Македонските ракометари против Русија по втор триумф на СП во Египет

Ракометната репрезентација на Македонија попладнево од 15 и 30 часот ќе го одигра вториот натпревар во главната фаза на Светскиот шампионат во Египет.

Противник на подмладената македонска репрезентација во 2 коло од главната рунда е селекцијата на Русија.

Тимот на Русија во Египет настапува слично како и црвено жолтите со подмладена селекција без неколку големи ѕвезди.

Селекторот Брестовац пред денешниот меч се соочува со проблем поради повредите на бековите Филип Кузмановски, Мартин Велковски и Марио Танкоски, кои заработија повреди во дуелот против силната Словенија. На тој меч нашиот национален тим одигра одлични 20-сетина минути. Ако попладнево одиграме поголем дел од средбата како што игравме во една третина од дуелот против Словенија, тогаш сигурно нашите најдобри ракометари ќе бидат многу блиску до вториот успех на Мундиујалот во Египет.

Клучот за победа и добар резулат е во цврстата и борбена игра во одбраната која би ни донела лесни голови во нападот.

Филипче: Состојбата на Мицкоски е стабилна

Министерот за здравство, Венко Филичпе вели дека е стабилна состојбата на лидерот на ВМРО-ДПМНЕ, Христијан Мицкоски кој вчера објави дека се лекува на Инфективната клиника.

-Според моето стручно мислење и според информациите што ги имам, неговата состојба е стабилна, одговори кусо Филипче на новинарско прашање по пристигнувањето на правата пратка вакцини „Спутник В" на Скопскиот аеродром.

Мицкоски вчера на својот фејсбук профил упати порака до власта од Инфективната клиника.

-Ветувам дека ќе се изборам со болеста, ќе излезам од Инфективна, а потоа не чека многу работа, напиша меѓу другото Мицкоски.

Регистрирани се 333 нови случаи на Ковид 19, починале 10 заболени

Министерството за здравство информира, согласно податоците од Институтот за јавно здравје во последните 24 часа се направени 2.259 тестирања, а регистрирани се 333 нови случаи на ковид-19 .

Во Скопје – 182, Кавадарци – 22, Куманово и Охрид – по 20, Тетово – 15, Битола – 11, Прилеп – 9, Неготино – 8, Велес и Ресен – по 7, Гостивар – 6, Гевгелија – 4, Струмица – 3, Струга, Кичево, Свети Николе, Крива Паланка и Кратово – по 2, Штип, Кочани, Дебар, Радовиш, Берово, Виница, Богданци, Демир Хисар и Македонски Брод – по 1.

Регистрирани се 268 оздравени пациенти од:

Скопје – 160, Прилеп - 28, Куманово – 20, Крива Паланка – 14, Велес – 9, Тетово - 6, Битола, Кичево и Гевгелија – по 4, Кочани, Берово и Пробиштип – по 3, Гостивар и Богданци – по 2, Кавадарци, Свети Николе, Виница, Крушево, Кратово и Пехчево - по 1.

Пријавени се вкупно 10 починати лица. Починати се по 3 пациенти од Скопје (85г,70г,70г) 2 пациенти од Кавадарци (90г, 59г) и по 1 пациент од Штип (47г), Велес (59г), Кочани (79г), Куманово (82г), и Охрид (68г). Девет пациенти се починати во болнички услови, еден пациент во домашни услови.

Направени се 2.529 тестови преку: ИЈЗ-368, ЦЈЗ Скопје-52, Авицена-315, Биотек-377, Жан Митрев (Филип Втори)-184, Систина-319, лабораторија Лаор–555, МАНУ-0, Судска медицина-0, ЦЈЗ Битола-81, Клиника за инфективни болести и фебрилни состојби-0, ГАК-0, Синлаб-38, Ремедика-0, лабораторија болница Козле-0, ЈЗУ и ПЗУ (рапид тест) – вкупно 240, УК Пулмологија со алергологија–0, ГОБ 8-ми Септември-0, лаборатории од странство-0.

Досега во земјата се направени вкупно 543.254 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 107.163, бројката на оздравени пациенти е 94.729, на починати е 3.195, а бројот на активни случаи изнесува 9.239.

Според досега завршените епидемиолошки анализи во моментов дистрибуцијата по градови е следна:

Дистрибуција по градови Заболени (нови) Активни случаи (вкупно)

Скопје 182, активни 4327

Куманово 20, активни 352

Прилеп 9, активни 700

Тетово 15, активни 271

Гостивар 6, активни 181

Штип 1, активни 117

Кавадарци 22, активни 568

Велес 7, активни 242

Битола 11, активни 219

Охрид 20, активни 463

Струмица 3, активни 190

Струга 2, активни 180

Кочани 1, активни 101

Кичево 2, активни 46

Неготино 8, активни 318

Гевгелија 4, активни 278

Свети Николе 2, активни 25

Крива Паланка 2, активни 128

Ресен 7, активни 62

Дебар 1, активни 18

Делчево, активни 66

Радовиш 1, активни 16

Берово 1, активни 31

Пробиштип, активни 34

Виница 1, активни 23

Валандово, активни 36

Крушево, активни 81

Богданци 1, активни 67

Кратово 2, активни 28

Демир Хисар 1, активни 27

Демир Капија, активни 32

Македонски Брод 1, активни 6

Македонска Каменица, активни 2

Пехчево, активни 3

Дојран, активни 1

Земјотрес на Исланд ноќеска траел 20 минути, се очекува ерупција на вулкан

Ноќеска, нешто по полноќ, бил регистриран земјотрес на Исланд, што траел дури 20 минути.

Иако Исланѓаните веќе подолго време се навикнати на честите земјотреси, овој земјотрес бил од поинаква природа и веројатно е поврзан со можна вулканска ерупција.

"Кратко по полноќ, во 00:22 часот е регистриран земјотрес во траење од 20 минути. Потресот бил сличен на оној регистриран на 3 март, освен што во тоа време траел неколку часа", напишале од исландскиот метеоролошки институт (ИМО).

Веќе повеќе од една недела, јужниот полуостров на Исланд е потресен од серија земјотреси. Откако земјотрес со јачина од 5,7 степени ја погоди областа на 24 февруари, биле регистрирани повеќе од 2.000.

Синоќа е регистриран земјотрес со јачина од 5 степени според Рихтеровата скала на Исланд, со епицентар на 3 километри југозападно од планината Фаградалсфјал, а од полноќ во оваа земја се забележани повеќе од 30 земјотреси со јачина од над 3 степени.

Во средата, на 3 март, мерните станици низ Исланд забележале потрес што траел неколку часа. Со оглед на видот на сеизмолошката активност што е типична за движењето на лава, експертите предвидуваат дека може да избувне вулкан на околу 30 километри од главниот град Рејкјавик.

Исландските власти затоа се подготвуваат за можна помала ерупција, но не се плашат од посериозни последици. Ако се појави ерупција, тоа ќе биде прв пат по повеќе од осум века.

„Можноста за ерупција е реална, но треба да видиме како се развива активноста“, рече пред неколку дена Фреистин Сигмундсон, геофизичар на Универзитетот во Исланд.

"Во случај на ерупција, очекуваме таа да биде помала. Не очекуваме голема експлозивна ерупција, сметаме дека ќе има минимално влијание врз атмосферата, воздухот и сообраќајот и животот на луѓето", додаде тој.

Областа на Јужниот полуостров се наоѓа во сеизмички активната зона, каде се движат северноамериканските и евроазиските тектонски плочи. Ова предизвикува чести земјотреси, смени на магма и повремени ерупции.

притисни ентер