Македонските репрезентатовци на Специјална олимпијада ги освоија срцата во белгиски Есен - Канал 5

Други спортови

Македонските репрезентатовци на Специјална олимпијада ги освоија срцата во белгиски Есен

Македонските репрезентативци кои се дел од Специјалната олимпијада за лица со посебни потреби, в сабота во белгиски Антверпен го започнуваат своето учество на Игрите на Специјалната олимпијада за Европа и Евроазија, веќе една недела се подготвуваат во Есен, Белгија.

Македонските репрезентатовци на Специјална олимпијада ги освоија срцата во белгиски Есен
Како што јавува дописникот на МИА од Брисел, деветтемина македонски спортисти со големи срца, заедно со своите тренери и вкупно 15-члената експедиција од Македонија, ги освоија срцата на граѓаните и управата на малото белгиско градче. По тој повод, синоќа во Есен беше организирано официјално примопредавање на олимпискиот факел, на кое илјадници граѓани на улиците ги поздравија македонските спортисти, а градоначалникот и Советот на Есен им приреди прием, на кој им се заблагодарија за тоа што своите подготовки ги одвиваат во градот.

Себат Ајвази, Севдо Ибраимова и Кристијан Тутурески (атлетика), Александар Цветковски (бадмингтон), Катерина Петковска, Драган Ѓорѓиевски и Христијан Стијанов (пливање) и Живко Стојанов и Цветанка Каракулева (пинг-понг) ќе ја претставуваат Република Македонија на Игрите на Специјалната олимпијада во Антверпен. Тие во Есен, каде се аклиматизираат до сабота кога започнуваат Игрите што ќе траат до 20-ти септември, беа пречекани како херои. Според Љупчо Петровски, претседател на Специјална Олимпијада Македонија, овие спортисти, кои се лица со посебни потреби се добро подготвени и во Есен ја брусат формата за да остварат одличен резултат на Игрите, кои по Специјалните летни олимписки игри се второ по ранг натпреварување за овој вид на спортисти.

Синоќа, градскиот Совет на Есен и градоначалникот на овој град им приредија прием во градската зграда, каде ги почестија со пригодни подароци, посакувајќи им огромен успех на Игрите, додека македонскиот амбасадор во Кралството Белгија, Лазар Еленовски, им порача дека Македонија се гордее со нив оти се вистински амбасадори на својата држава.

Инаку, на Игрите на Специјалната Олимпијада за Европа и Евроазија во Антверпен, покрај Македонија, ќе учествуваат и спортисти од 56 други држави и повеќе од 2.000 спортисти. Настанот го покрива сопругата на белгискиот крал, Принцезата Матилда.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Пожарите се шират на југот на Франција, стотици пожарникари на терен

Пожарите и натаму се шират во неколку француски департмани, особено на југот од земјата, каде што стотици пожарникари продолжуваат да се борат со огнената стихија.

Пожарите се шират на југот на Франција, стотици пожарникари на терен

Во департманот Буш Ди Рон околу 150 пожарникари и денес интервенираат на повеќе локации, а противпожарната служба предупреди дека ризикот од нови пожари останува исклучително висок.

Поради сериозната опасност, властите целосно го забранија пристапот, движењето и работата во 11 шумски подрачја. Префектот на регионот Прованса-Алпи-Азурен Брег соопшти дека мерката е воведена поради „многу висок ризик“ од избувнување и ширење на пожари.

Ситуацијата дополнително ја отежнува силниот ветер, кој во областите Алпи, Камарг и Кро достигнува брзина до 65 километри на час

Францускиот министер за внатрешни работи, Лоран Нунјез, изрази сериозна загриженост, истакнувајќи дека сезоната на пожари започнала околу еден месец порано од вообичаено.

Тагови: пожари Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Пејачката Тејлор Свифт официјално му кажа „да“ на Тревис Келси, а целиот настан беше организиран во најголема тајност.

Видео- Тајна свадба на годината: Тејлор Свифт и Тревис Келси го кажаа судбоносното „да“ во „Медисон Сквер Гарден“

Селена Гомез, Џиџи Хадид и Бредли Купер беа меѓу последните гости што ја напуштија церемонијата на двојката во Медисон Сквер Гарден околу 1 часот по полноќ, објавува Page Six.

Најблиските пријатели на пејачката - вклучувајќи ја нејзината најдобра пријателка од детството Абигејл Андерсон, Селена Гомез, Џиџи Хадид и Ед Ширан - исто така беа дел од овој гламурозен настан.

Познатите личности го напуштаа „Медисон Сквер Гарден“ во различни периоди во текот на вечерта. Том Брејди беше еден од првите славни гости што си заминаа порано, а по него замина и Џорџ Стефанопулос.

Една од најголемите мистерии поврзани со свадбата на Тејлор Свифт и Тревис Келси беше разрешена веднаш откако тие го кажаа судбоносното „да“, а таа се однесуваше на изборот на венчаницата и костумите за младенците.

Списанието „Пипл“ дознава дека и невестата и младоженецот носеле уникатни креации од модната куќа „Кристијан Диор Хаутр“ за нивниот голем ден.

Нивните свадбени фустани биле дизајнирани од Џонатан Андерсон, кој тесно соработувал со двојката на нивниот изглед.

Венчаницата на Тејлор е особено значајна бидејќи претставува прва високомодна венчаница што Андерсон ја создал за светски позната ѕвезда.

Своите свадбени комбинации ги заокружија со чевли изработени по мерка од модната куќа „Кристијан Лубутен“, додека Тејлор го комплетираше изгледот со накит од куќата „Картије“. Иако обожавателите со месеци шпекулираа каква венчаница ќе носи Тејлор, одговорот конечно пристигна од една од најпрестижните модни куќи во светот, преку уникатна креација на „Диор“, изработена специјално за најочекуваниот моден момент во нејзиниот живот.

Тагови: Тејлор Свифт

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Побезбедни и поуредени населби – се обновуваат детските и спортските игралишта во Општина Аеродром

Општина Аеродром продолжува со засилено темпо да ги обновува детските и спортските игралишта низ сите населби, со што се добиваат безбедни, уредени и современи простори за игра, рекреација и дружење.

Побезбедни и поуредени населби – се обновуваат детските и спортските игралишта во Општина Аеродром

Паралелно со санацијата на игралиштата, се реализира и обнова на урбаната опрема, со што јавните површини стануваат пофункционални, поуредени и попријатни за користење од страна на сите генерации.

Со секој реализиран проект, Општина Аеродром создава подобри услови за секојдневниот живот на граѓаните, инвестирајќи во јавна инфраструктура што придонесува за поквалитетно и побезбедно урбано живеење.

Целта е Аеродром да биде општина во која децата безгрижно играат, младите активно спортуваат, а семејствата уживаат во чиста, уредена и современа животна средина.

Општина Аеродром останува посветена на континуирано унапредување на јавниот простор и ќе продолжи со реализација на вакви проекти во секоја населба, затоа што грижата за јавниот простор претставува инвестиција во квалитетот на животот на сите граѓани.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер