Марта Кос: Проценуваме дали Србија се уште ги исполнува условите за исплата од Планот за раст - Канал 5

Балкан

Марта Кос: Проценуваме дали Србија се уште ги исполнува условите за исплата од Планот за раст

 Еврокомесарката за проширување Марта Кос денеска во Европскиот парламент изјави дека Брисел проценува дали Белград ги исполнува критериумите за исплата на средства од фондовите на Европската унија.

Марта Кос: Проценуваме дали Србија се уште ги исполнува условите за исплата од Планот за раст

Таа додаде дека ЕУ е загрижена за настаните во Србија, поврзани со независноста на судството и слободата на медиумите.

„Се повеќе сме загрижени за она што се случува во Србија. Ги споделувам загриженостите...за законите што ја поткопуваат независноста на судството и за репресијата врз демонстранти, како и за мешањето во независните медиуми. Моментално проценуваме дали Србија се уште ги исполнува условите за плаќање според финансиските инструменти на Европската Унија“, нагласи таа.

„Секако, ние ќе продолжиме да ја поддржуваме Србија на нејзиниот пат кон ЕУ, но очекуваме властите целосно да го усогласат законодавството со препораките на Венецијанската комисија и да обезбедат независност на медиумите, вклучително и реформата на Регулаторното тело за електронски медиуми, изјави Марта Кос во Комитетот за надворешни работи на Европскиот парламент и изрази очекување дека Белград ќе се усогласи и со економската и надворешната политика на Унијата.

Таа рече дека сакаат да видат постојан напредок во согласност со надворешната политика и безбедносната политика.

„Обврски постојат од двете страни и тие обврски мора да бидат проследени со конкретни акции. Веќе зборував за променливата геополитичка средина и што тоа значи за проширувањето. Ќе кажам уште еднаш дека фундаменталните реформи остануваат приоритет. Во исто време, повеќе не можеме да очекуваме од нашите кандидати да спроведуваат тешки реформи со години, без да ги докажуваме во пракса. Треба многу побрзо да стигнеме до нашите идни граѓани“, рече таа.

Кос наведе дека Западен Балкан ризикува да изгуби стотици милиони евра до јуни поради недоволна имплементација на процесот на реформи предвиден во Планот за раст.

„Минатата недела им пишав на властите во регионот да ги забрзаат реформите, или нивните граѓани ќе бидат во загуба. Планот за раст е строго базиран на перформанси и временски ограничен. Во моментов, повеќе од 700 милиони евра се во опасност трајно да бидат изгубени во регионот ако реформите не бидат завршени до јуни 2026 година или декември 2026 година“, изјави Марта Кос во Комитетот за надворешна политика на Европскиот парламент (AFET).

Планот за раст е најамбициозниот пакет на ЕУ за регионот - шест милијарди евра. Тој има за цел, меѓу другото, двојно да се зголемат економиите на тие држави во следните десет години.

Тагови: Марта Кос

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Уапсени се двајца гостиварци и еден албански државјанин- дрога била пронајдена при претрес на нивниот дом

Претрес во Гостивар – пронајдена дрога, три лица лишени од слобода.

Уапсени се двајца гостиварци и еден албански државјанин- дрога била пронајдена при претрес на нивниот дом

На 19.06.2026 година, во 20:15 часот, полициски службеници од ОВР Гостивар ги лишиле од слобода Б.З. (27) и А.З. (23), двајцата од Гостивар, како и Ј.М. (31) од Република Албанија, поради основано сомнение за сторено кривично дело „неовластено производство и пуштање во промет на наркотични дроги, психотропни супстанции и прекурсори“, предвидено и казниво по член 215 од Кривичниот законик.

При преземање на службени дејствија, кај Б.З. била пронајдена бела прашкаста материја. Потоа, врз основа на судска наредба, бил извршен претрес во неговиот дом и подрумските простории, при што била пронајдена марихуана.

Трите лица се задржани во Полициската станица Гостивар, а по целосно документирање и расчистување на случајот, против нив ќе биде поднесен соодветен поднесок, соопшти МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

ССМ: Синдикалната минимална кошница за месец јуни изнесува 68 654,00 денари

Вредноста на синдикалната минимална кошница за месец јуни 2026 година изнесува 68 654,00 денари.

ССМ: Синдикалната минимална кошница за месец јуни изнесува 68 654,00 денари

Вредноста на синдикалната минимална кошница за месец јуни 2026 година изнесува 68 654,00 денари, споредена со вредноста на синдикалната минимална кошница за месец мај 2026 год. која изнесува 68 742,00 денари е намалена за 88,00 денари.

Со изнајмен стан од 60 квадрати за месец јуни изнесува 84 024,00 денари, објави ССМ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ДУИ: Тетово на Албанците нема повторно да стане Тетово на Маршал Тито!

Баналните оправдувања и очајните обиди да се релативизира одлуката со која се враќаат имиња од југословенскиот период на улиците, плоштадите и мостовите во Тетово, зборуваат повеќе од која било јавна изјава на ВЛЕН.

ДУИ: Тетово на Албанците нема повторно да стане Тетово на Маршал Тито!

Некој може да има носталгија кон Јосип Броз Тито. Некој можеби му посветувал пофални песни и бил наградуван за тоа. Тоа е прашање на лични убедувања. Но носталгијата за Тито треба да остане во личните албуми, а не на таблите со имињата на улиците во Тетово.

Тетово не е сопственост на носталгичарите по Југославија. Тетово е град со свој идентитет, своја историја, свои личности и свои вредности. Имиња како Илирида, Дервиш Цара, Kongresi i Manastirit и други личности и настани од албанската историја не можат да бидат заменети со симболи на едно минато време кое Албанците одамна го надминале.

Позагрижувачка од самата одлука е тишината на ВЛЕН. Тие што денес управуваат со Тетово и имаат свои претставници во Владата не можат да се кријат зад процедурални оправдувања. Граѓаните заслужуваат јасни одговори.

Затоа, јавно му ги поставуваме следните прашања на градоначалникот на Општина Тетово, Билал Касами:

* Дали Општина Тетово била контактирана од Уставниот суд во врска со овој предмет?

* Кој бил официјалниот став на општината во текот на постапката?

* Дали имало официјална или неофицијална комуникација со Уставниот суд?

* Каква била улогата на претставниците на ВЛЕН во Владата?

* Каков став зазела Владата пред Уставниот суд во однос на имињата усвоени во 2007 година?

Албанците во Тетово имаат право да знаат кој молчел, кој се согласил и кој дозволил идентитетот на градот да биде ставен на удар.

Не ги потценувајте граѓаните. Не ја сметајте нивната трпеливост за слабост. Тетово нема да се врати во времето на Маршал Тито, а Албанците нема тивко да прифатат укинување на своите достигнувања.

И трпението има граници, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер