Масакр на свадба во Франција- меѓу убиените е и невестата, дете е тешко повредено - Канал 5

Свет

Масакр на свадба во Франција- меѓу убиените е и невестата, дете е тешко повредено

Трагичниот инцидент со пукање, во кој загинаа две лица, во раните утрински часови во селото Гулт, во францускиот департман Воклиз, длабоко го потресе локалното население.

Масакр на свадба во Франција- меѓу убиените е и невестата, дете е тешко повредено

Иако во моментов не е потврдена никаква теорија, истражителите ја разгледуваат можноста дека станува збор за судир поврзан со трговија со дрога. Човекот кој бил тешко повреден е познат на полицијата по претходни злосторства поврзани со дрога, а според градоначалникот, Дидие Перел, сè укажува на тоа дека станува збор за „целен напад“.

„Се наоѓаме во близина на општини кои за жал се познати по ваков вид инциденти, како што е Кавајон, од каде што е младоженецот“, рече Перел. Мештаните не ја кријат својата загриженост, потврдувајќи дека регионот долго време е погоден од проблеми со трговијата со дрога и насилството што произлегува од тоа.

Градоначалникот на Гулт, длабоко потресен од инцидентот, за време на импровизирана прес-конференција изјави дека е „бесен, згрозен и шокиран“, пренесува ladepeche.fr.

Еден од селаните, 55-годишен возач на камион по име Даниел, изјави за АФП дека околу 4:30 часот наутро го разбудиле чудни звуци и дека два часа подоцна слушнал ниско летање на хеликоптери.

„Ова сигурно нема да биде добра реклама за нашето село“, загрижено рече Даниел.

Танжи, 29, кој на почетокот помислил дека истрелите се огномет, имал слично мислење. Сопственикот на локалниот ресторан „Ле Гултоа“, Гијом Молинас (50), се плаши дека инцидентот ќе „фрли негативно светло врз селото“.

„Последниот голем инцидент во селото се случил пред 125 години.“, рече тој.

Гулт, инаку мирно провансалско село, сега се соочува со несакано внимание и нарушено чувство на безбедност.

Во ужасна пукотница што се случи за време на свадба во градот Гулт, во францускиот департман Воклиз, ноќта помеѓу саботата 21 и неделата 22 јуни, две лица се убиени, а три сериозно повредени. Меѓу жртвите беше и невестата, 27-годишна жена, додека едно дете се здоби со сериозни повреди. Обвинителството во Авињон отвори истрага за „убиство во организирана група“ и „обид за убиство во организирана група“.

Во саботата, околу стотина гости присуствувале на свадбата на млад пар во банкет сала во Гулт. Веселбата траела до доцна во ноќта. Околу 4:30 часот наутро, кога повеќето гости ја напуштија прославата, младенците се упатија кон својот автомобил. Со нив во возилото влегло и 13-годишно момче.

Во тој момент, зад нив застанал друг автомобил со неколку маскирани лица. Тие излегле од возилото и отвориле оган врз автомобилот во кој се возеле младенците, користејќи, како што е наведено во соопштението на обвинителството, „неколку видови оружје“.

Две жртви - вклучувајќи ја и невестата

Две лица загинаа во пукотницата - невестата (27) и еден од напаѓачите, кој почина „во размена на оган“. Младоженецот (25) и 13-годишно дете се тешко повредени, додека друго лице, блиско до семејството, е полесно повредено.

Напаѓачите успеале да избегаат, додека еден од нив починал на лице место и сè уште е во фаза на идентификација. Обдукциите врз телата на жртвите треба да се извршат на почетокот на следната недела.

Во тек е обемна истрага

Истрагата ја води одделот за сериозни кривични дела во Марсеј, а голем број припадници на жандармеријата се распоредени на местото на настанот за да го обезбедат местото на злосторството и да соберат докази. Обвинителството соопшти дека „сите расположиви ресурси се мобилизирани за да се расветлат сите околности на овој трагичен настан“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Поранешен истражувач алармираше дека вештачката интелигенција е закана за човештвото

Шефовите на водечките компании за вештачка интелигенција сè погласно предупредуваат на ризиците од трката во развојот на сè помоќни AI системи.

Поранешен истражувач алармираше дека вештачката интелигенција е закана за човештвото

Дел од нив отворено повикуваат на поголема претпазливост и безбедносни механизми, додека политичари и експерти бараат и построга регулација. Дарио Амодеи, извршниот директор на Anthropic, директно повикува да се забави темпото на развојот.

-Мојата прва загриженост е што, од приближно летово, вештачката интелигенција напредува драматично побрзо, пред сè поради сè поголемата способност на AI да ја гради следната генерација на AI. Ако не се контролира, овој процес би можел да ја надмине нашата способност да ги разбереме и контролираме овие системи. Затоа, со него мора да се постапува исклучително внимателно — доколку воопшто продолжи.

На ризиците од брзиот развој претходно предупредуваа и други влијателни имиња од технолошкиот сектор, меѓу нив и Сем Алтман, извршниот директор на OpenAI, како и Илон Маск, кој со години предупредува дека напредната вештачка интелигенција може да носи сериозни ризици доколку не биде соодветно контролирана.

Предупредувањата не доаѓаат само од технолошкиот сектор. Американскиот сенатор Берни Сандерс бара уште порадикален чекор – пауза во развојот на напредната вештачка интелигенција, додека не се воспостават јасни безбедносни правила.

-Ако лидерите на големите АИ компании признаваат дека губат контрола над нивната екстремно оасна технологија, според мене е неодговорно за општеството да им дозволи да продолжат д аги прават овие продукти дури многу понапредни и многу поопасни. Неопходно е да се стави на „пауза“ овој напреден развој и трајна забрана на супер-разузнавањето и вештачките умови попаметни од секој човек способен да работи независно надвор од нашата контрола. – Берни Сандерс

Поранешниот американски претседател Барак Обама повикува на јавна регулација и надзор, за AI да не биде во корист само на неколку богати корпорации, туку на луѓето пошироко.

-Важно е да постои јавна регулација која ќе го насочува развојот на оваа технологија, за таа да не им користи само на неколку богати корпорации, туку на луѓето пошироко. Тоа ќе помогне и да се спречат негативните последици од вештачката интелигенција, како дезинформациите и дипфејк-содржините. - Барак Обама – Поранешен претседател на САД

Во меѓувреме, трката продолжува. OpenAI, Anthropic, Google и другите технолошки гиганти инвестираат милијарди во развој на нови и помоќни модели, додека истовремено расте притисокот врз владите да воспостават правила за нивна безбедна употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер