„За време на континуираниот процес на следење и контрола на сомнителни движења за шверц на гориво во Оманскиот Залив, службениците прегледаа странски танкер поради недостаток на соодветни документи за неговиот товар и го запленија под обвинение за транспорт на два милиони литри шверцувано гориво“, се наведува во соопштението на судските власти, цитирано од полуофицијалната иранска агенција Мехр.

Во соопштението се додава дека 17 членови на екипажот на танкерот се уапсени и дека е отворен случај.

Нема непосредни информации за името на танкерот или кое знаме го пловеше, забележувата британските медиуми.

Иран, каде што цените на горивата се меѓу најниските во светот поради дарежливите субвенции и остриот пад на вредноста на националната валута, се обидува да се справи со широко распространетиот шверц на гориво по копно до соседните земји и по море до арапските земји.

„Дејствата на шверцерите на гориво, кои во координација со странци се обидуваат да го ограбат националното богатство, нема да останат скриени од судството, а казните за сторителите, доколку се докажат нивните злосторства, ќе бидат немилосрдни“, се наведува во соопштението на судот.

Во рамките на активностите за модернизација на платниот систем и за поттикнување на електронските плаќања, Советот на Народната банка на седница донесе одлука за целосно нов модел за тарифирање на банките за извршување и порамнување на плаќањата во Македонскиот интербанкарски платен систем.

Моделот, како што информираат од Народната банка, се заснова на принципите и практиките на централните банки во евросистемот за фиксни и предвидливи надоместоци според обемот на трансакциите, со што, велат, се создава простор за поедноставување и намалување на надоместоците што банките ги наплаќаат од клиентите за извршување на електронските плаќања преку платните системи во земјата.

-Воедно, Советот на Народната банка воведе тарифа за плаќањата на државните органи во евра со земјите од СЕПА во фиксен износ од 3 евра по трансакција за електронски иницираните налози и 5 евра за налозите иницирани на хартија. Ниските и фиксни надоместоци по трансакција, во споредба со варијабилните надоместоци во зависност од износот на трансакцијата коишто ги налагаат сложените кореспондентски аранжмани со странските банки, ќе доведат до значителна заштеда за државата при извршувањето на плаќањата на државните органи со европските земји, се вели во денешното соопштение од Народната банка.

Одлуката, донесена на вчерашата седница, велат од Банката, се носи во контекст на приклучувањето на нашата земја кон СЕПА и фазата на усогласување со европските стандарди којашто е во тек, а со која се создава основа за пошироко намалување на трошоците за прекуграничните плаќања во евра, како од страна на Народната банка за државните органи, така и од страна на банките за своите клиенти.

-Народната банка и натаму активно ќе работи на поедноставувањето и намалувањето на трошоците за плаќањата во земјава и кон земјите од СЕПА со крајна цел ‒ подобра услуга за граѓаните и поволна деловна средина за компаниите, нагласуваат од Народната банка.

На истата седница Советот на Народната банка го усвоил и Извештајот за ризиците во банкарскиот сектор за првиот квартал од 2025 година.

-Во услови на стабилен раст на економската активност, благо забрзана инфлација и зголемена неизвесност од надворешното окружување, банкарскиот сектор ja задржа стабилноста. Кредитната и депозитната активност бележат солиден годишен раст, а показателите за солвентноста, ликвидноста и квалитетот на кредитното портфолио и натаму се поволни. Растот на добивката на банкарскиот систем забавува во однос на истиот период лани, главно поради намалените каматни приходи. Народната банка и натаму ќе биде претпазлива во политиките, имајќи ги предвид светските ризици и ќе биде посветена на одржувањето на стабилноста на банкарскиот систем, велат од Народната банка.

Советот на Народната банка ја усвоил и Одлуката за воведување нов систем за прибирање и доставување податоци од банките и штедилниците. Новиот систем ИСИДОРА ќе овозможи пообемни и поквалитетни податоци за монетарната статистика, супервизијата и финансиската стабилност, усогласени со европските и меѓународните стандарди. Со фазна примена, системот ќе ја замени досегашната практика и ќе придонесе за поефикасно, пофлексибилно и поедноставно известување.

– Или Европа ќе почне да има големи семејства, или ќе продолжи да изумира – напиша Маск покрај мапата.

На мапата се прикажани европските земји и бројките според очекуваниот број на деца по семејство. Се вели дека стапката под едно дете е „исклучително ниска“, до едно дете е „ниска“, до 1,5 деца е „недоволна стапка“, до 1,9 деца е „блиску до стапката на замена“, а повеќе од 2,1 дете е „над стапката на замена“.

Можеби ќе ве интересира:

Маск се подбива со Трамп за случајот Епстајн: Каде е ветената листа на клиенти?

Бројки што откриваат кога би можел да се случи колапс на ЕУ поради нискиот наталитет

И како што може да се види на мапата, голем дел од Европа е „во црвено“, а Украина се издвојува со најлоша состојба, каде очекуваниот број на деца по семејство е 1,0.

Во западниот дел на Стариот континент, Франција се истакнува со стапка од 1,63, што е една од најдобрите статистики во Европа.

Балканот над просекот во Европа

Балканот исто така се издвојува, каде што поголемиот дел од земјите имаат стапка од 1,5 или повеќе.

Босна и Херцеговина е во средината со 1,58, Србија (1,61), а Црна Гора (1,79).

Малку послаба е Албанија со стапка на наталитет од 1,38 деца по семејство и се наоѓа во црвената зона. Но, „апсолутен европски рекордер“, според мапата, се смета Косово, кое има повисока стапка (1,9).

Можеби ќе ве интересира: Македонија во длабока демографска старост

Иако нашите соседи имаат нешто подобар процент од нас, Македонија е во црвеното, и тоа со (1,48). Покрај овие, Молдавија има (1,66), а Бугарија (1,72) исто така имаат стапки над „црвеното“ ниво.

Од друга страна, освен Украина, Шпанија (1,12), Литванија (1,13) и Естонија (1,17) се „на дното на европската листа“, пренесува Бизпортал.

Europe will cease to exist soon. We need to bring back having HUGE families. pic.twitter.com/86OeFNkFVA

— Giga Based Dad (@GigaBasedDad) July 14, 2025