Македонските ракометарки во Словенија „бркаат“ ново учество на Европско - Канал 5

Македонските ракометарки во Словенија „бркаат“ ново учество на Европско

Женската македонска ракометна репрезентација попладнево во „Рдеча дворана“ во Велење од 18 часот го игра последниот натпревар од квалификациите за Европско првенство 2026. 

Македонските ракометарки во Словенија „бркаат“ ново учество на Европско

Домаќин ни е селекцијата на Словенија која важи и за фаворит во овој дуел.

Македонските ракометарки се наоѓаат на третото место на табелата во група 3, позиција која овозможува и пласман на ЕХФ ЕУРО 2026. Но, затоа ќе треба да се гледаат и резултатите на третопласираните репрезентации од сите шест групи, а пласман ќе изборат најдобрите четири заедно со двете првопласирани репрезентации од шесте групи.

Во исто време (18 часот) се играат сите натпревари заради регуларноста, а од нашата група играат уште Германија – Белгија. Инаку Германија е прва на табелата со 10 бодови, пред Словенија со 6, С.Македонија има 2, и Белгија 2, но македонските ракометарки имаат подобар меѓусебен скор во дуелите со Белгија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Нов удар на Путин, пресретнати се

Британскиот премиер Кир Стармер денес изјави дека им наредил на британските сили да пресретнат танкер за нафта од „флотата во сенка“ кој се обидувал да помине низ Ламанш утрово.

Нов удар на Путин, пресретнати се

„Во раните утрински часови, им наредив на нашите вооружени сили да пресретнат танкер за нафта од „флотата во сенка“ кој се обидувал да помине низ Ламанш“, рече Стармер во објава на социјалните мрежи.

Според него, „оваа успешна операција задава уште еден удар на Русија и ги потсетува оние кои ја поттикнуваат војната на Путин во Украина дека нема да им биде дозволено да се кријат“.

„Сакам да им се заблагодарам на сите што учествуваа, вклучувајќи ги нашите вооружени сили и службениците за спроведување на законот кои ја чуваат оваа земја безбедна 24 часа на ден, 365 дена во годината“, заклучи Стармер.

Порано оваа недела, „The Times“ ги објави резултатите од истрагата, според која членови на руската приватна воена компанија Вагнер учествувале во обезбедувањето танкери од руската „флота во сенка“ за време на нивното минување низ Ламанш. Како што е наведено, бродовите на „флотата во сенка“ извршија голем број транзити низ британските води од 2023 година, и покрај санкциите воведени врз Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Трамп: „Се согласија“

Американскиот претседател Доналд Трамп денес изјави дека Иран „се согласил“ никогаш да нема нуклеарно оружје.

Трамп: „Се согласија“

„Сега имаме најсилна граница, најдобра берза и најголем успех што нашата земја некогаш го видела, а патем, ја имаме и Исламската Република Иран, која се согласи никогаш да нема нуклеарно оружје, а Ормутскиот теснец наскоро ќе биде отворен“, рече Трамп во објава на својата социјална мрежа „Truth Social“.

Како што додаде, цените на бензинот нагло ќе паднат, а куповната моќ ќе биде далеку поголема отколку што покажаа бројките од годините на администрацијата на неговиот претходник Џозеф Бајден, обележани со рекордна инфлација.

Трамп претходно во саботата објави дека денес треба да се потпише нов договор меѓу Вашингтон и Техеран и оцени дека документот ќе му оневозможи на Иран да добие нуклеарно оружје, најавувајќи дека по неговото потпишување, Ормутскиот теснец ќе биде отворен за меѓународен сообраќај.

Од друга страна, Иранската исламска револуционерна гарда (ИРГЦ) синоќа објави дека договорот меѓу Иран и САД нема да биде потпишан денес, отфрлајќи ги претходните тврдења на американскиот претседател Доналд Трамп, велејќи дека неговото инсистирање на тој рок претставува притисок врз иранскиот преговарачки тим.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Смртта демне на Монблан: Тројца мртви за само неколку часа

Три лица загинаа вчера во две лавини во областа Монблан на Алпите, соопштија спасувачките служби.

Смртта демне на Монблан: Тројца мртви за само неколку часа

Во соопштението се вели дека планинарите, маж и жена, загинале кога врз нив паднала карпа од гребенот Куфнер на Монблан на границата меѓу Франција и Италија, објави „Ле Фигаро“.

На глечерот Бренва на италијанската страна од Монблан, локален скијач починал откако врз него падна парче снег.

Француски и италијански спасувачи учествувале во операцијата за пребарување.

Извор: Б92

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер