Ова е најсмртоносниот напад во изминатиот период во регионот кој се опоравува од засилениот бран на етничко и џихадистичко насилство, пренесува „Ројтерс“.
Меѓу жртвите имало деца и бремени жени. Градоначалникот Молаје Гуиндо изјавил дека станува збор за очигледен етнички мотивиран напад.
Нападот на селата Огосагуа и Велигар се случиле вчера, во момент додека мисијата на Советот за безбедност на ОН се наоѓа во посета на Мали, настојувајќи да најде решение за насилството во кое минатата година загинаа стотици цивили.
Еден жител на селото, кој барал да остане анонимен, изјавил дека овој напад бил одмазда за нападот во кој минатата недела загинале 23 војници, а одговорност во петокот ја презела организација поврзана со Ал Каеда.
Тие, пак, велат дека се одмаздувале за насилствата кои војската на Мали ги извршила врз припадниците на малцинството Фулани.
Локалните власти, од своја страна, велат дека во прашање е „масакр на цивили од заедницата Фулани” и оти го извеле традиционални ловци од ривалската заедница Догони.
Фулани се номади кои се занимаваат со сточарство и трговија. Догони се познати како ловци, а во светот по верските ритуали и танцувањето под маски.
Догоните ги обвинуваат Фуланите дека ги поддржуваат џихадистите поврзани со терористичките групи на северот на земјата.
Фуланите, пак, ги обвинуваат Догоните дека ја поддржуваат војската на Мали.