Маск: Користете „X Chat“ – „WhatsApp“ и „Signal“ не се безбедни - Канал 5

Технологија

Маск: Користете „X Chat“ – „WhatsApp“ и „Signal“ не се безбедни

Американскиот милијардер Илон Маск изрази сомнежи за безбедноста на широко користените платформи за пораки, тврдејќи дека не може целосно да се верува ниту на „WhatsApp“ ниту на „Signal“.

Маск: Користете „X Chat“ – „WhatsApp“ и „Signal“ не се безбедни

Сопственикот на платформата „X“ (порано „Twitter“), Илон Маск, повторно ја разбранува јавноста со своите изјави за приватноста на интернет. Тој им порача на корисниците да се префрлат на „X Chat“, тврдејќи дека сегашните лидери на пазарот на комуникациски апликации не се безбедни.

„WhatsApp не е безбеден. Дури и Signal е под знак прашалник. Користете X Chat“, објави Маск на својата социјална мрежа.

Во врска со овие тврдења, Маск сподели и извештај на „Bloomberg“ за тужба поднесена против компанијата „Meta“ (сопственик на „WhatsApp“). Во тужбата се наведува дека „Meta“ може да пристапи до приватните разговори на корисниците, што директно ја нарушува нивната приватност. Група тужители во федерален суд во Сан Франциско ја обвинија компанијата за измама на милијарди корисници ширум светот, тврдејќи дека „Meta“ всушност „складира, анализира и има пристап“ до скоро сите комуникации што се рекламираат како приватни.

Портпаролот на „Meta“, Енди Стоун, остро ги отфрли обвинувањата, нарекувајќи ги „категорично лажни и апсурдни“. Тој истакна дека „WhatsApp“ го користи протоколот „Signal“ за енкрипција од крај до крај веќе една деценија и ја отфрли тужбата како лекомислена фикција.

Иако тужбата цитира информации добиени од анонимни информатори, специфичните детали за нивниот идентитет или докази сè уште не се јавно достапни. Маск, од друга страна, ја користи ситуацијата за да ги промовира своите комуникациски решенија во рамките на екосистемот „X“, продолжувајќи го своето долгогодишно соперништво со Марк Закерберг и други технолошки гиганти.

Извор: Б92

Тагови: X Илон Маск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Не помина интерпелацијата за министерот Панче Тошковски

Со 77 гласа против, 58 за и 17 воздржани во Собранието не беше изгласана интерпелацијата за министерот за внатрешни работи, Панче Тошковски, поднесена од Левица.

Не помина интерпелацијата за министерот Панче Тошковски

На гласањето му претходеше жестока расправа во Собранието. Опозицијата обвинува за селективно постапување на полицијата, политички мотивирани акции, безбедносни пропусти...

Тошковски пак, во иницијативата гледа евтин политички обид да се закочи расчистувањето со криминалот и корупцијата..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

На Пелистер спасена мала срна која била нападната од куче (ВИДЕО)

Вработените во јавната установа Национален парк Пелистер спасија мала срна која била нападната од куче бездомник.

На Пелистер спасена мала срна која била нападната од куче (ВИДЕО)

Од установата на Фејсбук објавија дека малата срна ја спасил раководителот на помошно-техничкото одделение и ренџер во установата.

По спасувањето, вработените презеле дополнителни активности за срната повторно да биде вратена во својата природна средина. Со помош на емитирање на звуци малата срна повторно беше споена со својата мајка“ посочуваат од Националнот парк Пелистер.

Тагови: НП Пелистер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Мелони повикува на нормализација на односите со САД по конфликтот со Трамп

Италијанската премиерка Џорџа Мелони вели дека односите со САД мора да се вратат во нормала по јавната расправија што минатата недела ја имаше со американскиот претседател Доналд Трамп.

Мелони повикува на нормализација на односите со САД по конфликтот со Трамп

„Немам намера да продолжам да го поттикнувам овој спор“, рече италијанската премиерка, која оцени дека не постои ризик од негативни последици врз односите меѓу Италија и САД и дека врските меѓу двете држави остануваат добри. Во петокот Мелони го обвини својот некогашен близок сојузник Трамп дека измислил приказна за неа откако тој за италијанска телевизија изјави дека таа го молела да се фотографира со неа за време на неодамнешниот самит на Г-7 во Франција.

Тагови: Мелони

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер