Македонските ученици вицешампиони на Европскиот квиз на пари – свечено одбележан успехот во МБА - Канал 5

Македонските ученици вицешампиони на Европскиот квиз на пари – свечено одбележан успехот во МБА

Финалето на овој престижен натпревар за финансиска писменост се одржа на 23 мај 2025 година во Брисел, Белгија, во организација на Европската банкарска федерација.

Македонските ученици вицешампиони на Европскиот квиз на пари – свечено одбележан успехот во МБА

Денес, во просториите на Македонската банкарска асоцијација (МБА), се одржа свечен настан по повод освоеното второ место на Европскиот квиз на пари од страна на македонскиот тим, составен од учениците Марин Христоски и Алексеј Мицкоски од ООУ „Кире Гавриловски – Јане“ од Прилеп, под менторство на наставничката Соња Јорданоска.

Финалето на овој престижен натпревар за финансиска писменост се одржа на 23 мај 2025 година во Брисел, Белгија, во организација на Европската банкарска федерација.

Настанот го отвори д-р Маја Стевкова-Штериева, претседателка на Македонската банкарска асоцијација, а на присутните им се обратија и д-р Трајко Славески, гувернер на Народната банка, м-р Бујаре Абази, претседателка на Комисијата за хартии од вредност, и д-р Весна Јаневска, министерка за образование и наука.

Во своето обраќање, претседателката на МБА, д-р Стевкова-Штериева, го истакна значењето на успехот како извор на мотивација и национална гордост:

„Ова признание нека биде поттик и за други ученици да се охрабрат, да учат, да истражуваат и да сонуваат. Зашто образованието е клучот што ги отвора сите врати – и во личниот и во професионалниот живот. Вашиот успех не е само ваш личен успех. Тој е успех и на вашите наставници, вашите семејства, училиштето, и на сите нас кои веруваме во вредноста на знаењето и вложувањето во младите.“ – изјави Стевкова-Штериева.

Гувернерот на Народната банка, д-р Трајко Славески, во своето обраќање истакна дека постојаната надградба на знаењата на младите, вклучително и во областа на финансиите, е најдобрата инвестиција за стабилна и одговорна иднина на секое општество. Народната банка постојано настојува преку разни едукативни активности да ја зголеми свесноста кај младите за важноста на финансиската писменост. „Првата национална Стратегија за финансиска едукација и финансиска инклузија, донесена од страна на Народната банка и другите финансиски регулатори, предвидува и активности за поголема застапеност на финансиската едукација во формалното образование, за што соработката и поддршката од надлежното министерство ќе биде од огромно значење“, потенцираше гувернерот Славески.

Претседателката на Комисијата за хартии од вредност м-р Бујаре Абази рече: ,,Овој проект е дел од поширока мисија – да ги поттикнеме младите да станат финансиски писмени, одговорни и самоуверени во носењето одлуки што се однесуваат на нивните пари и иднина. Денес квиз, утре живот. Живееме во свет на безброј информации, финансиите се се покомплексни, а дигиталните технологии секојдневно го менуваат начинот на кој ги користиме ресурсите, затоа како регулатор на пазарот на хартии од вредност, нашата улога ја гледаме не само во надзорот, туку и во едукацијата. Нашиот интерес е да имаме кадри кои ги разбираат финансиските услуги што ги користиме и на тој начин да не влегуваат во непотребни ризици, а истовремено се избегнуваат и се минимизираат последиците, со што креираме постабилен финансиски систем. Финансиската писменост и квалификуваната работна сила во денешно време се сметаат за особено ретки ресурси и се основен предуслов за создавање на ефикасни и конкурентски ориентирани финансиски пазари,, заврши м-р Бујаре.

Министерката за образование и наука проф. д-р Весна Јаневска рече дека второто место меѓу тимови од 30 држави е многу високо достигнување и потврда дека македонските ученици добро ги познаваат економските процеси, имаат одлични знаења за управување со парите, планирање на буџетот и правење финансиски инвестиции.

„Министерството се заложува да ја подигне финансиската писменост меѓу сите млади и затоа ќе ја продлабочиме соработка со финансиските институции како Народната банка, Македонската банкарска асоцијација, Комисијата за хартии од вредност и така натаму и заеднички ќе го обликуваме моделот преку кој уште поефективно, финансиски ќе ги едуцираме новите генерации“, рече Јаневска.

Додаде дека Министерството и Владата веќе ги зголемија средствата за поддршка на талентираните ученици, за да можат без било какви грижи, во иднина да учествуваат на големи меѓународни олимпијади.

На свеченоста земаа збор и самите европски вицешампиони, на кои им беа доделени признанија и подароци. Награди беа доделени и на второ- и третопласираните екипи од националниот натпревар:

- Ана Грбиќ и Мила Игњатовска од СЕПУГС „Васил Антевски-Дрен“ од Скопје, под менторство на професорката Билјана Ниновска,

- Катја Ивановска и Никифор Кискоски од ООУ „Љубен Лапе“ – Аеродром, Скопје, под менторство на наставничката Андријана Савеска.

Овогодинешниот Европски квиз на пари забележа рекорден одѕив – над 73.000 ученици од 2.877 училишта учествуваа на националните натпревари во 30 европски земји. Финалето, кое траеше два дена и вклучуваше активности за вмрежување на младите, собра 60 финалисти. Тимот од Италија го освои првото место, додека третото место ѝ припадна на Шведска.

Македонската банкарска асоцијација, во соработка со Народната банка и Комисијата за хартии од вредност, со поддршка од Министерството за образование и наука, останува посветена на унапредувањето на финансиската писменост како клучен елемент во подготовката на младите за активно и одговорно учество во економијата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поднесено обвинение за злоупотреби против полициски службеници од Велес за случајот на Росица Коцева

Тие не постапувале соодветно по пријавите на оштетената за семејно насилство.

Поднесено обвинение за злоупотреби против полициски службеници од Велес за случајот на Росица Коцева

Основното јавно обвинителство за гонење на организиран криминал и корупција денеска поднесе обвинение против девет полициски службеници од Велес за сторени кривични дела – Злоупотреба на службената положба и овластување од член 353 став 1 и Неизвршување на судска одлука од член 377 став 5 од Кривичниот законик.

Јавен обвинител од Специјализираното одделение за гонење кривични дела сторени од лица со полициски овластувања и припадници на затворската полиција презеде опсежни истражни дејствија со кои утврди дека обвинетите, во временскиот период од 21.02.2025 до 15.09.2025 година, со неизвршување на својата службена должност, потешко го повредиле правата на оштетената сега почината Росица Коцева, повредувајќи го нејзиното уставно загарантираното право на живот, како и правата предвидени со чл.2 и чл.3 од Европската конвенција за човекови права.

Тие не постапувале соодветно по пријавите на оштетената за семејно насилство, непочитувајќи ги одредбите од Законот за спречување и заштита од насилство врз жените и семејно насилство, Правилникот за начинот за процена на ризик од сериозна опасност по животот и физичкиот и психичкиот интегритет на жртвата и членовите од нејзиното семејство и на ризикот од повторување на насилството, Правилникот за вршење на полициските работи и Законот за полиција.

Во услови кога биле изречени судски мерки за заштита на жртвата од семејно насилство, тие не постапувале по итните мерки за заштита. Исто така, дел од обвинетите прземајќи дејствија по пријава на оштетената, постапувајќи спротивно на изричните одредби од Законот за полиција, не го известиле надлежниот јавен обвинител за да добијат понатамошни насоки за постапување, а доказите ги чувале во просториите на ООК-ОКП Велес без да поведат никаква постапка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Грчката полиција потврди: Македонските служби го имаа главниот товар во истрагата за иранската мрежа

Преку добра соработка со безбедносните служби на Македонија,  спречена е незаконска активност на територијата на Грција, посочи портпаролката на грчката полиција – Костандија Димоглиду .

Грчката полиција потврди: Македонските служби го имаа главниот товар во истрагата за иранската мрежа

Преку добра соработка со безбедносните служби на Македонија, спречена е незаконска активност на територијата на Грција, посочи портпаролката на грчката полиција – Костандија Димоглиду за случајот во кој иранска прокси-мрежа се сомничи за подготовка на атентат врз одредено лице или терористички напад во Грција, а беше разоткриена од Агенцијата за национална безбедност и МВР.

Како што потенцираше Димоглиду, истрагата, вклучително и со откриените докази во Македонија, ќе разјасни дали станува збор за атентат или пак планиран терористички чин. Идентитетот на целта на атентатот засега не го откриваат ни грчката Национална разузнавачка служба а ниту АНБ.

Во меѓувреме, грчките медиуми повикувајќи се на свои извори објавуваат претпоставки за кој би можело да станува збор. Сценаријата кои преовладуваат се - грчки бизнисмен со еврејско потекло, Израелец кој работи во компанија од големи размери во Грција, или пак лице кое работело за израелски интереси во Грција.

Како што вчера обелоденија од МВР четворица македонски државјани кои дејствувале на подрачјето на Скопје и Куманово, се уапсени под сомнение за соработка со иранските разузнавачки структури преку врски со иранскиот државјанин Едрис Јахангири Маванех.

Уште еден осомничен е уапсен во Грција, а по шестиот се трага. Како што пишуваат грчките медиуми, едно од уапсените лица е 30 годишен маж, прогласен за непожелен во Грција по основ на националната безбедност, а кој што со македонски регистарски таблички на крајот на октомври се обидел да ја напушти Грција и да влезе во Турција на копнената граница во Еврос.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Аферата за притисоците на бугарските тајни служби врз Михаилова доби ново продолжение

„ Дигни ми, затоа што сите ќе умреме уште оваа вечер“ – оваа е пораката која Ива Михаилова, по десетина повици едно-подруго му ја испратила на јутјуберот Станислав Цанов

Аферата за притисоците на бугарските тајни служби врз Михаилова доби ново продолжение

„ Дигни ми, затоа што сите ќе умреме уште оваа вечер“ – оваа е пораката која Ива Михаилова, по десетина повици едно-подруго му ја испратила на јутјуберот Станислав Цанов, како што вели тој, откако го објави аудиото на својот канал каде што, според него, таа кажува дека е под притисоци и уцени од бугарската тајна служба. Во новото видео, како што тврди јутјуберот, таа и нејзината мајка бараат од него да тргне делот од видеото каде што се споменуваат уцените од Државната агенција за национална безбедност и наводите за инструираното интервју со новинарот Мартин Карбоски, оти се загрижени за својот живот. Односно, според аудиото во видеото, тие му посочуваат дека тајната служба „ќе ги исчисти“.

-Ќе не „исчистат“, верувај ми. Говорам секој ден со нив(ДАНС) и ми го кажаа тоа, тоа се условите, да не се споменуваат службите. Единствениот услов е тоа,- Кристина Михаилова – Мајка на Ива Михаилова.

Цанов: Ова не е вештачка интелигенција(AI)

„Ги гледав само првите неколку минути, тоа за Карбовски само ти го знаеш, не треба никаде да се споменува. Ива престани да ми ѕвониш пред да го одгледаш видеото, не се грижи. - „Не, многу сум загрижена“. Причина за загриженост треба да ти биде ако нема таков клип. Имаш причина да си загрижена ако тие третираат како што во моментот те третираат,- Ива Михаилова.

Најгласните во Бугарија против ДАНС не се откажуваат од одговорност на тајната служба. Пратеникот Божидар Божанов од партијата „Да, Бугарија“ кажа дека случајот со Ива Михаилова само ја потврдува потребата од институционална реакција, против долгогодишното незаконско прислушкување, следењето на лица, притисоците и злоупотребите кои ги прави службата. Од партијата веќе го подготвиле текстот со кој од парламентот ќе бараат оформување на комисија.

-Се, се разбира од страна на ДАНС дека ќе постои негирање, затоа што тие се виновниците во овој случај .Конкретниот случај е пример за нешто што е многу систематско во ДАНС и ова е злоупотреба на моќ. Значи Бугарија треба да го реши овој проблем, не само заради случајот со Ива Михаилова, туку бидејќи ова е системски проблем и ние затоа ќе побараме, не само сослушување во парламентот, не само парламентарен прашања, туку привремена комисија која проблемот ќе го разгледа длабински,- Божидар Божанов – Пратеник во парламентот на Бугарија.

Во претходната објава на Цанов, наводно, Михаилова тврди дека била изложена на притисоци и уцени, воедно да возврати на она што Бугарија го сторила за нејзе и да гостува кај Карбовски, оти службите имале целосна контрола врз него и можеле да му кажат што да ја прашува.

По ова се огласија и од ДАНСкои кажаа дека не вршеле влијание врз Михаилова по било која основа и дека агенцијата не треба да биде вовлекувана во политички и медиумски конфронтации. Снимките на јутјуберот ги нарекоа непотврдени, со недокажана веродостојност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер