Балкан

Маринакис: Не се разгледуваат дополнителни мерки за поддршка на земјоделците

Се обврзавме дека сè додека трае инфлаторната криза ќе ги поддржуваме домаќинствата и бизнисите, со пресметани мерки кои не ги надминуваат фискалните можности на државата.

Владата активно ги поддржува земјоделците, една од најголемите индустрии во земјата, но не се разгледуваат дополнителни мерки, истакна портпаролот на грчката Влада Павлос Маринакис на денешниот редовен брифинг со новинарите во однос на протестите на земјоделците, јави дописничката на МИА од Атина.

По пакетот мерки што грчкиот премиер Кирјакос Мицотакис го соопшти во петокот, земјоделците изразија незадоволство и продолжија со протестите и блокадите, најавувајќи засилување, а владиниот портпарол денеска истакна дека не планирана дополнителна помош.

-Се обврзавме дека сè додека трае инфлаторната криза ќе ги поддржуваме домаќинствата и бизнисите, со пресметани мерки кои не ги надминуваат фискалните можности на државата. Економијата на земјата се подобрува и затоа сме во позиција да го ставиме на располагање пакетот мерки за поддршка на земјоделците. Но, ресурсите со кои располагаме не се неисцрпни и затоа не се разгледуваат дополнителни мерки, истакна Маринакис.

Објасни дека иницијативите на Владата за помош на земјоделците, особено на оние од областа Тесалија погодена од поплавите во септември минатата година, не беа поради протестите и блокадите, туку биле однапред испланирани.

За евентуална средба на грчкиот премиер со претставници на земјоделците, рече дека засега нема нешто закажано или планирано.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Заменик-министерката за европски прашања на средба со претставници на француската амбасада: Реформите мора да донесат конкретни резултати

Заменик министерката за европски прашања, Викторија Трајков, оствари средба со Филип Маршето, заменик-амбасадор на Република Франција и францускиот експерт Жером Кел.

Во фокусот на разговорот беа реализираните реформи и активностите на институциите за спроведување на Реформската агенда и приоритетите за наредниот период.

„Нашата цел е реформите да не останат само обврски на хартија, туку да донесат мерливи резултати, поефикасни институции и подобри услуги за граѓаните. Посветени сме на спроведување на Реформската агенда 2024–2027 и исполнување на европските стандарди преку конкретни активности, јасна одговорност и континуирано следење на постигнатото“, истакна Трајков.

На средбата беше нагласена важноста на соработката со Франција, размената на експертски искуства и континуираниот дијалог во поддршка на реформскиот процес и европската интеграција на нашата земја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Нетанјаху води на изборите, но нема мнозинство за влада

Досегашните преброени гласови од изборите за Кнесетот во Израел покажуваат дека Бенјамин Нетанјаху е во водство.

Со преброени 85 проценти од гласовите, неговиот блок предводен од партијата Ликуд, се очекува да освои 53 пратенички места.

Главниот ривал на Нетанјаху – поранешниот началник на генералштабот на армијата – Гади Ајзенкот и неговиот опозициски блок, е на пат да освои 48 места. Арапските партии, според резултатите, би можеле да освојат рекордни 19 места. За мнозинство во Кнесетот, кој има 120 пратеници, потребни е 61 освоено место.

Нетанјаху и Ајзенкот најавија дека ќе се обидат да формираат владина коалиција, а не се исклучува и влада на национално единство, бидејќи повеќето еврејски партии ја отфрлаат можноста за соработка со арапските партии. Сè уште не се преброени меѓу 430.000 и 480.000 гласачки ливчиња. По конечните резултати се очекува претседателот Исак Херцог да се консултира со политичките партии, а доколку не биде формирана влада, израел би можел да оди на нови избори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Модар патлиџан со мелено месо

Во четврток (22.10.2026) во емисијата гостин ни бeше Васко Форти.

Состојки за денешниот рецепт:

2 модри патлиџани

250 - 300 гр. мелено месо

1 главица кромид

150 мл. доматен сос

3 чешниња лук

маслиново масло

сол, бибер и др. зачини по избор

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.