Марта Кос го отфрли повикот на Вучиќ и на Рама: Реформите за единствениот пазар и Шенген се тешки како и за членство во ЕУ - Канал 5

Европа

Марта Кос го отфрли повикот на Вучиќ и на Рама: Реформите за единствениот пазар и Шенген се тешки како и за членство во ЕУ

Еврокомесарката за проширување Марта Кос изјави дека влегувањето на една земја во Шенген или заедничкиот пазар на ЕУ, за кои повикаа албанскиот премиер Еди Рама и српскиот претседател Александар Вучиќ, бара реформи исто толку тешки.

Марта Кос го отфрли повикот на Вучиќ и на Рама: Реформите за единствениот пазар и Шенген се тешки како и за членство во ЕУ

Еврокомесарката за проширување Марта Кос изјави дека влегувањето на една земја во Шенген или заедничкиот пазар на ЕУ, за кои повикаа албанскиот премиер Еди Рама и српскиот претседател Александар Вучиќ, бара реформи исто толку тешки како и оние за членство во ЕУ, пренесоа денеска српските медиуми.

Во неодамна објавен авторски текст за германскиот ФАЗ, Рама и Вучиќ се пожалија на бавното темпо на напорите за остварување на придобивките од поблиската поврзаност со ЕУ, што го припишаа на „внатрешни реформи, геополитички тензии, институционални ограничувања и легитимни стравови на членовите“. Тие рекоа дека сакаат нивните земји да бидат интегрирани во единствениот пазар, како и во Шенген зоната, без да добијат политичко право и право на вето како полноправни членови.

Кос го отфрли повикот на Вучиќ и Рама и рече дека не е сигурна дали лидерите „знаат колку треба да постигнат за да бидат дел од Шенген или заедничкиот пазар“, додавајќи дека реформите за економска интеграција со ЕУ се исто толку тешки како и за пристапување во Унијата.

Зборувајќи вчера на самитот „Конкурентна Европа“ на „Политико“, таа рече дека аспирациите на Украина да влезе во ЕУ во 2027 година би биле „невозможни“ и дека Исланд би можел да биде „посебен случај“ и „брзо да помине“ ако граѓаните на таа земја одлучат повторно да ги отворат преговорите со ЕУ на референдум летоска во услови на геополитичка неизвесност и тензии со САД.

Еврокомесарката додаде дека ЕУ треба да ги промени правилата за да се прошири и ги повика главните градови да ги презентираат своите планови откако ги отфрли предлозите на Комисијата за обликување на процесот на проширување, објави „Политико“.

Таа потсети дека Европската комисија презентирала три опции - задржување на статус кво, промена на сегашниот систем за да им се овозможи на кандидатите за членство да не стагнираат со години и „обратно проширување“ каде што кандидатите би се приклучиле пред да ги завршат клучните реформи.

„Од првата размена на мислења со членовите, јасно е дека третата опција не е правилна... тоа би била револуција“, рече Кос, додавајќи дека „број еден, статус кво, исто така не е опција“.

Бидејќи втората опција се смета за најверојатна, словенечката комесарка рече дека сега разговараат за насоката во која би се променил сегашниот систем, „како можеме да го забрзаме процесот во однос на постепената интеграција“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишени од слобода 16 возачи за „безобѕирно управување возило“, девет возеле без положен возачки испит

Во текот на изминатото деноноќие на целата територија на државата, полициските службеници лишија од слобода 16 возачи поради „безобѕирно управување возило“.

Лишени од слобода 16 возачи за „безобѕирно управување возило“, девет возеле без положен возачки испит

Од нив, девет управувале возило без положен возачки испит, од кои четворица во Скопје, и по еден во Прилеп, Гевгелија, Богданци, Велес и Боговиње. Под дејство на алкохол возеле по едно лице во Битола, Македонска Каменица, Кичево и Кавадарци, а по еден возач во Македонски Брод и Велес управувале возило под мерка забрана за управување со моторно возило. Од слобода е лишен и државјанин на Шведска, кој на автопатот А- 1 возел со двојно поголема брзина од дозволената. По целосно документирање на случаите ќе бидат поднесени соодветни кривични пријави.

Апелираме до сите учесници во сообраќајот да ги почитуваат сообраќајните правила и прописи, да не управуваат возило без положен возачки испит или доколку имаат изречена мерка за забрана за управување или доколку се под дејство на алкохол и сите заеднички да придонесеме за побезбеден сообраќај.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп: Путин нема да нападне територија на НАТО

Американскиот претседател Доналд Трамп изјави дека е сигурен дека Русија нема да ги нападне американските сојузници од НАТО.

Трамп: Путин нема да нападне територија на НАТО

Прашан дали рускиот претседател Владимир путин се согласил или се обврзал да се воздржи од таква офанзива, Трамп одговори: „Имав добри разговори со него. Тој нема да напаѓа територија на НАТО“. „Вол Стрит Џурнал“ и „Политико“ претходно објавија, повикувајќи се на неименувани извори, дека директорот на ЦИА, Џон ретклиф, за време на тајната посета на Москва пред три дена ја предупредил Русија да не напаѓа членки на НАТО. Трамп одби да ги коментира медиумските извештаи во врска со целта на патувањето на Ретклиф. Од друга страна, Кремљ извештаите за можни руски подготовки за напад врз НАТО ги нарече „хорор приказни“.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Србија потврди: Ратко Младиќ ќе биде погребан со највисоки државни почести

Поранешниот командант на босанските Срби, Ратко младиќ ќе биде погребан со највисоки државни почести, потврди српскиот министер за правда Ненад Вујиќ за медиумите.

Србија потврди: Ратко Младиќ ќе биде погребан со највисоки државни почести

„Неговата улога е позната, но она што му припаѓа на генералот Младиќ сигурно ќе биде почитувано. Би сакал да истакнам дека Република српска не е таа што одлучува тука, семејството ќе одлучи и за местото каде што ќе биде погребан бидејќи тоа е прашање на неговото семејство“, изјави Вујиќ за АТВ. Младиќ кој почина вчера во затворот во Хаг на 85-годишна возраст, беше осуден на доживотен затвор за геноцидот во Сребреница, злосторства против човештвото и воени злосторства извршени за време на војната во Босна и Херцеговина.

Тагови: Ратко Младиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер