Макрон бара жесток одговор кон Трамп: Да му вратиме со она што го смисливме за Кина - Канал 5

Свет

Макрон бара жесток одговор кон Трамп: Да му вратиме со она што го смисливме за Кина

Францускиот претседател Емануел Макрон ги повика европските компании да ги запрат новите инвестиции во Соединетите држави, како одговор на царините од 20 отсто наметнати од претседателот Доналд Трамп за извозот од Европската унија.

Макрон бара жесток одговор кон Трамп: Да му вратиме со она што го смисливме за Кина

„Важно е идните инвестиции, вклучително и оние најавените во последните недели, да бидат привремено замрзнати додека не ја разјасниме ситуацијата со САД“, рече Макрон денеска на состанокот со претставниците на најпогодените сектори во Елисејската палата, објави АП.

„Каква порака испраќаме ако европските компании во овој момент инвестираат милијарди евра во американската економија, а во исто време воведуваат царини? додаде тој, повикувајќи на „колективна солидарност“.

Предупредување до француските милијардери

Апелот на Макрон доаѓа во време кога одредени француски компании најавуваат огромни инвестиции во САД, што Париз го протолкува како опасна порака.

Трамп претходно овој месец објави дека францускиот бродски гигант CMA CGM планира да инвестира 20 милијарди евра во САД, а Бернард Арно, сопственик на корпорацијата LVMA и најбогат човек во Европа, во јануари изјави дека размислува за дополнителни инвестиции и ја пофали економската политика на Трамп.

Макрон рече дека царините од 20 отсто на Трамп за целиот извоз на ЕУ во САД покажуваат дека Франција е во право што бара построга трговска политика и посилни одбранбени механизми.

„Сите алатки се на маса“

Макрон го повика Брисел дополнително да го зајакне европскиот одговор. Покрај сопствените царини, таа предложи активирање на нов механизам за заштита од економски притисок, таканаречен инструмент против принуда, кој првично беше дизајниран за односите со Кина, но сега може да биде насочен и кон САД.

Тој, исто така, ја навести можноста за акција против американските технолошки гиганти, велејќи: „Ништо не е надвор од масата, сите алатки се на маса“. Макрон заклучи велејќи дека Европската унија не смее да биде наивна: „Ќе се заштитиме“.

Каков инструмент против принуда е тоа?

Инструментот против принуда (АЦИ) е правна рамка воспоставена од Европската унија за да се спротивстави на ситуациите во кои трети земји се обидуваат да извршат притисок врз ЕУ или нејзините земји-членки со примена или закана дека ќе применат мерки кои влијаат на трговијата или инвестициите.

Ваквите практики се мешаат во суверените одлуки на ЕУ и нејзините земји-членки и го нарушуваат меѓународниот трговски биланс.

ACI ѝ овозможува на ЕУ да одговори на економските закани преку низа мерки, вклучително и воведување ограничувања за увоз и извоз на стоки и услуги, интелектуална сопственост и странски директни инвестиции. Иако ACI не е специфичен за земјата, неговото формирање беше делумно мотивирано од претходните искуства со економската принуда, особено она на Кина.

Пример за таква принуда ги вклучува кинеските трговски ограничувања со Литванија откако Вилнус му дозволи на Тајван да отвори претставништво под негово име, што предизвика тензии во односите меѓу ЕУ и Кина.

Со воведувањето на ACI, ЕУ се обидува да обезбеди механизам за одвраќање и одговор на економската принуда, со што ќе ги заштити своите интереси и суверенитетот на своите членки во глобалната трговска средина.

Тагови: Доналд Трамп Макрон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претседателот на СДСМ Филипче упати честитки по големата победа во Србија

Претседателот на СДСМ, проф д-р Венко Филипче упати честитки до граѓаните на Србија по големата победа на изборите. 

Претседателот на СДСМ Филипче упати честитки по големата победа во Србија

„Честитки до граѓаните на Србија за големата, историска победа!

Како што најавивме, следува ослободување од криминалните структури на власта. Падна Орбан. Падна Вучиќ. Сите знаеме кој е следен.

Очекувам Србија и Македонија да градат најдобри можни односи, засновани на меѓусебно почитување и соработка.

На граѓаните на Македонија им порачувам дека нè чека борба, ни малку лесна, затоа што се бориме против остатокот од оваа криминална балканска група. “ стои во честитката на претседателот на СДСМ, Венко Филипче.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Студентите ја прославија победата во центарот на Белград

Веднаш по прогласувањето на победата, во центарот на Белград почна славењето, кое траење до доцна во ноќта. Таму беше и екипата на Канал 5 – новинарот Михаило Донев и снимателот Зоран Блажевски.

Студентите ја прославија победата во центарот на Белград

Каква беше синоќа атмосферата на улиците во главниот град на Србија и како е утринава се разотиде ли народот од улиците?

Целосниот извештај погледнете го во видеото.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

На граничните премини од македонска страна нема подолги задржувања за влез и излез од државата.

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 10:00 часот на 13.10.2026 на патниот правец А1 делница Прилеп – Кавадарци во делот Беловодица –Тројаци се воведува времен режим на сообраќај со наизменично пропуштање на возилата заради градежни активности и ќе биде во сила се до завршување на истите.

Од 30.09.2026 г. се изведуваат градежни активности на Државен пат А2 делница Гостивар – Кичево, конкретно на мост бр. 63 Мост на река Тајмишка. За таа цел се применува времен режим на сообраќај и ќе трае додека не се завршат предвидените градежни работи согласно договорот за санација.

Градежен институт Македонија известува дека од 29.09.2026год. се воведува времен режим на сообраќајот на регионален пат Р1201, делница Струга – Дебар при реконструкција на инекциона завеса на брана „Глобочица“. Времениот режим на сообраќај ќе се изведува согласно одобрен основен сообраќаен проект. Времетраењето на времената измена на режимот на сообраќајот ќе биде се до завршувањето на активностите.

МИСА МГ ДОО известува дека од 24.09.2026год. до 15.04.2027год. се воспоставува времен режим за сообраќај на државниот пат А1 делница Гевгелија – ГП Богородица односно од исклучувањето за Гевгелија до ГП Богородица, автопатот ќе биде затворен за сообраќај и истиот ќе се пренасочува на спротивната страна на автопатот, т.е. од ГП Богородица кон Скопје собраќајот ќе се одвива во две насоки. Исто така и на клучката на Гевгелија сообраќајот ќе се одвива под времен режим.

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На патниот правец ГП Блаце – Скопје се изведуваат градежни активности на неколку делници. Поставена е соодветна сообраќајна сигнализација и соорбаќајот се одвива според одобрен времен режим.

На патниот правец Кичево – Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер