година.

Доколку не го повтори истиот прекршок до крајот на сезоната, нема да мора да ја одлежи оваа двомесечна суспензија.

Фудбалскиот сојуз и Регулаторната комисија оценија дека Тонали соработувал и признал се за што е обвинет „на исклучителен и досега неевидентиран начин“.

Тонали целосно ги признал сите свои прекршоци, а тоа го направил во ситуација кога доказите практично не постоеле.

Тој продолжува да оди на терапија и едукативни програми на кои е должен да присуствува со целосна поддршка од клубот и продолжува да тренира со екипата./МИА

притисни ентер