Маринакис: Претседателот или претседателката на Грција треба да биде личност која обединува - Канал 5

Балкан

Маринакис: Претседателот или претседателката на Грција треба да биде личност која обединува

Маринакис потсети дека грчкиот премиер најави дека владиниот предлог за претседател ќе го соопшти во втората половина на јануари, „што значи дека сме блиску“ и дека одлуката на Мицотакис нема да задоцни.

Маринакис: Претседателот или претседателката на Грција треба да биде личност која обединува

Претседателот или претседателката на државата треба да биде личност која обединува и зрачи со авторитет, a обединувачки личности кои зрачат со авторитет постојат во сите политички простори: во централно-левичарскиот, во централниот и во централно-десничарскиот, рече портпаролот на грчката Влада Павлос Маринакис за грчката телевизија ЕРТ во однос на кандидатот за претседател на Грција, јави дописничката на МИА од Атина.

Маринакис потсети дека грчкиот премиер најави дека владиниот предлог за претседател ќе го соопшти во втората половина на јануари, „што значи дека сме блиску“ и дека одлуката на Мицотакис нема да задоцни.

Грчкиот премиер утре ќе се сретне со претседателката Катерина Сакеларопулу во рамките на нивните редовни месечни средби, но овој пат во Грција се толкува поинаку, со оглед на тоа дека истекува петгодишниот мандат на шефицата на државата.

Претседател во Грција одбира Парламентот по предлог на Владата, а Мицотакис засега ги чува затворени картите и не се знае дали ќе ја предложи Сакеларопулу за втор мандат или пак ќе одбере друга личност.

Од почетокот на годинава, личноста што ќе биде кандидат за претседател е главна тема во грчките медиуми, кои повремено излегуваат и со конкретни имиња, но без да постои конкретна и официјална потврда.

Опозициската СИРИЗА вчера ја соопшти својата кандидатка, поранешната пратеничка и министерка од ПАСОК и почесен професор по економија на атинскиот Универзитет, Лука Кацели која изјави дека ја прифаќа кандидатурата, а денеска се сретна со претседателот на партијата Сократис Фамелос.

Согласно Уставот, претседателот во Грција го одбира Парламентот по предлог на Владата, најмалку еден месец пред истекот на мандатот на актуелниот претседател, а предвидени се најмногу три гласања, доколку при првото не се постигне потребното двотретинско мнозинство од вкупниот број пратеници.

Со уставните измени на крајот на ноември 2019 година, изборот на претседател се одвои од предвременото распуштање на Парламентот, за да се избегне реприза на она што се случи во 2015 година, кога недоволниот број гласови за претседателскиот кандидат доведе до предвремени избори во земјата.

Сега, при гласањето во Парламентот доколку кандидатот не добие двотретинско мнозинство, гласањето се повторува по пет дена, а доколку и при второто гласање не се постигне потребното мнозинство, ќе се одржи и трето, по пет дена и во тој случај се избира претседател на државата кој добил мнозинство од три петтини од вкупниот број гласови, односно поддршка од 180 од вкупно 300 пратеници.

Соодветните процедури би требало да започнат најдоцна до 13 февруари.

Актуелната претседателка во 2020 година, на предлог на Владата на Нова демократија беше избрана при првото гласање, со широко мнозинство, односно со поддршка од три партии и со 261 глас, 61 повеќе од неопходниот минимум./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ среде Њујорк завиваше како волк на предпремиерата на неговиот филм (ВИДЕО)

Најдобриот српски тенисер - Новак Ѓоковиќ, моментално е во Њујорк, на „Fanatics Fest“ кој собра бројни светски ѕвезди од сите спортови, но и од други области.

Новак Ѓоковиќ среде Њујорк завиваше како волк на предпремиерата на неговиот филм (ВИДЕО)

Само пред неколку дена, Новак играше на Вимблдон, беше елиминиран во полуфиналето од Јаник Синер (3:0), и многу брзо успеа да се најде во Соединетите Американски Држави.

Прво, повод беше претпремиерата на неговиот одличен филм „Волкот во зима“, кој ќе се појави на платформите кон средината на август. Филмот ја раскажува приказната за неговото воспитување, па сè до освојувањето на 24-тата Гренд слем титула и сè што го класифицираше како најдобар тенисер на сите времиња, објави Телеграф.

Телеграф е во Њујорк, па ја искористи можноста да оди на предавањето на Новак Ѓоковиќ, на кое Србинот зборуваше за бројни теми. Многумина беа воодушевени и од моментот кога водителот го замоли да завива како волк, со асоцијацијата со името на неговиот документарен филм.

Тагови: Новак Ѓоковиќ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Силен земјотрес од 7,3 степени го погоди Мексико, зградите се виткаат како од гума (ВИДЕО)

Мексико денеска беше погодено од серија многу силни земјотреси, од кои најсилниот беше со магнитуда од 7,3 степени според Рихтеровата скала.

Силен земјотрес од 7,3 степени го погоди Мексико, зградите се виткаат како од гума (ВИДЕО)

По овој прв потрес следеа неколку послаби, вклучувајќи 6 и 5,3 степени според Рихтеровата скала.

На социјалните мрежи се појавија видеа од Мексико, на кои се гледа како зградите се нишаат и извиткуваат под влијание на оваа природна сила.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Случајот во Гостивар е доказ дека неспособноста на кадрите поддржани од СДС и Венко Филипче, станува опасна по здравјето и животот на граѓаните

„Апелирам да ги мобилизираме што повеќе членовите и да му дадеме поддршка на Валбон“, го повикуваше Венко Филипче, членството на СДС во Гостивар да даде поддршка за кандидатот Валбон Лимани за градоначалник на минатите локални избори.

ВМРО-ДПМНЕ: Случајот во Гостивар е доказ дека неспособноста на кадрите поддржани од СДС и Венко Филипче, станува опасна по здравјето и животот на граѓаните

Но, неспособноста на ваквите кадри поддржани од СДС и Венко Филипче, станува опасна по животот и здравјето на македонските граѓани.

Потврда за ова е и последниот случај од Гостивар каде поради нестручно, непрофесионално и неодговорно поставени пумпи на општината и гостиварски „Водовод“ во отпадни води, изминатите дена над 1000 граѓани се затруле и побарале медицинска помош.

Општинската власт во Гостивар целосно потфрли во своето работење и на граѓаните не успеа да им го обезбеди елементарното право на чиста вода за пиење и тоа во 21 век, кога светот зборува за брз технолошки развој и вештачка интелигенција.

ВМРО-ДПМНЕ бара итно расчистување на случајот и одговорност за сите инволвирани кои несовесно, непрофесионално и неодговорно ги извршувале своите работни активности.

На Македонија и на македонските граѓани потребни им се одговорни лица кои достојно, професионално, одговорно и во нивен интерес ќе ги извршуваат функциите за кои се избрани.

Македонските граѓани заслужуваат да ги водат луѓе со интегритет кои ќе се грижат за нивниот живот и здравје, а не луѓе кои поради нивната неодговорност животот им го ставаат во опасност, се наведува во партиското соопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер