Македонските ракометари против трофејната Франција по сензација за Мундијалско 1/4-финале - Канал 5

Ракомет

Македонските ракометари против трофејната Франција по сензација за Мундијалско 1/4-финале

Машката репрезентација на Македонија вечерва во Вараждин против големиот фаворит за медал Франција ќе го одигра последниот натпревар во втората фаза на СП 2025.

Македонските ракометари против трофејната Франција по сензација за Мундијалско 1/4-финале

Најдобрата ракометна репрезентација на Македонија е пред нов предизвик на Светскиот шампиона. Црвено-жолтите вечерва од 20-30 часот против големиот фаворит за медал Франција ја завршуваат втората рунда натпревари на Мундијалот чии домаќини се Хрватска, Данска и Норвешка.

По одличните игри и резулати на претходните пет средби, две победи, две ремија и еден пораз избраниците на Лазаров во последниот дуел од втората фаза влегуваат со теоретски шанси за пласман во големото мунијалско четврфинале.

За пласман меѓу осумте најдобри на светот, на македонските ракоматери им се потребни три чуда.

Прво црвено жолтите не смеат да загубат од популарните триколори, но за освојување на второто место во главната рунда потребни се и резултати во наша корист на дуелите Холандија – Австрија односно Катар Унгарија.

Унгарија и Холандија можат најмногу да ремизираат или, пак, да загубат против селекциите на Катар односно Австрија, или Унгарија да загуби, а лалињата можат и да ремизираат против Австрија.

*Ако ја победиме Франција, треба Холандија да ремизира или загуби од Австрија, а Унгарија да ремизира или загуби од Катар.

*Ако ние ремизираме со Франција, а Холандија и Унгарија загубат од Австрија и Катар, во тој случај ќе решава гол-разликата.

Но без разлика на епилогот на денешните средби, нашиот подмладен тим на Мундијалот покажа дека Македонија има квалитетни ракометари достојни за надигрување и против најсилните и најдобрите, ракометари кои во иднина без проблем ќе ја продолжат нашата низа на учества на големите натпреварување.

Презадоволен од игрите на Македонија е и првиот човек на федерацијата Живко Мукаетов.

Инаку пред денешната програма Македонија е на делба на третата позиција со Холандија со по четири бода. На првото место со 8 бода и со обезбедено четвртфинале е Франција, пред Унгарците со пет, а нашиот предводник и капитен феноменалниот Филип Кузмановски и натаму е на првото место на листата на најдобри стрелци на Светското првенство со 41 постигнат гол во пет меча.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во текот на изминатото деноноќие 15 лица се лишени од слобода поради безобѕирно управување моторно возило

Во текот на изминатото деноноќие на целата територија на државата, полициските службеници лишија од слобода 15 лица поради сторено кривично дело „безобѕирно управување со моторно возило“ по член 297-а од Кривичниот законик.

Во текот на изминатото деноноќие 15 лица се лишени од слобода поради безобѕирно управување моторно возило

Сите 15 лица управувале моторно возило без возачка дозвола, а пет од нив биле малолетници.

По целосно документирање на случаите, против лицата ќе бидат поднесени соодветни кривични пријави.

Министерството за внатрешни работи апелира сите учесници во сообраќајот доследно да ги почитуваат сообраќајните правила и прописи, да не управуваат моторно возило без возачка дозвола, доколку имаат изречена мерка за забрана за управување, ниту под дејство на алкохол. Одговорното однесување во сообраќајот е заедничка обврска и клучен предуслов за поголема безбедност на сите граѓани.

Тагови: безобѕирно управување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Општина Битола: Нов паркинг простор во центарот на градот

Изградбата на паркинг и улицата „Браќа Џаферови“ влегуваат во завршна фаза.

Општина Битола: Нов паркинг простор во центарот на градот

Денес се асфалтираше и на оваа локација, а станува збор за површина од 1100 м2.

Новиот паркинг простор ќе обезбеди 25 паркинг места, согласно проектот ќе има и улично осветлување, а изведена беше и атмосферска канализација.

Со ова Битола добива уште еден паркинг простор во центарот на градот.

Вкупната сума на средства кои што ги обезбеди општината од својот буџет изнесува 2.752.772 денари.

И на неколку други локации се работи на новите паркинг места во градот, што е заложба на општината за подобрување на состојбата со сообраќајот во централното градско подрачје.

Општина Битола

Тагови: Општина Битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Денеска (06.08.2026) во Министерството за внатрешни работи беше потпишан Меморандум за соработка меѓу Министерството за внатрешни работи – Биро за јавна безбедност и Министерството за финансии – Биро за јавни набавки.

МВР и Бирото за јавни набавки потпишаа меморандум за поефикасна размена на податоци и заедничка борба против корупцијата

Меморандумот го потпишаа директорот на Бирото за јавна безбедност, Александар Јанев, и директорката на Бирото за јавни набавки, д-р Маре Богева Мицовска.

Со потпишувањето на меморандумот се воспоставува рамка за унапредување на меѓусебната институционална соработка, со цел зголемување на ефикасноста во размената на податоци по електронски пат, организирање континуирани обуки, како и развивање други форми на соработка од делокругот на работењето на Бирото за јавна безбедност и Бирото за јавни набавки.

Меморандумот ги уредува и начините на остварување координација и меѓусебна соработка во областа на спречувањето и сузбивањето на корупцијата и криминалот поврзани со јавните набавки, преку поефикасна размена на информации и заеднички активности во рамките на законските надлежности на двете институции.

Со оваа соработка двете институции ја потврдуваат својата заедничка заложба за зајакнување на институционалните капацитети, транспарентноста и интегритетот во системот на јавните набавки, како и за поефикасна борба против корупцијата и криминалот во оваа област.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер