Формула

Маса ја тужи Формула 1 за заговор против него во 2008 година и ја бара титулата

Адвокатите на поранешниот Ф1 возач Фелипе Маса официјално поднесоа тужба против Формула 1 и Светската автомобилистичка федерација барајќи значителна отштета.

Штетата била претрпена како резултат на наводен „заговор“ кој на Маса му ја одзеде шампионската титула во 2008 година.

Според Ројтерс, во писмото за побарување се вели дека на Бразилецот незаконски му била одземена титулата како резултат на постапките на повисокото раководство, што го чинело десетици милиони евра загубени приходи и бонуси. Маса ги информирал своите адвокати во Велика Британија, Бразил, САД, Швајцарија и Франција.

Писмото за побарување е задолжително формално правно известување, чие поднесување е потребно за започнување на судски спор.

Формула 1 и ФИА одбија официјални коментари, наведувајќи го фактот дека шампионатот моментално е на летна пауза.

- Едноставно кажано, Маса е вистинскиот шампион во Формула 1 во 2008 година, а Формула 1 и ФИА намерно го игнорираа недоличното однесување што му ја одзеде титулата. Во оваа фаза, Маса не може целосно да ги процени загубите што ги направил, но, според неговите прелиминарни процени, сумата може да надмине десетици милиони евра. Во исто време, оваа сума не ги покрива сериозните морални и репутациски загуби што ги претрпе Маса, стои во извадок од официјалното писмо од адвокатите на Маса.

Ова писмо беше упатено до директорот на Формула 1, Стефано Доменикали и претседателот на ФИА, Мохамед бин Сулејем.

Во писмото, исто така, се наведува дека во случај Маса да не добие задоволителен одговор на своите тврдења, тој има намера да оди на суд за да добие надомест за штетата што му е нанесена.

Маса е жртва на контроверзната трка за Големата награда на Сингапур во 2008 година. Тој водеше на трката кога Нелсон Пике Џуниор, како што подоцна се покажа, намерно удри со својот болид во 14-от круг од трката. Несреќата доведе до појавување на безбедносно возило на патеката, кое му одеше во прилог на тимскиот колега на Пике во Рено, Фернандо Алонсо, кој на крајот стана победник на трката. Маса поради неуспешен пит стоп воопшто не успеа да освои поени. На крајот на сезоната, Маса ја загуби титулата од Луис Хамилтон, разликата беше еден поен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Ставен е под контрола пожарот во близина на Барселона- уапсен е пироманот

Шумски пожар во местото Тијана, во близина на Барселона, е ставен под контрола, а полицијата уапси маж за кој се сомнева дека е вмешан во неговото предизвикување, објавија денеска шпанските власти.

Регионалната служба за цивилна заштита го укина полицискиот час за жителите на Тијана, Сант Фост де Кампсентељес, Марторелс и Санта Марија де Марторелс, кој беше воведен во текот на денот поради пожарот, но препорача граѓаните да бидат внимателни и да ги следат упатствата на надлежните служби, објави RTVE.

Пожарникарите соопштија дека околу 30 копнени екипи и еден авион сè уште се вклучени во гаснењето на пожарот, додека постепено намалување на бројот на вклучени сили се очекува во текот на вечерта.

Каталонската полиција (Mosos d'Esquadra) уапси маж за наводна вмешаност во предизвикување шумски пожар во Тијана, кој се проширил во околните градови и загрозил околу 16.000 луѓе.

Пожарот избувнал околу 10:45 часот наутро во областа на депонија помеѓу Тијана и Монгат, и се проширил на околу 38 хектари земјиште. Чадот беше видлив од Барселона.

Не се пријавени повредени за време на интервенцијата и не е предизвикана никаква штета на станбени згради, соопшти противпожарната служба.

Регионалниот пат Б-500 помеѓу Бадалона и Молет дел Валес исто така беше привремено затворен поради пожарот.

Тагови: БАРСЕЛОНА пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Ибрахимовиќ остана без зборови по најголемата сензација на Мундијалот- Зелено’ртските острови (ВИДЕО)

Зелено'ртските Острови се сензацијата на Светското првенство!

Островјаните испишаа историја за својата земја и фудбал, и се пласираа во нокаут фазата на Мундијалот откако голманот Возиња и неговиот тим ремизираа со Саудиска Арабија (0:0). Овој резултат го воодушеви и легендарниот Златан Ибрахимовиќ.

Ибрахимовиќ, кој се најде во улога на стручен консултант на ова првенство, го коментираше овој резултат од своја перспектива.

- Мал остров, големи соништа. Тоа се случува кога сонувате големи соништа. Но, морам да му оддам признание на Тиери, бидејќи тој го кажа тоа уште пред почетокот на турнирот. Внимавајте на Зелено'ртските Острови. Дали ова е турнир за африкански репрезентации? Сè уште не сме дознале. - рече Ибрахимовиќ.

Zlatan speaks on Cape Verde becoming the first debutant nation to advance to the Knockout Stage of the FIFA World Cup since 2010 🇨🇻@Ibra_official pic.twitter.com/Ay3zEdZCVq
— FOX Sports (@FOXSports) June 27, 2026

Тагови: Златан Ибрахимовиќ Мундијалот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лефков: Филипче повторно ја избра Бугарија пред Македонија

Венко Филипче повторно покажа дека кога треба да избере помеѓу македонската или антимакедонската политика, тој секогаш ја избира антимакедонската.

Филипче не најде за потребно да упати ниту најмала критика кон официјална Софија, иако Бугарија направи дипломатски преседан со објавување документ што содржи чувствителни информации поврзани со безбедноста на претседателот Мицкоски и неговото семејство.

За човек кој секојдневно зборува за европски вредности, денес нема ниту збор за прекршувањето на основните дипломатски правила. Кога треба да се критикуваат бугарските власти, Филипче исчезнува од јавноста.

Тоа е истиот Филипче кој никогаш не реагира кога од страна на Бугарија се негираат македонскиот идентитет, јазик и историја. Истиот Филипче кој секогаш наоѓа оправдување за бугарските позиции, но никогаш аргумент во одбрана на македонските интереси.

Со ваквото однесување Филипче испраќа порака дека е подготвен да премолчи се што доаѓа од Софија, па дури и да имплементира нивни срамни барања, рече Миле Лефков, член на ИК и пратеник на ВМРО-ДПМНЕ.

.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.