Манекенка ја напушти модната писта за да се занимава со земјоделство! - Канал 5

Забава

Манекенка ја напушти модната писта за да се занимава со земјоделство!

Акеч Вини е млада дама од Уганда која отсекогаш сонувала еден ден да стане позната и да заработи доволно за да обезбеди иднина за себе и за своето семејство.

Манекенка ја напушти модната писта за да се занимава со земјоделство!

По завршување на основното и средното училиште, како и Факултетот за англиски јазик и книжевност, таа работела како наставничка во едно локално училиште, потајно сонувајќи еден ден да стане модел. Тоа ѝ била голема желба уште од детството и конечно ѝ се остварила. Таа успеала да замине во Британија и таму да оствари завидна манекенска кариера, но по неколку години решила да ја промени професијата и да се посвети, ни помалку ни повеќе, на земјоделството.

Акеч сподели видео на „TikTok“ на кое се гледа како копа во градината со нејзината сестра и пријателите во руралните краишта на Африка, опишувајќи дека еден од нејзините најубави моменти е кога некој ќе ги поздрави за време на работа и ќе ги праша како им оди работата. Таа, сепак, открива дека некои од луѓето љубопитно ја гледаат, а некои од нив дури се осмелуваат да прашаат зошто ја копа градината и се чудат зошто „си дозволува такво нешто“, имајќи предвид дека во нејзиниот роден крај сите знаат оти работела како модел во Лондон, но и во Њујорк.

-Зошто да не ја ископам градината? Постои проблем во размислувањето. Кога луѓето ќе заминат од овде и ќе се преселат далеку, сите имаат големи очекувања од нив. Затоа многу луѓе никогаш не сакаат да се вратат назад – го започнала таа своето видео.

Како што објаснува, луѓето кои успеваат да заминат од Уганда за Америка или Европа живеат под постојан притисок дека нема да успеат надвор од својата татковина, па тоа е една од причините зошто никогаш повеќе не се појавуваат во неа, ниту пак сакаат да го „расипат впечатокот“ за себе.

@aketchjoywinnie #africaisgold #africa #foryou #fyp #adayinmylife #foryoupage #village ♬ original sound - Aketch Joy Winnie

Нејзината порака доби позитивни коментари од нејзините придружници кои истакнаа дека неизмерно ѝ се восхитуваат затоа што е толку приземна и скромна, и покрај успехот што го постигнала во една од јавните работи.

@aketchjoywinnie #africaisgold #africa #foryou #fyp #adayinmylife #foryoupage #village ♬ All We Need Is Here in Africa (Bones Mix) - Steve Kekana

Во нејзините видеа таа зборува и за животот во Африка, како и за големата блискост и соживотот меѓу луѓето во нејзината земја. Таа истакнува дека едноставноста и грижата на едни за други е она што го прави животот убав.

-Детето на соседот е и мое дете. Можам да дотрчам кај соседите и да побарам сол или каква било намирница, и не се работи за потребата, туку за великодушноста, да бидеме тука еден за друг. Овие мали нешта во општеството го прават животот убав – нагласи таа во една од своите објави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Клековски ќе ја посети болницата во Гостивар

Новиот министер за здравство Сашо Клековски попладнево  ќе ја посети Општата болница - Гостивар откако повеќе граѓани во последните два дена со симптоми на повраќање, дијареа и температура побараа лекарска помош. 

Министерот Клековски ќе ја посети болницата во Гостивар

По извршениот надзор било утврдено дека во главниот цевковод на водоводната мрежа, без одобрение поставена била пумпа која директно вбризгува вода од реката Вардар во овој водоснабдувачки систем.

Агенцијата за храна и ветеринарство (АХВ) вчера издаде забрана за употреба на водата за пиење од гостиварскиот водоводен систем поради основано сомнение дека водата е загадена и небезбедна за употреба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Астрономски цени за финалето на Светското првенство, се бараат и повеќе од 60.000 евра за билет!

Интересот за финалето на Светското првенство меѓу Аргентина и Шпанија ги подигна цените на билетите до неверојатни височини, па само најбогатите навивачи ќе можат да присуствуваат на спектаклот на стадионот „Метлајф“ во Њу Џерси.

Астрономски цени за финалето на Светското првенство, се бараат и повеќе од 60.000 евра за билет!

Побарувачката за билети е огромна уште од завршувањето на полуфиналните натпревари, а цените на пазарот растат секојдневно.

Според податоците од платформата за продажба и препродажба на билети, моментално најевтиниот достапен билет чини околу 7.400 евра, за место во горните редови на стадионот.

За оние што сакаат најдобар поглед на теренот, цената достигнува и до 61.000 евра – сума што се бара за места веднаш до теренот, во најатрактивните сектори. Пред само неколку дена, најевтините билети можеа да се најдат за околу 2.000 евра, но поради огромниот интерес, цената оттогаш е повеќекратно зголемена.

Билетите сè уште можат да се купат преку официјалниот систем на ФИФА, со претходна регистрација на веб-страницата на организаторот, а ФИФА нуди и официјална платформа за безбедна препродажба и размена на билети. Покрај стандардните седишта, во понудата се вклучени и луксузни ВИП-пакети.

Најпрестижните зони „Pitchside Lounge“ и „Trophy Lounge“ се веќе распродадени, додека понудата „Champions Club“, која вклучува седишта веднаш до теренот, е сè уште достапна по цена од околу 20.000 долари.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Само газење за Видиновски“ – нови закани за новинарот на Канал 5!

На социјалните мрежи повторно се појавија закани за физичко насилство кон новинарот Александар Видиновски, овој пат со повик за „газење“ под видео објавено од градоначалникот Орце Ѓорѓиевски.

„Само газење за Видиновски“ – нови закани за новинарот на Канал 5!

„Ај бе преку таквото со тој Видиновски… Што направил корисно, што снимал ѓубре?! Да не земал да исчисти? За џаболебари кои немаат што да направат во животот, само газење.“ Ова е содржината на последната закана јавно објавена на социјалните мрежи. „Газењето“ се препорачува под видео објавено на профилот на скопскиот градоначалник Орце Ѓорѓиевски.

Во последниот период зачестија заканите кон новинарот, а за овој и за сличните случаи поднесена е пријава до МВР. Досега неколку пати реагираа и Здружението на новинарите на Македонија (ЗНМ) и Македонската асоцијација на новинари (МАН).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер