Актерката сподели на Инстаграм фотографија од нивните стапала и порача дека годинава го слави „завршувањето на семејството за кое сонуваше со години“.

Амбер веќе е мајка на ќерката Оунага, родена во 2021 година, и нагласува дека децата ги добила „по свои услови“.

„Денес официјално ја споделувам веста дека добредојдовме близнаци во семејството Херд. Ќерка ми Агнес и син ми Оушн ми ги исполнуваат и рацете и срцето.“

„Кога ја добив мојата прва ќерка Оунага пред четири години, мојот свет засекогаш се промени,“ продолжи таа.

Можеби ве интересира: Амбер Херд ја продаде куќата во Калифорнија за милион долари

„Мислев дека не можам да бидам посреќна – а сега, се чувствувам како да експлодирам од среќа тројно!!!“

„Да станам мајка самата и според мои правила, и покрај моите предизвици со плодноста, беше најпонижувачкото и највеличествено искуство во мојот живот,“ напиша Амбер.

„Вечно сум благодарна што можев да ја направам оваа одлука одговорно и промислено.

На сите мајки, каде и да сте денес и како и да сте стигнале до таму – јас и моето семејство од соништата славиме со вас.“

Таа ја заврши емотивната објава на Инстаграм со: „Со љубов секогаш, А x“

Можеби ве интересира: Првата сопруга на Џони Деп: Тоа што му го направи Амбер Херд е ужасно

По судењето со Џони Деп во 2022 година, се пресели во Шпанија, каде што живее далеку од очите на јавноста. Не е познато дали е во врска.

Прикажи ову објаву у апликацији Instagram

Објава коју дели Amber Heard (@amberheard)

Општина Центар-Скопје објавува Јавен повик за финансиска поддршка за поправка и санација на постојни кровни конструкции и лифтови во колективни станбени згради на нејзина територија, согласно Програмата за комунални дејности за 2025 година (Потпрограма ГДО).

„Ги повикувам сите станбени заедници во Општина Центар кои имаат потреба од санација на покриви или поправка на лифтови да аплицираат и да ги искористат средствата што ги нудиме. Ова е можност да се подобрат условите за живеење, безбедноста и енергетската ефикасност во вашите згради,“ изјави градоначалникот Горан Герасимовски.

Финансиската поддршка изнесува 30% од вредноста на проектот, но не повеќе од 150.000 денари за кровови и 300.000 денари за лифтови, додека 70% од трошоците ги обезбедуваат сопствениците. Повикот се спроведува по принципот „прв дојден, прв услужен“.

Право на учество имаат заедници на сопственици или управители од Општина Центар чиишто станбени згради се постари од 15 години, со најмалку 70% населени станови. Потребна е одлука со потписи од 50% + 1 сопственик, како и комплетна документација според условите наведени во повикот (договори, понуди, фотографии, технички извештај и др.).

Пријавите се поднесуваат во затворен плик, во Архивата на Општина Центар (барака 6) или по пошта, на адреса: ул. „Михаил Цоков“ бр. 1, Скопје, во периодот од 10 мај до 30 јуни 2025 година, секој работен ден од 09:00 до 15:00 часот.

Заинтересираните жители може да се информираат на линкот во прилог https://www.centar.gov.mk/?p=25179 или на општинската веб-страница.

Општина Центар

На двајцата поранешни директори на болницата им се суди по вторпат откако лани повисокиот суд го врати предметот на ново судење. Одбраната појаснува дека со судењето не се бара одговорност за настанувањето на пожарот, туку за последиците кои ги предизвикал. Тврдат, дека во болницата, имало противпожарни апарати. Пожарот во тетовската модуларна болница избувна на осми септевмри 2021 година, а објектот го проголта за помалку од три минути. Трагедијата одзеде 14 животи на луѓе кои се лекуваа од ковид и нивни блиски кои биле таму. Во потрагата по причините за несреќата, се вклучија и германски истражители. Беше утврдено дека пожарот го предизвикал продолжен кабел за струја на кој бил приклучен дефибрилатор и полнач за мобилен телефон.