Малиот Ноа се удавил на прославата на својот прв роденден- тргнал да ја бара мајка си и исчезнал - Канал 5

Судбина

Малиот Ноа се удавил на прославата на својот прв роденден- тргнал да ја бара мајка си и исчезнал

Момчето Ноа Габриел да Силва Гимараес од Бразил се удавил во базен додека го прославуваl својот прв роденден.

Малиот Ноа се удавил на прославата на својот прв роденден- тргнал да ја бара мајка си и исчезнал

По страшната трагедија, полицијата покрена истрага за неговата смрт.

Телото на момчето кое плутало во водата го пронашла неговата стрина. Таа веднаш го повлекла момчето за рака и го извлекла од водата, објави Мирор.

Еден од гостите на прославата се обидел да го реанимира момчето, а тие веднаш повикале брза помош.

Ноа веднаш бил пренесен во локалната болница со брза помош. Лекарите дале сѐ од себе да му го спасат животот, но за жал можеле само да констатираат смрт.

Полицајците ја опколија областа и рекоа дека силниот дожд ја урнал надворешната тенда, што пак ја намалило видливоста на другите делови од имотот.

Тие рекоа дека луѓето во салата каде се одржувала забавата не можеле да го видат базенот.

По трагедијата родителите биле сослушани во полиција каде детално опишале што се случило кобниот ден.

По роденденската прослава, родителите почнале да ги симнуваат украсите од салата. Ноа седел во скутот на својот татко, но во еден момент станал и тргнал кон мајка си.

Се верува дека во тој момент отишол кон базенот. Набргу потоа, стрина му го нашла како лебди во водата.

По трагедијата, полицијата започнала истрага за да ги испита сите околности на немилиот настан, а повеќе детали ќе бидат познати кога ќе пристигнат резултатите од обдукцијата.

Тагови: прославата роденден

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер