Малиот пазар, немањето континуитет и стандарден квалитет – клучни болки на македонскиот аграр - Канал 5

Македонија

Малиот пазар, немањето континуитет и стандарден квалитет – клучни болки на македонскиот аграр

Македонскиот пазар на земјоделски производи е мал, со неповолна, неизбалансирана структура и слаб извозен потенцијал. 

Малиот пазар, немањето континуитет и стандарден квалитет – клучни болки на македонскиот аграр

Соочен со силна конкуренција од надвор, се уште не успева да испорача континуитет и стандарден квалитет. Ситните парцели до два хектара, непочитувањето на договорите меѓу производителите и откупувачите, како и минималниот ефект од задругарството, остануваат клучна системска слабост.

Како што беше речено на денешната Прва сесија на Работната група за земјоделство од Националната конвенција за ЕУ во земјава, почнатите реформи ќе мора да се спроведат ако сакаме да бидеме дел од европското семејство.

-Маркетите бараат континуирано производство со стандарден квалитет и соодветна структура, но ние тоа се уште не можеме да го постигнеме. Има сектори, како овоштарството, градинарството и лозарството кои постојано продуцираат вишоци, а други, како сточарството или производството на пченица, не ги покриваат ниту домашните потреби, истакна професорот Драги Димитриевски од Факултетот за земјоделски науки и храна.

Според него, клучна болка остануваат малите, расцепкани имоти на кои отпаѓаат преку 70 проценти од земјоделските стопанства, а здружувањето на производителите до денес речиси нема никаков ефект па во такви услови тие секогаш ќе бидат во подредена положба на пазарот и под притисок на откупувачите.

– Нашиот пазар е релативно отворен и либерализиран, а тоа создава дополнителен проблем. Во околните земји со слична производна структура, се градат сериозни капацитети кои овозможуваат поран пласман и продажба со пониски трошоци што практично, создава силна конкуренција која значи удар за македонското земјоделство, потенцира професорот.

Министерот за земјоделство Трајан Димковски рече дека Владата вложува огромни напори да го заштити пазарот на земјоделски производи од нарушувањата што ги предизвикуваат флуктуацијата на цените и нелојалната конкуренција.

– Имајќи предвид дека преструктуирањето на секторот е една од клучните стратегиски цели до 2020 година, а почна со создавање институционална, правна и политичка средина за преструктурираните политики, подвлече Димковски.

Според Виера Баричичова од Министерството за земјоделство на Република Словачка, земјава треба да размисли што сака за да не ги прави истите грешки низ кои поминале претходните држави кандидати за членство во ЕУ.

– Многу е важно да постои целосно менаџирање на фармите, да се има јасна слика за следење на финансиите и производството, да бидат воспоставен менаџмент и мониторинг на состојбите, како и да има аналитички информации и силни истражувања направени во вистинско време, порача Баричичова.

Работната група за земјоделство од Националната конвенција досега одржа шест сесии за витални сегменти од македонското земјоделство и креираше преку 60 препораки. Денешната сесија беше на тема: „Уредување на земјоделските пазари"./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишено лице во Радовиш, при претрес пронајдена марихуана

По целосно документирање на случајот, ќе биде поднесена соодветна пријава.

Лишено лице во Радовиш, при претрес пронајдена марихуана

Вчера (11.09.2026) во 19:00 часот, полициски службеници го лишиле од слобода Х.А.(28) од Радовиш, поради постоење основано сомнение за сторени кривични дела „неовластено производство и пуштање во промет на наркотични дроги, психотропни супстанции и прекурсори“ по член 215 и „овозможување на употреба на наркотични дроги, психотропни супстанции и прекурсори“ по член 216 од Кривичниот законик.

Врз основа на наредба од Основниот суд Радовиш, извршен е претрес во домот и други простории што ги користи лицето во Радовиш, при што била пронајдена марихуана.

По целосно документирање на случајот, ќе биде поднесена соодветна пријава.

Тагови: марихуана

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Технологија

Пристигнува долгоочекувана функција за „Windows 11“

Наскоро ќе можете да го видите статусот на батеријата на сите поврзани уреди директно на заклучениот екран и на таблата со виџети (Widgets Board).

Пристигнува долгоочекувана функција за „Windows 11“

Се чини дека „Microsoft“ работи на нов, корисен виџет за „Windows 11“ кој ќе го прикажува статусот на батеријата на вашиот уред, како и на сите безжични периферни уреди поврзани со вашиот компјутер. Спомнувања за овој виџет првпат беа забележани на „Discord“, во најновите пробни верзии (preview builds) на „Windows 11“, иако сè уште не изгледа дека е целосно функционален.

Новиот виџет за батерија ќе биде достапен на таблата со виџети во „Windows 11“, а ќе може да се постави и на самиот заклучен екран. Иако сè уште не е во функција, кодот и графичките елементи се веќе присутни во најновите верзии на системот, откривајќи како ќе функционира виџетот и како всушност ќе изгледа.

Виџетот поддржува и светли и темни режими на приказ и ќе ги прикажува уредите во вертикална листа, почнувајќи со батеријата на вашиот компјутер на самиот врв. Секој уред ќе има соодветна икона, заедно со неговото име и процентот на наполнетост на батеријата. Дополнително, виџетот ќе покажува кога уредот се полни и дали е вклучен или исклучен режимот за заштеда на енергија.

Се разбира, другите платформи со години имаат некаква форма на виџет за батерија. И „Android“ и „iOS“ имаат виџети што го прикажуваат нивото на батеријата за поврзаните додатоци, а „Windows 11“ сега го надополнува тој јаз со воведување на истата функционалност.

Новиот виџет за батерија ќе биде добредојдено дополнување на таблата со виџети – функција која многумина ја сметаа за главно бескорисна уште од нејзиното воведување во 2021 година. Иако некои апликации ја искористија, повеќето од нив не го сторија тоа.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

„Безбедни училишта“ и „Полицијата и учениците се дружат“ – превентивна активност на ОВР Македонски Брод

Во рамки на активноста, на учениците им беа поделени и едукативни материјали со содржини насочени кон подигнување на нивната свест за безбедно учество во сообраќајот.

„Безбедни училишта“ и „Полицијата и учениците се дружат“ – превентивна активност на ОВР Македонски Брод

Со почетокот на новата учебна година, полициски службеници од ОВР Македонски Брод вчера (11.09.2026) во основното училиште „Св. Климент Охридски“ во Македонски Брод и во основното училиште „Кемал Ататурк“ во село Пласница реализираа превентивна активност во рамки на проектите „Безбедни училишта“ и „Полицијата и учениците се дружат“.

Во непосредна комуникација со учениците, полициските службеници ги запознаа со основните правила и прописи во сообраќајот, со посебен акцент на безбедното движење на релација од домот до училиштето и обратно.

Во рамки на активноста, на учениците им беа поделени и едукативни материјали со содржини насочени кон подигнување на нивната свест за безбедно учество во сообраќајот.

Тагови: Македонски Брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер