Масерати ќе опстане, пристигнуваат нови модели од Кина (ФОТО) - Канал 5

Автомобилизам

Масерати ќе опстане, пристигнуваат нови модели од Кина (ФОТО)

Обожавателите на Maserati можат да здивнат. 

Масерати ќе опстане, пристигнуваат нови модели од Кина (ФОТО)

Престижниот италијански бренд останува дел од долгорочните планови на групацијата Stellantis.

Компанијата претстави нова стратегија за развој што вклучува големи инвестиции во производи и технологии, а меѓу најважните најави се два нови модели на Maсерати.

Stellantis вели дека сакаат дополнително да го зајакнат италијанскиот бренд и да го позиционираат како „чист луксузен бренд“. Како дел од тој план, Maserati треба да добие два нови големи модели од Е-сегментот, иако деталите за нив сè уште не се објавени. Компанијата објави дека ќе претстави подетален план за Maserati во декември оваа година.

Maserati не се справува добро

Италијанскиот производител забележа сериозен пад на продажбата во последните години. Во текот на 2024 година, продажбата падна за дури 57 проценти, со продадени само 11.300 автомобили. Една година претходно беа продадени 11.127 возила.

Падот на продажбата се случи за време на мандатот на поранешниот извршен директор на Stellantis, Карлос Таварес.

Моменталната понуда на Maserati е намалена на три модели: Grecale, GranTurismo, со кабриолет верзија на GranCabrio и MCPura.

Maserati би можел да соработува со кинески компании

Иако Stellantis сè уште не ги откри конкретните детали за новите модели, во последните недели се појавија информации за можна соработка со кинески партнери. Според информациите, во тек се преговори со кинеските компании Huawei и Anhui Jianghuai Automobile, познати како JAC, за заеднички развој на идните модели на Maserati.

Според информациите, JAC би бил задолжен за развој и производство на возила базирани на технологијата на Huawei, додека Maserati би го водел дизајнот и брендирањето на автомобилите.

Идните модели би можеле да се продаваат во различни верзии во зависност од пазарот. Возилата наменети за кинескиот пазар наводно би ја носеле ознаката Maextro, луксузен бренд чии седани во Кина почнуваат од речиси 100.000 евра.

Извештаите исто така наведуваат дека развојот на нови модели веќе е започнат, па Maserati би можел да претстави конкретни иновации до крајот на годината, а не само нова деловна стратегија.

Тагови: масерати

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер