Масажа со „сукала“ против целулит: Почнете и ќе бидете задоволни! - Канал 5

Живот

Масажа со „сукала“ против целулит: Почнете и ќе бидете задоволни!

Зошто масажата со „сукала“ стана апсолутен хит за обликување на телото и борба против целулитот

Масажа со „сукала“ против целулит: Почнете и ќе бидете задоволни!

Иако мадеротерапијата како техника за масажа потекнува од Јужна Америка, последниве години го освои целиот свет. Се заснова на употреба на посебен дрвен алат, најчесто валјаци кои потсетуваат на мали сукала. Токму тие дрвени масажери овозможуваат посилен и попрецизен притисок од класичната масажа помагајќи во разбивањето на масни наслаги и подобра циркулација.

Благодарение на специфичниот облик, дрвените „сукала“ го стимулираат лимфниот систем и го поттикнуваат исфрлањето вишок течност од организмот. Резултатот е затегната кожа, видливо намален целулит и подобри контури на телото.

Какви „сукала“ се користат во мадеротерапијата?

Во мадеротерапијата се користат посебни дрвени алатки со различен облик и големина. Најпознати се валјаците кои потсетуваат на мали сукала, но постојат и модели со запци, коцкести валјаци и посебни алатки за лимфна дренажа.

Најчесто се изработуваат од природно дрво, бидејќи е цврсто, издржливо и пријатно за кожата. Различни облици служат за различни делови од телото – некои се наменети за стомакот и бутовите, додека помалите се користат за раце или грб. Токму комбинацијата од повеќе алатки овозможува масажата да делува подлабоко во ткивото и поефикасно да го разбие целулитот.

Колку време трае третманот?

Еден третман трае помеѓу 30 и 60 минути, во зависност од делот што се третира. На пример, масажа на бутините и задникот може да трае околу 30 мин., додека третман на цело тело трае и подолго.

Правилна употреба на „сукалата“ во мадеротерапијата

Подготовка на кожата - пред третманот обично кожата се мачка со масло. Тоа овозможува да нема триење, го намалува ризикот од иритација и ја зголемува ефикасноста на масажата.

Правилна положба и притисок. Сукалото се држи цврсто, не прејако – целта е стимулација на ткивото, а не болка.

Движењата треба да бидат долги и ритмички, во една насока, следејќи ја линијата на мускулите и лимфниот тек.

Насока на масажата – Масажата ја следи насоката на лимфната дренажа: од периферијата кон центарот на телото(пр., од колената кон препоните, од раката кон градите). Овој пристап му помага на телото полесно да го исфрли вишокот течности и токсини.

Различни алати за различни делови на телото. Поголемите валјаци се за бутините и стомакот, помалите се попрецизни за раце, колена и внатрешна страна на бутините.

Назабените или коцкести алатки се за поинтензивен третман на целулитот.

Завршен дел од третманот: На крај, кожата благо се масира со раце, а по потреба се користи млака вода или лесно раздвижување на телото за подобра циркулација.

Колку често се прави?

Стручните лица препорачуваат мадеротерапија два до трипати неделно за да се постигнат видливи резултати. Редовноста е важна бидејќи третманот ја стимулира циркулацијата и лимфниот систем, па на организмот му е потребен континуитет за да почне да го исфрла вишокот течности и токсини.

Со овој ритам, кај повеќето жени, телото помеѓу третманите има доволно време да реагира на стимулацијата.

Кога се видливи првите резултати?

Првите промени ќе ги забележите после неколку третмани, доколку се прават во континуитет за време од неколку недели. Ефектот е најдобар ако мадеротерапијата се комбинира со правилна исхрана, внесување доволно вода и физичка активност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Инцидент со авионот на Трамп (ВИДЕО)

Воениот персонал случајно активирал надувувачки тобоган за евакуација во претседателскиот авион непосредно пред американскиот претседател Доналд Трамп да се качи во авионот и да се упати кон Далас за Националната конвенција на Републиканците.

Инцидент со авионот на Трамп (ВИДЕО)

Неговото заминување беше одложено, изјави денес извор запознаен со ситуацијата.

Изворот изјави за „NBC“ дека инцидентот го натерал Трамп да остане во хеликоптерот неколку минути, наместо веднаш да излезе од претседателскиот хеликоптер за да се качи во авионот, како што обично прави.

Трамп на крајот искочил на пистата додека службениците го проверувале тобоганот, по што им рекол на новинарите дека само „го проверуваат тобоганот“ и дека нема безбедносни проблеми.

„Не, го провериле порано и само сакале да се уверат. Сакаат да се осигурат дека сè работи совршено“, рече Трамп.

Кога го прашале дали верува дека авионот е безбеден за лет, Трамп одговорил: „Да, инаку не би бил во него“.

Авионот слета безбедно во Далас, неколку часа подоцна од очекуваното.

Американскиот претседателски авион беше подарок од катарското кралско семејство, кое минатата година му подари на Трамп суперлуксузен џамбо џет авион Боинг 747-8.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Нови 1,3 милијарди евра задолжување за подготовка на предвремени избори

Покрај веќе 2,5 милијарди евра што ја задолжи Македонија за две години - како ниту една влада досега, Мицкоски планира уште нови задолжувања.

СДСМ: Нови 1,3 милијарди евра задолжување за подготовка на предвремени избори

За 35 години сите влади заедно ја задолжија Македонија со околу 8 милијарди евра.

Сега, за две и кусур години, Мицкоски ќе ги задолжи нашите деца и внуци со 4 милијарди и ќе го подигне вкупниот долг на 12 милијарди евра.

Сè ова заради лично богатење и останување на власт.

Мицкоски дал налог за нови задолжувања.

Мора да обезбеди пари за да прикаже „успеси“ на Владата преку започнати проекти и да обезбеди средства за избори - преку криминални тендери.

Покрај изборниот закон што сака да го протурка за да обезбеди модел за изборна кражба, подготвува и пари за купување на изборите.

Веќе сме сведоци, сега веќе јавни, на договори за предвремени избори.

Се спомнува пролет - како веќе договорен термин со ДУИ.

Мицкоски без пари во касата и без ниту еден резултат мора да смисли нови измами.

Повеќе не поминуваат лагите од претходната кампања. Време е за нови.

Статистиката повеќе не му поминува.

Приказните за „трета економија“, „први во туризмот“, „најевтино гориво“ и останатите бесмислици не можат да ги убедат празните фрижидери и празните паричници.

Сега мора да смисли „хеликоптер“ пари. Парите ќе паѓаат од небо - наскоро.

Прво поделба по моделот на Ванчо Михајлов на „елита“ и „талог“.

Потоа анти-ЕУ кампања преку постоечките ВМРО-Орбанови медиуми и оние нови што ги увезува од Вучиќ за да му објаснат на народот дека ЕУ „не чини“.

Тука началник Латас и неговата Ивона ќе имаат многу работа.

Единствено што нема да го има е Вучиќ. Почнуваат избори во Србија и се очекува крај на таа криминална власт.

По падот на главниот ментор Орбан и истрагата за кинескиот кредит, Мицкоски нема да може да издржи пад на вториот ментор - Вучиќ.

Мицкоски е прочитан.

Народот не е наивен.

Ниту со музиката на Дејвид Гета, ниту со „нула денари“ за настап, ќе може да ги убеди дека живеат добро.

Доаѓа пролет.

А тогаш сè се менува.

Граѓаните тоа веќе го знаат.

Власта мора да се земе од рацете на криминалната организација.

Македонија мора повторно да биде слободна. Македонија треба да биде европска.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Со средствата кои Владата ги доделуваше, општина Кисела Вода гради дополнителни училници со цел да се овозможи едносменска настава

Изминатава година, Општина Кисела Вода посветено работи на унапредување на условите за живот на граѓаните и реализација на проекти во повеќе области  од спортот и образованието, до социјалната и детската заштита.

ВМРО-ДПМНЕ: Со средствата кои Владата ги доделуваше, општина Кисела Вода гради дополнителни училници со цел да се овозможи едносменска настава

Општина Кисела Вода работи на создавање нови можности за спорт и рекреација. Во Расадник се градат спортски сали, детски игралишта, спортски терени и рекреативни катчиња, за што се инвестирани 120.000.000 денари. Во населбата 11 Октомври -Бараки е изграденa нова спортска зона со калистеник парк и терен за одбојка на песок.

Посебен фокус е ставен на модернизацијата на основните училишта. Во ООУ „Невена Георгиева -Дуња“ се градат нови дополнителни училници, а училиштето е опремено и со нова ИТ опрема.

ООУ „Партенија Зографски“ доби нов современ училишен инвентар и нова ИТ опрема, со што се создаваат подобри услови за настава и работа на учениците и наставниот кадар.

Во ООУ „Круме Кепески“ е реновирана спортската сала, како проект реализиран во соработка меѓу локалната и централната власт, со средства обезбедени преку повиците од унгарскиот кредит што ги обезбеди Владата. Во тек е и изградбата на шест нови училници. Во ПОУ „Круме Кепески“ во Припор е пуштена во употреба нова спортска сала наменета за учениците.

Во ООУ „Кузман Јосифовски -Питу“, изградбата на новата спортска сала е во завршна фаза. Во ООУ „Рајко Жинзифов“ и ООУ „Кирил Пејчиновиќ“ се набавени нови компјутери и телевизори за учениците, а обезбедени се и нови училници со цел создавање услови за едносменска настава.

За 530 првачиња од општината се обезбедени бесплатни ранци и училишен прибор, додека за основците се обезбедени бесплатни училишни униформи.

Општина Кисела Вода овозможи простории за бесплатни логопедски, дефектолошки и психолошки услуги за деца од Драчево, Пинтија, Усје и Стаклара.

Во соработка со Црвен крст продолжува проектот ,,Итно копче“ со што им се нуди помош на возрасните лица во општината.

Сите овие активности се дел од континуираните заложби на Општина Кисела Вода за создавање подобри услови за живот, современа инфраструктура и поквалитетни услуги за сите граѓани.

ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер