Манасиевски: Љупчо Николовски избега од соочување, очекувам одговори на поставените прашања - Канал 5

Македонија

Манасиевски: Љупчо Николовски избега од соочување, очекувам одговори на поставените прашања

Имено, денеска Љупчо Николовски не се појави во судница, зошто не знам, и не дојдоа на суд со факти против фактите кои беа изнесени на прес-конференција, а тоа е дека додека тој е министер во Владата и вицепремиер на Заев, имало кусок од 2000 тони ж.

Манасиевски: Љупчо Николовски избега од соочување, очекувам одговори на поставените прашања

Денеска имавме еден граѓански судски процес, во кој поранешниот министер за земјоделие, шумарство и водостопанство, воедно и поранешен вицепремиер за борба против корупција на Владата на Зоран Заев и поранешен генерален секретар на СДС, Љупчо Николовски, упати барање за извинување кон мене како граѓанин на државата, затоа што моите изјави му донеле душевна болка, а во барањето вели дека изјавите на една од моите прес-конференции кои сум ги имал биле неточни, поточно за кусокот на жито од Агенцијата за стокови резерви и за доделување на грант за фирмата „Тргопродукт“, попозната со брендот МАМАС на Заеви, од ИПАРД програмата вреден 1,4 милиони евра.

Имено, денеска Љупчо Николовски не се појави во судница, зошто не знам, и не дојдоа на суд со факти против фактите кои беа изнесени на прес-конференција, а тоа е дека додека тој е министер во Владата и вицепремиер на Заев, имало кусок од 2000 тони жито од стоковите резерви, а потоа е набавена скапа пченица за стоковите резерви и за тоа дека како член на владата било дадено 1,4 милиони на фирмата на Заеви под име „Тргопродукт“.

Наместо со факти да демантира, тој не дојде денеска на суд да каже дека моите тврдења душевно го повредиле и дека тој претрпел душевна болка.

Љупчо, остави ја душевната болка на страна. Ти си политичар. Ако толку лесно душата ти е повредена, повлечи се од политиката.

А ако сепак остануваш, тогаш дај факти дека на Заеви не си им дал 1,4 милиони евра.

Николовски кој бил вицепремиер за борба против корупција, денеска малку контрадикторно функционира. Во тужбата што ја упатува кон мене, направил Вешт наод и мислење за душевно страдање, психичка болка и нарушување на честа и угледот кај него, односно кај лицето Љупчо Николовски, изготвен од страна на Проф. Д-р Стојан Бајрактаров, доктор специјалист психијатар, лиценциран судски вештак со лиценца. Зошто ова го говорам? Затоа што има индиции дека тој негов наод, изготвен од овој човек овде на сликата доле, Проф. Д-р Стојан Бајрактаров кој имено бил член на СДС, а исто така и повеќе пати бил донатор на партијата. Значи докторот кој го прави Вештиот наод дека лицето Љупчо Николовски бил душевно болен односно страдал од моите прес-конференции, повеќе пати бил донатор на партијата СДС.

Ќе ми дозволите само да ги покажам, еве и тука има уште.

И што е најважно токму во времето кога генерален секретар на партијата е Љупчо Николовски.

Ете заради ова сметаме дека е пристрасно и под влијание од страна на тужителот од причина што вештото лице кое го изготвило овој Вешт наод и мислење е долгогодишен член на СДС, донатор токму во времето кога тој бил генерален секретар на партијата, и дополнително бил именуван и како Директор на клиниката за психијатрија токму во владата на Зоран Заев, каде тужителот односно Љупчо Николовски, во тие моменти бил Министер за земјоделие.

Одиме понатаму.

Господинот Николовски, вели дека моите прес-конференции предизвикале душевна болка и страдање кај него, па би сакал да упатам прашање до господинот Николовски, зошто не земал боледување за истото или пак да се повлече од политиката, бидејќи моето лично мислење е дека лица кои имаат односно добиваат душевна болка и страдање од прес-конференција, не само што не треба да се бават со политика, напротив не треба ниту да извршуваат високи државни функции како што е функцијата пратеник.

Еве го во моментите кога господинот Љупчо Николовски бил душевно болен.

Гледаме како дава изјави на телевизија, гледаме како оди на конгрес и на неговата партија, гледаме овде понатаму како со актуелниот градоначалник на Крива Паланка се смеат, што според нас не сметаме дека му придонело некое душевно страдање.

Но би сакал и да поставам неколку прашања до поранешниот вицепремиер за борба против корупција и поранешен генерален секретар на Социјалдемократскиот сојуз. Дали е точна информацијата дека од јавноста крие, поточно во имотниот лист, дуплекс стан од приближно 180 метри квадратни во Дајмонд мол?

Доколку оваа информација е точна би сакал да го прашам поранешниот вицепремиер за борба против корупцијата, зошто вакви важни информации крие, од каде му се финансиски средства за таков луксузно наместен стан, и зошто, доколку е негов, не му е вметнат во имотниот лист?

Дополнително, дали се точни информациите кои стигнаа до нас од свиркачи, дека додека бил на висока владина функција, ги злоупотребувал услугите од државата, во случајот службените возила на СОЗР, поточно да патува од Скопје до Крива Паланка и назад, неколку пати во месецот само за да се шиша кај својот пријател, Мартин Поцевски, кој патем, потоа станува и советник, внимавајте, во Советот на општина Крива Паланка, од редовите на СДС од периодот од 2021 година до 2025 година.

Понатаму, дали е исто така точна информацијата дека фирмата Лариком шпед, во сопственост на братот на Љупчо Николовски, Илија Николовски, имала зголемување од над 1100% приход токму во времето на министерувањето на Љупчо Николовски, кој со своето претпоставувам влијание овозможил преку граничниот премин Деве Баир, пратките да ги презема фирмата на неговиот брат?

Во 2018 година истата компанија имала приходи од 4,3 милиони денари, а во 2019 година приходите се 14,9 милиони денари, што значи дека отприлика за една година има раст од приходите за 10 милиони денари или раст на нето-добивка од 1.130 проценти. Нето-добивката од пола милион денари е зголемена на повеќе од 6 милиони денари.

Еве мене ме интересира и би сакал да дознаам од господинот Николовски како брат на вицепремиер добива зголемување од над 1100% за само една година без некој да има влијание врз истото.

Би му порачал исто така и на Љупчо Николовски да даде одговори на овие прашања, но исто така и на прашањето за тоа дали грантот за фирмата Тргопродукт какде брендот Мамас во сопственост на Заеви е вреден 1,4 милиони евра од ИПАРД програмата е подарок за Заев и Филипче затоа што биле отпишани 2000 тони жито? Истото ова го повикувам и ЈО да го испита, да истражи што се случило со житото, зошто е отпишано, и зошто за да се пополни дупката во стоковите резерви е купено жито во вредност повисока од таа што била на берзите?

До очекување на одговорите од страна на Љупчо Николовски, се гледаме на следното рочиште.

Валентин Манасиевски, портпарол на ВМРО-ДПМНЕ

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Дип Парпл со важна порака од Иан Гилан, откако итно е однесен во болница

„Дип парпл“ објавија важна порака од пејачот Иан Гилан по неговата хоспитализација.

Дип Парпл со важна порака од Иан Гилан, откако итно е однесен во болница

Ја објавуваме целосно.

„Важна порака од Иан Гилан

Драги пријатели,

Ви благодарам за сите ваши желби за добро здравје и поддршка во последните неколку дена, тоа ми значеше сè.

Имав медицински проблем додека бев во Лајпциг, кој бараше итен болнички третман.

Се надевав дека мојот лекар ќе ми даде дозвола да продолжам со турнејата, но ова ќе значеше многу сериозни ризици за мене.

Како резултат на тоа, и по совет на мојот медицински тим и менаџмент, донесовме одлука да го одложиме остатокот од европската/британската турнеја до понатамошно известување.

Многу ми е жал за евентуалните непријатности што ова може да ги предизвика, но тоа е во најдобар интерес на сите.

Ви благодарам за разбирањето.

Со почит,

IG“, се вели во соопштението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп се подготвува за изборен пораз- најавува помилувања на соработниците, меѓу кои е и Маск

Американскиот претседател Доналд Трамп изјави дека е подготвен однапред да ги помилува своите соработници за да ги заштити од евентуално гонење доколку демократите ја преземат контролата врз Конгресот по утрешните конгресни избори. 

Трамп се подготвува за изборен пораз- најавува помилувања на соработниците, меѓу кои е и Маск

Тој исто така рече дека ќе го заштити милијардерот Илон Маск доколку тој биде цел на истраги.

Трамп зборуваше за ова во интервју со новинарката Миранда Девајн за подкастот „Pod Force One“, кој беше објавен денес, еден ден пред среднорочните избори во САД.

Кога беше прашан дали превентивно би помилувал луѓе кои работеле во неговата администрација доколку им се закани со гонење, тој одговори: „Би го направил тоа, доколку е потребно. Секако.“

Кога новинарот дополнително го праша дали би им обезбедил таква заштита на сите свои соработници, Трамп беше уште порешителен.

„Не би ни помислил на тоа. Едноставно би го направил тоа“, рече тој.

Во исто време, Трамп потсети дека по враќањето во Белата куќа, помилувал околу 1.500 луѓе поврзани со нападот врз американскиот Капитол на 6 јануари 2021 година.

Трамп: Ако тргнат по Маск, ќе го заштитиме

Тој конкретно се осврна на Елон Маск, сопственикот на Тесла и СпејсИкс, кој за време на вториот мандат на Трамп учествуваше во работата на американската администрација и ја предводеше иницијативата за намалување на владините трошоци позната како DOGE.

Кога беше прашан за можноста демократите да покренат истраги против Маск или да се обидат да му ги запленат средствата, Трамп одговори дека таквите најави засега се само зборови.

„Ова се само приказни. Но, ако тоа се случи, ќе мора да ги заштитиме“, рече тој.

Во исто време, Трамп ја отфрли можноста за национализација на SpaceX, за која дискутираа некои демократски политичари. Тој го спомена и Едвард Користин, млад соработник кој работеше во проектот DOGE на Маск.

Пред изборите, Маск е еден од најважните финансиски поддржувачи на републиканците. Според „Аксиос“, тој потрошил речиси половина милијарда долари за антидемократски политички активности за време на овој изборен циклус.

Трамп се повикува на помилувањата на Бајден

Трамп, исто така, ја оправда најавената можност за помилување со постапките на неговиот претходник, Џо Бајден. Пред крајот на неговиот мандат, Бајден превентивно помилува членови на своето семејство и неколку лица за кои се плашеше дека би можеле да станат мети на политички мотивиран прогон по враќањето на Трамп на власт.

Меѓу нив беа поранешниот главен американски епидемиолог Ентони Фаучи, пензионираниот генерал Марк Мили и членовите на конгресниот комитет што го истражуваше нападот врз Капитол.

„Тоа е она што го направи Бајден. Тој им даде помилувања на сите“, рече Трамп.

Демократите најавуваат истраги ако го преземат Конгресот

Неговите коментари доаѓаат во време кога демократите се обидуваат да ја преземат контролата врз барем еден дом на Конгресот на изборите на 3 ноември. Доколку успеат, ќе можат да започнат парламентарни истраги за администрацијата на Трамп, да повикаат службеници на сослушувања и да бараат документација за нејзината работа.

Демократскиот претставник Џејми Раскин веќе најави истраги за можна корупција во администрацијата, додека демократската сенаторка Елиса Слоткин зборуваше за потребата од гонење на лица кои олесниле евентуални нелегални дејствија од страна на администрацијата на Трамп.

Сепак, конгресните истраги не се кривични постапки сами по себе. Агенциите за спроведување на законот, а не претставниците во Конгресот, се одговорни за нивно поведување.

Што всушност може да направи Трамп?

Претседателот на Соединетите Американски Држави има широки овластувања за помилување, вклучително и можноста за превентивни помилувања за федерални злосторства што веќе се извршени, дури и кога не се поднесени обвиненија против одредено лице.

Сепак, ваквите помилувања не можат да спречат конгресни истраги, граѓански тужби или гонења според поединечни државни закони. Исто така, изјавата на Трамп не значи дека Маск е обвинет или кривично гонет.

Досега, Трамп не објави план за конкретни помилувања или список на луѓе кои би биле опфатени со нив. Неговите изјави покажуваат дека е подготвен да ги користи претседателските овластувања за да ги заштити своите соработници од евентуално идно гонење.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Продолжува скандалот за доделувањето на Златната топка- организаторите најавуваат тужби

Групацијата „Амаури“, сопственик на дневниот весник „Л'Екип“ и списанието „Франс фудбал“, која ја доделува годишната награда „Златна топка“, планира да поднесе формална тужба. 

Продолжува скандалот за доделувањето на Златната топка- организаторите најавуваат тужби

Групацијата „Амаури“, сопственик на дневниот весник „Л'Екип“ и списанието „Франс фудбал“, која ја доделува годишната награда „Златна топка“, планира да поднесе формална тужба поради наводите за протекување информации и потенцијално лажно обложување поврзано со победата на Хари Кејн од Англија минатиот вторник, објави АФП.

„Интегритетот на „Златната топка“ е апсолутен приоритет“, соопшти групацијата „Амаури“ во соопштение за медиумите испратено до АФП и потврди дека „многу сериозно ги сфаќа наводите за протекување резултати и потенцијално лажно обложување“.

Сомнителни облози

Финансискиот новински портал „Апсајд“ објави во последните денови дека неколку потенцијално сомнителни облози биле поставени на платформата за обложување „Полимаркет“, која нема лиценца за работа во Франција, пред церемонијата минатиот вторник во Лондон.

Според „Апсајд“, само неколку дена пред церемонијата, речиси 265.000 долари биле исплатени преку 12 сметки за кои се верува дека се од исто лице. Редоследот на првите пет кандидати за „Златната топка“ е прецизно предвиден: Хари Кејн, Килијан Мбапе, Ламин Јамал, Родри и Лионел Меси.

„Во тек се проверки за да се утврдат фактите и да се утврди кој би можел да биде одговорен“, објави групацијата Амаури.

Тагови: Златната топка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер