Ова е одговорот на Маск на твитот на Др. Илија Дејвид, водечки експерт за вештачка интелигенција, кој објави дека 2 отсто од вкупното богатство на Маск е 6 милијарди долари, додека Светската програма за храна на ОН собрала 8,4 милијарди долари во 2020 година. Тој праша како тоа не го решиле прашањето за гладот во светот.
Маск неколку минути подоцна повторно твитна и порача дека објаснувањето на ОН, односно финансискиот план мора да биде транспарентно за да може јавноста точно да види каде и како се потрошени парите.
Пред четири дена, шефот на Светската програма за храна на Обединетите нации (WFP) рече дека „мала група екстремно богати поединци можат да помогнат во справувањето со гладот во светот само со мал дел од своето богатство“.
„Милијардерите треба да дојдат на помош еднаш засекогаш“, изјави Дејвид Бисли за Си-Ен-Ен, наведувајќи ги особено двајцата најбогати луѓе во светот, Џеф Безос и Илон Маск. „Шест милијарди долари за помош на 42 милиони луѓе кои буквално ќе умрат ако не им помогнеме. Не е комплицирано“, додаде Бисли.
Извршниот директор на Tesla, Илон Маск, поседува богатство вредно 289 милијарди долари, според Блумберг, што значи дека Бисли бара донација од само два отсто од неговиот имот. Богатството на американските милијардери е речиси двојно зголемено од почетокот на пандемијата и сега изнесува 5,04 трилиони.
„Комбинацијата од неколку кризи, како што се климатските промени и пандемијата на Ковид-19, значи дека многу нации тропаат на вратата на гладот“, рече Бисли.
Половина од населението на Авганистан, 22,8 милиони луѓе, се соочува со акутна криза со глад, според извештајот на WFP објавен во понеделникот. Огромната невработеност и неликвидноста значат дека земјата е на работ на хуманитарна криза и 3,2 милиони деца на возраст под пет години се загрозени, се заклучува во извештајот.
WFP проценува дека на 5,2 милиони луѓе итно им е потребна помош во храна во етиопскиот регион Тигра, каде што етиопскиот премиер Абиј Ахмед од минатата година ја води големата офанзива против Народниот ослободителен фронт Тигра (TPLF). Оттогаш се убиени илјадници цивили, а повеќе од два милиони луѓе се раселени. Хуманитарните организации како што е WFP имале проблеми со снабдувањето на оние на кои им е потребна во регионот, што само ја влошило кризата.
„Не знам од каде им дојде храната. Снемавме гориво. Немаме готовина да им плаќаме на луѓето, ни снемуваат пари и не можеме да ги стартуваме нашите камиони“, изјавил Бисли за Си-Ен-Ен.