Марта Кос утре и задутре во Скопје – можен ли е пробив во евроинтеграциите? - Канал 5

Марта Кос утре и задутре во Скопје – можен ли е пробив во евроинтеграциите?

Дали посетата на еврокомесарката за проширување Марта Кос утре и задутре  во Скопје може да донесе пробив во евроинтергациите.. 

Марта Кос утре и задутре во Скопје – можен ли е пробив во евроинтеграциите?

Тешко до брз пробив и затоплување на односите меѓу Скопје и Софија во сегашната ситуација. Дел од аналитичарите и политичарите немаат превисоки очекувања од посетата на еврокомесарката за проширување Марта Кос која утре доаѓа во Скопје на дводневниот самит со лидерите од регионот. Претседателот на Движењето ЗНАМ, Максим Димитриевски, кој денеска беше реизбран за партиски лидер на конгрес, изјави дека еврокомесарката е добредојдена, но ЗНАМ како владин партнер не прифаќа воопшто да се зборува за уставни измени на штета, како што вели на македонскиот јазик и идентитет. Димитриевски не е оптимист дека меѓународен посредник може да помогне во спорот меѓу Скопје и Софија.

-Г-ѓата Кос е секогаш добредојдена во Македонија, но мора да потенцирам дека таа не е ништо повеќе Европеец отколку што сме и јас и сите граѓани на Македонија и жители на Балканот. Што се однесува до уставните измени во оној момент кога нема да се дефинира јасно и да се направи дистинкција од сите епитетски форми за македонскиот јазик којшто се нудат како солуција или решение, ЗНАМ нема да биде дел од оваа власт. Што значи, никогаш нема да поддржиме да се направи промена на Устав. За ЗНАМ е неприфатливо дека имаме заедничка историја и дека говориме дијалект на бугарскиот јазик, а тоа е неприфатливо и за нашите владини партнери, изјави Димитриевски.

Според политичкиот аналитичар Петар Арсовски извесно е дека уставните измени ќе бидат главна тема на утрешната тет а тет средба што Кос ќе ја има во Владата со премиерот Мицкоски веднаш по пристигнувањето, но не очекува промени на ставовите за ова прашање. Кос во досегашните изјави јасно ја посочува потребата од усвојување на уставните измени, а неодамна се понуди и како медијатор за решавање на проблемот меѓу Скопје и Софија, но нејзиниот предлог за „олеснувач“ остана само добра волја.

-Мислам дека уставните измени не се предмет на преговори, единствено може да биде предмет на преговори процесот понатака. Односно да спречиме нова билатеризација на проблемот ако ние ги донесеме уставните измени, без оглед дали ќе ги донесеме со одложено дејство или итно дејство бидејќи тоа во суштина не го менува ставот на Бугарија дали ќе не блокира понатака или не. Што се однесува до политичкиот контекст, мислам дека близината на локалните избори ќе направи да биде многу тешко да се направи брз пробив сега. Мешаните пораки кои доаѓаат од Софија, едните дека нема да има нова билатеризација, другите дека се мора да се заврши, немаат пресек со можните решенија кои Владата ги нуди...Евентуално може да се очекува пробив или некакво придвижување после локалните избори, но и за тоа е потребен посериозен дипломатски механизам, изјави Арсовски.

Според агендата главниот дел од програмата на самитот ЕУ-Западен Балкан е во вторник кога Кос ќе седне на масата со лидерите на Македонија, Албанија, Босна и Херцеговина, Косово, Србија и Црна Гора, а главната тема е Планот за раст и неговото спроведување. На панел дискусиите воведни обраќања ќе имаат премиерот Мицкоски и комесарката Кос, а присутни ќе бидат и министри од регионот, претставници на ЕУ, регионални организации и меѓународни партнери, со цел да се обезбедат практични решенија за забрзување на реформите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Ен Хатавеј прв пат се појави со бебето- прошета низ Њујорк, сите гледаат во еден детал (ВИДЕО)

Холивудската актерка Ен Хатавеј стана мајка по трет пат! 

Ен Хатавеј прв пат се појави со бебето- прошета низ Њујорк, сите гледаат во еден детал (ВИДЕО)

Ѕвездата од филмот „Ѓаволот носи Прада“ и нејзиниот сопруг Адам Шулман го добија своето трето дете, а актерката беше фотографирана за прв пат со своето новороденче за време на опуштена прошетка низ улиците на Њујорк, објави ТМЗ.

Во вторник, 17 ноември, Ен беше видена во друштво на пријателка, додека го носеше бебето во носилка закачена на градите. Изгледаше многу весела, разговараше, се смееше и уживаше во прошетката, а во еден момент дури и застана да направи неколку фотографии со својата пријателка. Иако е навикната на вниманието на јавноста, актерката овој пат беше во сосема поинаква улога, посветена на најмладиот член од нејзиното семејство.

Веста за новото бебе беше особено радосна за нејзините обожаватели, кои ја следеа нејзината трета бременост во претходните месеци. Ени објави во јуни оваа година дека очекува бебе, и тоа на многу нежен начин. Таа сподели фотографија на Инстаграм во бел комбинезон, откривајќи го својот труднички стомак, со натпис „Бебе, јас сум твоја“.

Актерката и нејзиниот сопруг Адам Шулман, со кого е во брак од 2012 година, веќе имаат два сина, Џонатан и Џек. Нивниот прв син е роден во 2016 година, а вториот во 2019 година, па доаѓањето на нивното трето дете го прошири нивното семејство на пет члена.

Интересно е што за време на гостувањето во шоуто на Сет Мејерс, Ени зборуваше за изненадувањето што го донесе нејзината трета бременост. Таа призна дека таа и нејзиниот сопруг биле изненадени кога дознале дека повторно очекуваат бебе, а на шега го нарекле своето ново бебе свое „чудно“ дете, алудирајќи на неочекуваниот, но совршен момент.

Името, полот и точниот датум на раѓање на бебето сè уште не се откриени. Сепак, првите сцени на актерката со новороденчето веќе предизвикаа голем интерес, особено затоа што Ени и Адам се многу внимателни во заштитата на приватноста на своите деца и ретко ги покажуваат на јавноста.

За актерката, ова е особено убав крај на исклучително напорна година. Покрај семејните промени, 2026 година беше обележана и со бројни филмски проекти, вклучувајќи го и враќањето во улогата на Енди Сакс во продолжението на „Ѓаволот носи Прада“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Познато е што имало на менито на свечената вечера во чест на Трамп и Путин- десертот е особено егзотичен

На лидерите на самитот на Азиско-пацифичката економска соработка (АПЕК) им се служат разни кинески специјалитети, вклучувајќи јастог, риба, стек и традиционални кантонски деликатеси.

Познато е што имало на менито на свечената вечера во чест на Трамп и Путин- десертот е особено егзотичен

На лидерите на самитот на Азиско-пацифичката економска соработка (АПЕК) им се служат разни кинески специјалитети, вклучувајќи јастог, риба, стек и традиционални кантонски деликатеси, на гала вечера што ја организира кинескиот претседател Си Џинпинг, објави „Саут Чајна Морнинг Пост“.

Според објавеното мени, вечерата на која главни гости се Доналд Трамп и Владимир Путин ќе започне со ладно предјадење наречено „Град на големиот змеј“, по што ќе следи супа од риба со кинески маслинки и пржен јастог со ѓумбир и млад кромид.

Главните јадења вклучуваат риба на пареа со соја сос, стек со печурки, како и смрчки, високо ценета и ретка дива јадлива печурка, млада зелка и костени во сос од шафран.

За време на вечерата, на гостите ќе им се служи и избор од три вида традиционален кантонски дим сам, традиционални кинески јадења во форма на мали порции што се служат во бамбусови корпи или на мали чинии.

Десертот вклучува супа од црвен грав со кора од мандарина и семки од лотос, колачи, свежо овошје и сладолед.

Вечерата завршува со кафе и чај.

Јадењата се придружени со вина од кинеските региони, вклучувајќи Каберне Совињон од 2019 година од Нингсија, бело вино од 2020 година и ледено вино од личи од покраината Гуангдонг.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

ОЈО поднесе обвинение за злоупотреби против полициски службеници од Велес за случајот на Росица Коцева

Основното јавно обвинителство за гонење на организиран криминал и корупција денеска поднесе обвинение против девет полициски службеници од Велес .

ОЈО поднесе обвинение за злоупотреби против полициски службеници од Велес за случајот на Росица Коцева

Основното јавно обвинителство за гонење на организиран криминал и корупција денеска поднесе обвинение против девет полициски службеници од Велес за сторени кривични дела – Злоупотреба на службената положба и овластување од член 353 став 1 и Неизвршување на судска одлука од член 377 став 5 од Кривичниот законик.Јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција презеде опсежни истражни дејствија со кои утврди дека обвинетите, во временскиот период од 21.02.2025 до 15.09.2025 година, со неизвршување на својата службена должност, потешко го повредиле правата на оштетената сега почината Росица Коцева, повредувајќи го нејзиното уставно загарантираното право на живот, како и правата предвидени со чл.2 и чл.3 од Европската конвенција за човекови права.

Тие не постапувале соодветно по пријавите на оштетената за семејно насилство, непочитувајќи ги одредбите од Законот за спречување и заштита од насилство врз жените и семејно насилство, Правилникот за начинот за процена на ризик од сериозна опасност по животот и физичкиот и психичкиот интегритет на жртвата и членовите од нејзиното семејство и на ризикот од повторување на насилството, Правилникот за вршење на полициските работи и Законот за полиција.

Во услови кога биле изречени судски мерки за заштита на жртвата од семејно насилство, тие не постапувале по итните мерки за заштита. Исто така, дел од обвинетите прземајќи дејствија по пријава на оштетената, постапувајќи спротивно на изричните одредби од Законот за полиција, не го известиле надлежниот јавен обвинител за да добијат понатамошни насоки за постапување, а доказите ги чувале во просториите на ООК-ОКП Велес без да поведат никаква постапка, соопштуваат од Обвинителството.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер