Марка: Реал се прости од тројца играчи, би можело да заминат уште шестмина - Канал 5

Фудбал

Марка: Реал се прости од тројца играчи, би можело да заминат уште шестмина

Реал Мадрид оваа сезона ја освои титулата во Шпанија, а со победата против Ливерпул во финалето на Лигата на шампионите повторно стана европски првак.

Марка: Реал се прости од тројца играчи, би можело да заминат уште шестмина

Но, тоа не значи дека нема да има некои значајни промени во клубот ова лето. Според Marca, Реал Мадрид ќе има „колатерални жртви“. Тоа е метафора за играчите кои нема или не треба да останат во клубот следната сезона.

Тројца веќе се простија. Бразилецот Марсело го напушта клубот по истекот на неговиот договор како најтрофеен фудбалер на сите времиња. Се збогуваше и вечно критикуваниот Велшанец Герет Бејл, како и Иско. Но, има уште шестмина играчи на Реал чија иднина е доведена во прашање. Станува збор за Себаљос, Асенсио, Јовиќ, Маријано, Ваљехо и резервниот голман Лунин.

Како што пишува Marca, не се сите во иста позиција. Себаљос и Асенсио се играчи кои веќе требаше да се наметнат и да играат редовно. Но Реал се уште нема понуда за продолжување на договорот. На Асенсио секогаш му недостасува да биде првата опција. Анчелоти не му дава минутажа колку што би сакал, а неговиот агент Жорге Мендеш наводно ги слуша понудите да го продаде во клуб каде што ќе добие повеќе шанси.

Речиси сигурно клубот го напуштаат напаѓачите Маријано и Лука Јовиќ. Српскиот напаѓач одамна го немаше во комбинациите на Карло Анчелоти и беше прогласен за неуспешен. Неговата веројатна судбина е да се врати во Бундеслигата. Како и Ваљехо, така и Јовиќ има договор кој истекува во 2023 година и до тогаш ќе мора или да влезе во форма или да најде нов клуб.

Доколку сите овие наведени играчи си заминат, тоа ќе отвори простор за играчите на Реал Мадрид кои се на позајмица. Одриозола, Кубо, Рајние, Брахим, Борха Мајорал, Фран Гарсија, Де Фрутос, Част се сите играчи на Реал кои би можеле да добијат сериозни можности за докажување следната сезона.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Видео: Неверојатна тепачка во НХЛ

Натпреварот помеѓу Винипег Џетс и Флорида Пантерс понуди вистински хокеарски спектакл, но главна атракција беше жестокиот судир меѓу „тешкашите“ Тајрел Бауер и Бокондџи Имама.

Видео: Неверојатна тепачка во НХЛ

Двајцата исклучително силни играчи ги фрлија ракавиците уште на самиот почеток од првата третина, приредувајќи им на гледачите неверојатна тепачка која траеше повеќе од една минута.

Во физичката пресметка хокеарите разменија на тешки удари, овој нивни судир секако ќе биде сериозен кандидат за титулата „најдолга и највозбудлива тепачка“ во досегашниот тек од сезоната во НХЛ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хамнеи ја зголеми борбената готовност: Иран се подготвува за можен нов судир

Врховниот лидер на Иран, Моџтаба Хамнеи, им нареди на воените команданти да ги ажурираат своите листи со цели и да ја подобрат одбраната, со порака веднаш и ефикасно да одговорат на секоја закана.

Хамнеи ја зголеми борбената готовност: Иран се подготвува за можен нов судир

За време на состанокот со високи воени команданти, Хамнеи нагласи дека високото ниво на борбена готовност за силен одговор кон противниците е еден од клучните предуслови за постигнување максимално одвраќање.

„Доколку непријателите повторно извршат воени или терористички напади, вооружените сили на Исламската Република и иранскиот народ ќе ги одредат времето и условите за нивниот крај“, изјави Хамнеи, според иранската новинска агенција ИРНА.

Според него, ажурирањето на списокот со цели треба да овозможи различни материјални и нематеријални ресурси на Соединетите Американски Држави и Израел да бидат во дофат на иранските вооружени сили.

Хамнеи, исто така, укажал на потребата од зајакнување на воено-разузнавачката инфраструктура, подобрување на одбранбените и безбедносните капацитети преку примена на нови технологии, како и развој на домашните воени капацитети во однос на доктрината и тактиката.

Зборувајќи за состојбата во регионот, тој ја пофалил, како што се наведува, истрајноста на „фронтот на отпорот“ во различни земји, оценувајќи дека единството на неговите членови има стратешко значење за обликување на нов политички и безбедносен поредок во Западна Азија.

Пораките на Хамнеи доаѓаат во време на зголемени тензии меѓу Вашингтон и Техеран, придружени со постојани закани од страна на САД за можни нови воени напади по изборите за американскиот Конгрес на 3 ноември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Зеленски: Околу 280.000 домаќинства во Украина останаа без струја

Украинскиот претседател Володимир Зеленски денеска изјави дека околу 200.000 домаќинства во Днипро и околните области, како и повеќе од 80.000 домаќинства во регионот на Киев, останале без електрична енергија по руските напади.

Зеленски: Околу 280.000 домаќинства во Украина останаа без струја

Украинскиот претседател Володимир Зеленски денеска изјави дека околу 200.000 домаќинства во Днипро и околните области, како и повеќе од 80.000 домаќинства во регионот на Киев, останале без електрична енергија по руските напади врз енергетската инфраструктура.

Зеленски на платформата „Икс“ (X) наведе дека во текот на ноќта руски беспилотни летала ја погодиле термоелектраната во Киев, четири електрични потстаници во Днипропетровската област и термоелектраната во Шостка. Според него, цел на нападот била и железничката инфраструктура во Днипро и Харков, како и еден дистрибутивен објект во Днипропетровската област.

Екипи за поправка работат на отстранување на последиците од нападот и на воспоставување на снабдувањето со електрична енергија, рече Зеленски. Истовремено, тој ја повика меѓународната заедница да ѝ пружи дополнителна поддршка на Украина, предупредувајќи на опасноста од понатамошно проширување на руската ескалација во Европа. Тој побара нови пакети помош за Украина и воведување дополнителни санкции против Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер