Малото градинарско производство и сушата диктираат цени на зелениот пазар - Канал 5

Македонија

Малото градинарско производство и сушата диктираат цени на зелениот пазар

Сушата и малото градинарско производство, зависноста од увозот и лошата година ги држат високо цените на градинарските култури, констатира агриномот од Прилеп, Филип Димкоски оценувајќи дека не се очекува некое намалување на цените на зелената храна

Малото градинарско производство и сушата диктираат цени на зелениот пазар

-Повеќе фактори влијаат на цените и зошто се тие повисоки. Иако сметам дека не се толку високи колку што се сразмерни на нашето мало производство. Според мене, повеќе од производна, а помалку од еконосмска страна, тие цени нема да имаат големи намалувања во текот на оваа година, зашто сушата предизвика намалено производство и тоа секако ќе влијае на цените. Или ќе останат исти, или можеби ќе одат уште повисоко зашто едноставно, имаме многу мало домашно производство. На тоа го додаваме факторот на увозната зависност што ја имаме и, особено за оваа година, не може да се очекуваат помали цени. А да се смета на поголемо производство, секако, е доцна, вели Димкоски.

Нормални се сушните и врнежливи години. Но, доколку се користат методи кои се органски и поблиски до природата, производителите ќе успеат да направат здраво растение кое ќе се избори со плевелите, со болестите, со штетниците кои неминовно се појавуваат. Особено сега, во ваква сушна година.

-Значи, имаме забавен развој на растенијата, тие не успеваат да ги искористат хранливите материи од почвата, процесите се бавни и со тоа значи дека ќе имаме и помали и закржлавени производи: ќе се одрази и на квалитетот и на кванитетот. Од друга страна, годинава имаме многу инсекти, вели Димкоски.

Агрономот Филип Димкоски смета дека мора да се поттикне малото производство, односно малите производители.

-Со последните измени што се воведуваат, мислам дека, наместо да се поттикне малото производство , некако одат во спротивен правец. Значи, мора да се олеснат законските регулативи, односно да се подобрат и да се унапрерат за малиот производител да биде мотивиран, да може на легален начин да го продаде своето мало производство, а да нема пречки и да не биде загрозен од големитре производители. Ние треба да ги стимулираме зашто нам многу ни фали градинарско производство во државава, а тоа ни е основа во храната, исто како и житните култури. Што значи, законски регулативи и, едноставно, послободен и пофер пазар за малите производители, објаснува прилепскиот агроном Филип Димкоски.

Тагови: пазар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

„Apple“ ја менува долгогодишната традиција: Новиот „iPhone“ добива промена што никој не ја сака

„Apple“ со години избегнуваше да се натпреварува со конкурентите на „Android“ во капацитетот на батеријата, но со доаѓањето на серијата „iPhone 18“, работите драстично се менуваат.

„Apple“ ја менува долгогодишната традиција: Новиот „iPhone“ добива промена што никој не ја сака

Иако неколку месеци не делат од официјалната премиера на новата генерација телефони на „Apple“, веќе циркулираат инсајдерски информации. Според податоците од кинеската регулаторна база на податоци „3C“, објавени од познатиот типстер „Digital Chat Station“, „iPhone 18 Pro Max“ ќе има значително поголема батерија, но затоа ќе биде значително подебел и потежок.

Поради зголемените барања за вештачка интелигенција (Apple Intelligence), компанијата е принудена да ја промени својата филозофија за тенок дизајн. Новиот „iPhone 18 Pro Max“ наводно доаѓа со масивна батерија со капацитет од дури 5.567 mAh (во eSIM верзијата). За споредба, претходниот „iPhone 17 Pro Max“ имаше батерија од 5.088 mAh. Помалиот „iPhone 18 Pro“ исто така ќе добие сериозно подобрување, чиј капацитет се зголемува на 4.288 mAh.

Отстранувањето на слотот за физичка SIM картичка ослободува вреден простор во куќиштето за дополнителни милиампер-часови. Кога овој хардверски скок ќе се комбинира со новата генерација енергетски ефикасни чипови „A20 Pro“ (направени на 2nm процес), аналитичарите предвидуваат дека „iPhone 18 Pro Max“ би можел да понуди најдобра автономија во историјата на паметните телефони, што би можело да им конкурира на „Android“ телефоните со батерии од дури 7.000 mAh.

Фото: ВИ

Извор: Б92

Тагови: Apple

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер