Свет

Марк Руте официјално ја презеде должноста генерален секретар на НАТО

Драг Марк, те молам да го примиш овој посебен чекан и да те поканам да седнеш на претседавачкото место на Северноатлантскиот совет.

Со предавање на симболот на моќта, во случајот дрвен викиншки чекан, дониран од Исланд далечната 1963 година, Јенс Столтенберг и официјално ја предаде челната функција во НАТО на поранешниот холандски премиер Марк Руте. Столтенберг кој минатата декада беше на чело на Алијансата не штедеше пофалби за неговиот наследник, но му порача и дека пред него се низа на предизвици со кои мора да се соочи, а пред се на војната во Украина.

-Покажа дека не правиш комрпомиси со нашите основни вредности и принципи. Го видовме тоа со твојата лична заложба за нашата транс-атлантска врска и твојата непоколеблива поддршка за Украина. Сега е време да си заминам, а ти да го почнеш твојот мандат како Генерален - Секретар на НАТО,- - Јенс Столтенберг – Поранешен генерален секретар на НАТО .

Руте кој на фунцкијата доаѓа во турбулентен период за глобалната безбедност, на својата прва прес-конференција откако ја презема функцијата ги претстави главните приорити, меѓу нив очекувано е поддршка за Украина, зајакнување на капацитетите и финансирањето на НАТО. Порача дека заканите со кои се соочува Алијансата стануваат се по глобални и токму затоа потребно е да се градат нови сојузи и партнерства со држави кои ги споделуваат истите вредности.

-Имам три приоритети: Да се осигураме дека имаме способности да се заштитиме од каква било закана, поддршка за Украина во борбата против руската агресија и адресирање на растечките глобални предизвици за евроатлантската безбедност. Поддршката за Украина е вистинската работа. А тоа е и инвестиција во нашата сопствена безбедност. Затоа што независна и демократска Украина е од витално значење за мирот и стабилноста во Европа,- - Марк Руте – Генерален секретар на НАТО.

Назначувањето на новиот генерален секретар на НАТО, со внимание го следеше и официјална Москва. Портпаролот на Кремљ Дмитри Песков испрати порака дека Руте е е добро познат на Русија, истакнувајќи дека како премиер на Холандија тој зазел напријателски однос кон нив.

Руте инаку, во наредниот период треба да предложи и негов заменик, а меѓу имињата кои се споменуваа во Брисел е и тоа на поранешната министерка за одбрана Радмила Шеќеринска. Информацијата за тоа ја соопшти реномираниот Политико повикувајќи се на дипломати во НАТО. Според текстот објавен на средината на август, постои генерален консензус меѓу сојузниците дека изборот ќе биде личност од источното крило на НАТО, а во трката покрај Шеќеринска е и доскорешната шефица на бугарската дипломатија Марија Габриел.

Македонија

СДСМ: Мора да им одговорност за починатото бебе на Детската клиника

Со голема загриженост ги следиме информациите за трагичната смрт на 14 месечното новороденче на Клиниката за детски болести и она што се случува.

Министерството за здравство и сите надлежни институции итно да ги преземат сите неопходни мерки за да се утврдат причините за овој трагичен настан за кој мора да има одговорност.

Потврдените информации дека бебето било одбиено да биде хоспитализирано се крајно загрижувачки.

Ова е втор трагичен случај за една недела во здравствените установи.

СДСМ бара подлабока анализа и целосна транспарентност во процесот на утврдување на одговорноста.

Јавноста заслужува да знае каде се направени пропустите.

Во изминатите 7 години, со вистинска грижа и соодветни мерки СДСМ успеа да ја намали неколкукратно смртноста кај новороденчињата. Во 2016 година смртноста била високи 25 отсто, во 2021 е намалена на 8,9 отсто а во 2023 година околу 5%.

Бројките постепено опаѓаат низ годините што укажува на унапредување на здравствената заштита на мајките и новороденчињата.

Неонаталната смртност СДСМ ја намали за 5 пати, во 2015 година изнесувала 6.8%о а во 2022 година е намалена на само 1,4%о. Во 2015 година во времето на ДПМНЕ перинаталната смртност изнесувала 12.8%о а во 2022 година е намалена на 6.9%о.

СДСМ набави морени инкубатори, кои недостасуваа, како и повеќе современи апарати, опрема, микроскопи, системи за деминерализација, респираторни машини, подвижни протокомери за кислород и инвестираше во развој на соодветен стручен кадар.

Оттука, крајно загрижувачки е тоа што се случува сега и надлежните мора да преземат соодветни мерки да не се дозволи зголемување на смртноста на новоредничањата повторно.

Здравјето на мајките и новороденчињата мора да биде императив за секој здравствен систем.

СДСМ

Свет

ИДФ нападнаа уште еден команден центар на Хамас во Газа

Израелските воздухопловни сили уште еднаш нападнаа команден центар на палестинската милитантна организација Хамас во Појасот Газа, соопштија израелските одбранбени сили (ИДФ) рано утрово, јави ДПА.

Командниот центар се наоѓаше во областа Деир ал Балах во централна Газа, вградена во болницата Шухада ал Акса, соопшти ИДФ.

Во истата област, армијата претходно соопшти дека ги нападнала командните центри на Хамас кои биле лоцирани во поранешно училиште и поранешна џамија.

ИДФ соопшти дека биле преземени бројни мерки за да се намали ризикот за цивилите пред „прецизниот“ напад.

Според армијата, командните центри биле користени за планирање и извршување на терористички напади против израелските војници и државата Израел.

ИДФ рече дека ова е уште еден пример за, како што ја нарече, систематската злоупотреба на цивилната инфраструктура од страна на Хамас, кршејќи го меѓународното право.

Конфликтот, кој започна пред точно една година, започна кога борците од палестинската исламистичка милиција Хамас и други го нападнаа Израел, убивајќи околу 1.200 луѓе и зедоа околу 250 заложници.

Свет

Републиканскиот претседател на Конгресот одби да признае дека Трамп ги загубил изборите во 2020

Републиканскиот претседател на Претставничкиот дом на САД, Мајк Џонсон, го избегна прашањето дали го прифаќа фактот дека Доналд Трамп загуби од демократскиот претседател Џо Бајден на изборите во 2020 година.

Трамп, кој беше поразен од Бајден во 2020 година, повторно е претседателски кандидат на Републиканската партија и се соочува со демократската потпретседателка Камала Харис на изборите на 5 ноември. Анкетите покажуваат дека изборната трка ќе биде многу тесна.

- Сакате ние, кога зборуваме за иднината, да зборуваме за работи што се случиле пред четири години, одговори Џонсон во вчерашното интервју за ABC News.

- Нема да зборуваме за тоа што се случи во 2020 година, ќе зборуваме за 2024 година. Џо Бајден е претседател речиси четири години, а сега сите треба да одат напред рече Џонсон.

Кога новинарите дополнително го притиснаа да одговори подетално, тој рече: „Не ја прифаќам вашата игра“.

И сенаторот Џеј-Ди Венс, потпретседателскиот кандидат на Трамп, заобиколи слично прашање на потпретседателската дебата во вторникот.

Џонсон одби да ја осуди изјавата на поранешниот претседател дека зад обидот за атентат може да стојат политички противници.

Трамп преживеа обид за атентат на митинг во Пенсилванија на 13 јули, а во септември избегна и нов обид за атентат, што беше спречен од агент на американската тајна служба, кој патролираше на теренот за голф на Трамп во Флорида. Инспекторите не пронајдоа докази за вмешаност на политичките противници на Трамп во тековните истраги.

Џонсон беше прашан и дали ќе придонесе за потврдување на резултатите од изборите во 2024 година доколку Трамп загуби, на што тој одговори: „Ќе се придржувам до Уставот … Конгресот има многу специфична улога и ние мора да ја исполниме“.

Поддржувачите на Трамп упаднаа во американскиот Капитол пред четири години во неуспешен обид да спречат потврда во Конгресот на резултатите од изборите во 2020 година.

притисни ентер