Макрон ова го изјавил за време на денешната официјална посета на четворицата лидери на Украина.
„Сите четворица (Франција, Германија, Италија и Романија) го поддржуваме статусот на непосредна кандидатура за членство. Овој статус ќе биде проследен со патоказ и исто така ќе имплицира дека се зема предвид ситуацијата на Западен Балкан и соседството, особено на Молдавија“, му рекол Макрон на Зеленски.
„Европа е покрај вас, така ќе остане се додека е потребно, додека не се постигне победата, победа во која ќе се врати мирот во слободна и независна Украина“, додаде Макрон.
Макрон, исто така, рече дека актуелната глобална криза со храна е „директна последица на војната што ја води Русија“ и ја повика Русија „да прифати Обединетите нации да организираат извоз на житарките, што бара укинување на руската блокада и да ги обезбеди сите безбедносни гаранции за Украина да дозволи излез на овие житни култури на украинските пристаништа“, објави Си-Ен-Ен.