Марк Закерберг откри зошто секогаш носи сива маица: Не сакам да губам време на мода (ФОТО) - Канал 5

Живот

Марк Закерберг откри зошто секогаш носи сива маица: Не сакам да губам време на мода (ФОТО)

Основачот на Фејсбук и мултимилијардерот Марк Закерберг откри зошто секој ден носи едноставна сива маица на работа.

Марк Закерберг откри зошто секогаш носи сива маица: Не сакам да губам време на мода (ФОТО)

Закерберг, кој некогаш стана еден од најмладите милијардери во светот, очигледно има плакар полн со сиви маици во кои најчесто се појавува во јавноста.

Еднаш новинарите го прашаа зошто секогаш носи сиви маици кога може да си дозволи што сака, а многумина беа изненадени од неговиот одговор. Имено, Закерберг одговорил дека недостатокот на моден сенс му овозможува да остане повеќе фокусиран на деловниот живот.

„Навистина сакам да си го поедноставам животот за да морам да носам што е можно помалку одлуки за што било друго освен како најдобро да ѝ служам на оваа заедница“, рече тој, додавајќи дека има „повеќе исти маици“ во неговиот плакар. .

„Јас сум во навистина среќна позиција затоа што можам да се будам секој ден и да служам повеќе од милијарда луѓе“, заклучил тој, откривајќи како дури и она што може да изгледа како наједноставна одлука, како што е изборот што да јаде за појадок или што да носи секое утро, може да троши непотребна енергија.

„Се чувствувам како да не ја работам својата работа ако трошам дел од мојата енергија на глупави или несериозни работи“, додаде Закерберг.

Судејќи по неговиот Инстаграм, Закерберг во меѓувреме ги проширил своите модни изданија, па во последно време често може да се забележи во темно сини маици, но и во нешто посмели изданија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

О. Карпош: Училишен прибор и ранче за секое прваче од Карпош

Општина Карпош на почетокот на новата учебна година ќе ги пречекаат најмладите ученици кои годинава за првпат ќе седнат во училишните клупи, обезбедувајќи им ранче и основен училишен прибор.

О. Карпош: Училишен прибор и ранче за секое прваче од Карпош

Оваа активност се реализира согласно годишната програма на Одделението за образование, за која од Буџетот на Општина Карпош се издвоени 1.000.000 денари.

По повод почетокот на учебната година, градоначалникот Сотир Лукровски, ќе ги посети основните училишта на територија на Општина Карпош, при што на првоодделенците ќе им бидат врачени ранчињата и училишниот прибор.

Со оваа мерка, Општина Карпош ќе им посака топло добредојде на најмладите ученици и успешен почеток на нивното образование, а воедно обезбедува и финансиска поддршка за семејствата во пресрет на новата учебна година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Герасимовски: Основното училиште „11 Октомври" со нова библиотека-медијатека од септември

Општина Центар информира дека во ООУ „11 Октомври" се финализира уредувањето на новиот простор наменет за библиотека-медијатека. 

Герасимовски: Основното училиште „11 Октомври" со нова библиотека-медијатека од септември

Учениците од септември ќе имаат современа библиотека, место каде што ќе можат да го поминуваат своето слободно време, да позајмуваат книги, да читаат и да разменуваат идеи.

„Ова е само еден во низата проекти на кои работиме летово со цел подобрување на условите во кои нашите деца се образуваат воспитуваат. Ова модерно катче е наменето за едукација, учење и завршување на училишните обврски за нашите основци ,“ рече градоначалникот на Општина Центар, Горан Герасимовски.

Освен книги, енциклопедии, прирачници и речници, во библиотеката ќе бидат достапни и дневни весници, списанија и публикации, а просторот ќе биде опремен со интерактивен панел, компјутери и интернет конекција. Проектот ќе им овозможи на 600 ученици и вработени да ги прошират своите знаења преку богатите содржини на медијатеката.

Дополнително, оваа година училиштето воведе нов систем за електронска библиотека – софтверското решение „еБиблиотека“, кое овозможува целосна дигитализација и дигитално управување со библиотечниот фонд и услугите, со електронско следење на книги, членови и позајмувања. Училиштето располага со книжен фонд од 20 204 наслови, во кој се вклучени стручна литература, лектирни изданија и останати наслови.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Напредуваат градежните активности на Био Пазарот

Градоначалникот на Кавадарци, Митко Јанчев на својот Фејсбук објави дека напредуваат градежните активности на Био Пазарот.

Јанчев: Напредуваат градежните активности на Био Пазарот

Изградбата на овој Био Пазар ќе обезбеди современ, уреден и сертифициран простор каде локалните земјоделци, органски производители и мали семејни бизниси ќе можат директно да ги продаваат своите производи, без посредници – по фер цени, со зголемена доверба од потрошувачите. Со овој капитален проект инвестираме во три столба – здравјето на граѓаните, економската моќ на нашите производители и одржливата иднина на Кавадарци.

[✔️] Инвестиција на Општина Кавадарци во вредност од 26.500.000 ден плус ДДВ, стои во објавата на Јанчев.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер