Маск го спои „Спејс-Икс“ со компанијата „Икс-А-И“ - Канал 5

Технологија

Маск го спои „Спејс-Икс“ со компанијата „Икс-А-И“

Американскиот технолошки милијардер Илон Маск вчера соопшти дека ја споил својата вселенска компанија „Спејс-Икс“ (SpaceX) со друга своја компанија - развивачот на вештачка интелигенција (ВИ) - „Икс-АИ“ (xAI), јави ДПА.

Маск го спои „Спејс-Икс“ со компанијата „Икс-А-И“

Споените фирми треба да изградат центри за податоци во Вселената, како што најави Маск во својата блог-објава, додавајќи дека очекува ова да стане најевтиниот начин за генерирање моќ занапојување ВИ за компјутерска обработка. На краток рок, договорот ќе овозможи снабдување на „Икс-А-И“ со милијарди долари од „Спејс-Икс“. Фирмата за ВИ има високи капитални барања. Се вели дека Маск во мигов има удел од околу 40 насто во двете компании.

„Спејс-Икс“, а неодамна и производителот на електрични автомобили „Тесла“ (Tesla), којшто исто така, го раководи Маск, веќе вложија по две милијарди долари во „Икс-АИ“. Инаку, и „Спејс-Икс“ и „Икс-АИ“ се приватни компании.

Ракетата „Спејс-Икс старшип“, којашто може да носи големи товари во орбитата, треба да игра клучна улога во изградбата на центрите за податоци во Вселената. Според Маск, ваквите центри ќе ја црпат својата енергија од сончевата енергија - на Земјата, нуклеарната енергија денес повторно се проширува за оваа намена о САД.

„Самиот број сателити што ќе бидат потребни за центри за податоци во вселената ќе го турне 'Старшип' на уште поголеми височини. Фабриките на Месечината можат да ги искористат лунарните ресурси за да произведуваат сателити и да ги распоредуваат подалеку во вселената“, продолжи Маск. Во својата корпоративна мрежа, 'Тесла' развива човековидни роботи што можат да се користат и под неповолни услови“, изјави Маск.

„Икс-АИ“ го развива четботот „Грок“ (Grok), којшто Маск го лансираше за да се натпреварува со „Чет-ГПТ“ од конкурентската „Опен-АИ“ и другите.

Инаку, „Грок“ последниве недели беше критикуван затоа што им дозволува на корисниците дигитално да ја заменат женската облека со бикини и, во некои случаи, да создаваат сексуализирани прикази на малолетници. По критиките, социјалната мрежа „Икс“, којашто сега е дел од „Икс-АИ“, воведе ограничувања во јануари.

„Спејс-Икс“ игра клучна улога во американската вселенска програма со години. Според наводите, „Спејс-Икс“ размислува и за јавна јавна понуда што би можела да ја процени компанијата до 1,5 трилиони долари.

Тагови: Илон Маск

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Бојковска: Со ВМРО-ДПМНЕ платите растат за 70% повеќе, а пензиите за цели 325%, значително побрзо граѓаните добиваат повеќе и живеат со поголема економска сигурност

​Денеска сакаме да зборуваме за нешто што е најважно за секое семејство, за платите, пензиите и животниот стандард на граѓаните.

Бојковска: Со ВМРО-ДПМНЕ платите растат за 70% повеќе, а пензиите за цели 325%, значително побрзо граѓаните добиваат повеќе и живеат со поголема економска сигурност

Економските резултати се мерат со бројки. А бројките јасно покажуваат дека со Владата предводена од ВМРО-ДПМНЕ, платите и пензиите растат значително побрзо.

Ајде да направиме директна споредба.

Во јуни 2017 година, кога СДС дојде на власт, просечната плата изнесуваше 22.800 денари. До мај 2024 година, таа порасна на 41.250 денари. Тоа значи дека за 84 месеци, односно за седум години, просечната плата се зголемила за нешто над 18.400 денари, во просек, тоа е раст од околу 220 денари месечно.

Сега да видиме што се случува со Владата предводена од ВМРО-ДПМНЕ.

Во јули 2024 година, просечната плата изнесуваше околу 40.900 денари, а во мај 2026 година достигна над 49.500 денари. За само 23 месеци, просечната плата е зголемена за околу 8.600 денари. Тоа е просечен месечен раст од над 370 денари, односно околу 70% побрз раст, во споредба со периодот на владеење на СДС и ДУИ.

Но разликата не се гледа само кај платите, таа е уште појасна и поголема кај пензиите.

Во јуни 2017 година, просечната старосна пензија изнесувала помалку од 15.300 денари. Во мај 2024 година таа достигнала над 22.900 денари. Што значи, за седум години, пензијата се зголемила за скоро 7.700 денари, односно во просек растела за над 9 денари месечно.

Кога ВМРО-ДПМНЕ ја презеде власта во 2024 година, просечната старосна пензија во јули изнесувала 22.850 денари, која во мај 2026 година достигна над 29.700 денари. Тоа е зголемување од над 6.800 денари за само 23 месеци, односно просечен месечен раст од околу 300 денари, што значи дека месечниот раст на старосната пензија во периодот на оваа Влада е околу 325% поголем во споредба на периодот на претходната влада на СДС и ДУИ.

Почитувани,

Ова е разликата меѓу политики што носат резултати и политики што остануваат само на зборови.

Целта на Владата предводена од ВМРО-ДПМНЕ е повисоки плати, повисоки пензии, повеќе инвестиции, повеќе работни места и повисок животен стандард за сите граѓани и во таа насока, уште попосветено ќе продолжи да работи.

YouTube video

Драгана Бојковска, член на ИК на ВМРО-ДПМНЕ и пратеник

Тагови: Драгана Бојковска

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ најавува настан: Доаѓа преклоплив „iPhone“ - но тоа не е најголемото изненадување

Тим Кук ја напушта компанијата, но доаѓаат нови уреди кои би можеле да променат сè во екосистемот на „Apple“.

„Apple“ најавува настан: Доаѓа преклоплив „iPhone“ - но тоа не е најголемото изненадување

„Apple“ објави во среда дека нивниот следен настан за лансирање уреди ќе се одржи на 9 септември, под слоганот „Surprise and Shine“ (Изненадување и сјај).

Се очекува настанот да биде значаен, бидејќи се шпекулира дека „Apple“ ќе го претстави својот долгоочекуван преклоплив „iPhone“. Ова ќе биде и првиот настан на „Apple“ со Џон Тернус како извршен директор. Тернус треба да го преземе кормилото на технолошката компанија од Тим Кук на 1 септември.

Се очекува „Apple“ да ги објави новите „iPhone 18 Pro“ и „iPhone 18 Pro Max“, но се шпекулира дека двата модели се со релативно постепени подобрувања, а не драматични нови дизајни. Извештаите сугерираат дека компанијата нема да објави стандарден „iPhone 18“ до следната година.

Се очекува технолошкиот гигант да ги претстави и „Apple Watch Series 12“ и „Apple Watch Ultra“, заедно со нови паметни домашни уреди.

Покрај новиот хардвер, компанијата би можела да објави и датуми за лансирање на „iOS 27“, „iPadOS 27“, „macOS Golden Gate“ и други претстојни ажурирања на софтверот.

Настанот ќе се одржи во кампусот „Apple Park“ во Купертино, Калифорнија.

Избор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

475 луѓе загинаа во поплавите во Непал, над 1.500 се водат за исчезнати

475 луѓе загинаа во катастрофалните поплави во Непал, над 1.500 луѓе се водат како исчезнати, соопштија непалските власти.

475 луѓе загинаа во поплавите во Непал, над 1.500 се водат за исчезнати

Операциите за пребарување и спасување продолжуваат, додека екипите истовремено работат на расчистување на блокираните патишта во погодените области. Непалската армија објави дека спасила 900 луѓе од најтешко погодените области, вклучувајќи ги областите расува и нувакот. Портпаролот на армијата изјави дека сите 900 спасени лица се повредени и се на болничко лекување, но не даде детали за нивната состојба. Тој додаде дека дождот и непредвидливото време сериозно ги попречуваат спасувачките напори. „Никогаш во животот не сум видел ваква катастрофа“, рече тој.

YouTube video

Тагови: Непал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер