Свет

Малиот Габриел тргнал на училиште, но никогаш не стигнал таму, го однел порој

Мајка од Кентаки остана со скршено срце откако нејзиниот деветгодишен син почина кога беше однесен од поплави.

Малиот Габриел (9), синот на Рејчел Ендрјус, во петокот наутро одел до автобуската постојка кога го однел порој откако обилните дождови ја зафатиле областа.

Габриел, кој само три дена претходно го прославил својот 9-ти роденден, излегол од куќата околу 6.35 часот, но никогаш не стигнал на училиште.

„Тој ден ни требаше да има училиште“, вели неговата неутешна мајка.

Околу 8 часот и 35 минути телото на Габриел било пронајдено на околу километар од местото каде што исчезнал.

Соседите на момчето ја опишале автобуската рута по која одат децата, а многу деца кои живеат во станбениот блок мораат да прескокнат преку одвод за да стигнат до автобусот, објави Си-Ен-Ен.

Габриел бил меѓу најмалку 19-те загинати во неколку сојузни држави откако бранот смртоносни бури го зафати централниот дел на САД, предизвикувајќи десетици торнада и катастрофални поплави.

Во моментот на смртта на Габриел, Кентаки беше во вонредна состојба неколку дена поради лошите временски услови. Франкфорт е особено подложен на поплави поради надојдената река Кентаки што минува низ него.

Додека некои жители велат дека смртта на Габриел била трагична несреќа за која никој не бил виновен, некои родители ја обвинуваат училишната област за неодложување или откажување на наставата во петокот - и покрај широкото предупредување за поплави и фактот што областа веќе откажала две линии со училишни автобуси претходно тоа утро.

Сепак, училишната област со околу 6.000 ученици објавиле објава во која ги отфрла гласините дека училиштата се затворени и потврдува дека ниту едно училиште не е затворено во петокот.

„Сите училишта работат нормално и нема затворања во областа“, се вели во известувањето.

Окружниот судски лекар не ја објавил причината за смртта на Габриел. Неговите резултати од обдукцијата се очекуваат за околу 16 до 20 недели.

Гувернерот на Кентаки, како и училиштето, изразија сочувство до семејството на Габриел.

Тагови: порој училиште

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Денеска нови цени на нафтените деривати

Регуалаторната комисија за енергетика денеска треба да донесе нова одлука за малопродажните цени на горивата.

Со претходната одлука бензините поскапеа за 4,5 денари, а дизелот поскапи за 6,5 денари по литар. Во последната пресметка на регулаторна продолжена беше и примената на намелените акцизи и тоа за 2 денари кај бенизните и за 4 денари по литар кај дизелот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Новак Ѓоковиќ и Арина Сабаленка ги добија своите противници на Ју-Ес Опен

Најтрофејниот свтески тенисер во историјата Новак Ѓоковиќ и најдобрата светска тенисерка Арина Сабаленка ќе се соочат со Френсис Тиафо и Лејла Фернандез во осминафиналето на Грен слемот во Њујорк, УС Опен во конкуренција на мешани двојки.

Ќе видиме како домашната публика ќе реагира на мечот против северноамериканскиот пар и кого ќе го поддржува, а според моменталната ситуација, натпреварот е закажан за утре, 25 август.

Во евентуалното четвртфинале, ги очекуваат победниците од дуелот меѓу брачниот пар Гаел Монфис и Елина Свитолина, односно Алекс Ил и Феликс Оже-Алијасим.

И Александра Круниќ би можела да се најде во главната ждрепка доколку таа и Мате Павиќ ги победат Пејтон Стернс и Кристијан Харисон.

Меѓу поинтересните парови во главната ждрепка се Карлос Алкараз и Серена Вилијамс, кои ги очекуваат своите противници од квалификациите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВРЕДИ: Груби пред правдата, „пеењето“ на Бујар даде резултат…

Денес „пеењето“ на Бујар Османи добива поинакво значење: Артан Груби е пред правдата, а Бујар сè уште го чека моментот да направи чекор кон лидерската позиција во ДУИ.

Со месеци Бујар молчи за Груби, иако некогаш двајцата беа на врвот на ДУИ. Денес се однесува како никогаш да немале заедничка политичка историја.

Наместо мандатот како министер за надворешни работи да го користи во интерес на државата, Бујар го искористи и за своите внатрепартиски пресметки во ДУИ, „пеејќи“ де ваму де таму и правејќи сметки за преземање на раководството на ДУИ.

Денес сценариото станува сè појасно: Груби пред судот, Али Ахмети под притисок, а Бујар ја чека фотелјата на претседателот на ДУИ.

Но, прашањето е едноставно: зошто Бујар молчеше за Груби кога беа заедно на врвот на ДУИ? Што знае тој за оваа приказна и зошто денес се однесува како Груби никогаш да не постоел?

Зашто во политиката, понекогаш не е важно само кој зборува, туку и зошто досега молчел.

Ако „пеењето“ на Бујар било за правда, нека го каже тоа отворено. Ако било за власт и за фотелјата на Али Ахмети, тоа веќе сите го разбираат.

Груби нека одговара пред правдата. Бујар нека им одговори на граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.