Ракомет

Македонските ракометари поразени од Франција на отворањето на Европското првенство

Македонската машка ракометна репрезентација загуби вечерва во Дизелдорф од Франција со 39:29 на отворањето на 16. Европско првенство чиј домаќин до 28 јануари ќе биде Германија.

Пред рекордна бројка од над 53.000 навивачи на стадионот „Меркур Шпил Арена“, избраниците на селекторот Кирил Лазаров добро го отворија натпреварот против актуелниот олимписки првак и по девет минути игра дојдоа прв пат во водство од 6:5.

Предноста на македонските ракометари достигна највисоки 10:8 во 15 минута, што изнуди прв тајмаут во францускиот табор, по кој Триколорите влегоа во серија од 4:0 и го презедоа водството, а на полувреме заминаа со највисоки плус четири голови предност (17:13).

Искусните Французи во продолжението рутински го приведоа натпреварот кон стартна победа, не оставајќи им на македонските ракометари ниту најмал простор за изненадување против големиот фаворит.

Пикерот Жарко Пешевски беше најефикасен во македонските редови со седум голови, а голманот Никола Митревски запиша 10 одбрани.

Своето осмо учество на европските првенства македонските ракометари ќе го продолжат в недела против домаќинот Германија во рамки на второто коло во групата А. /MИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Хуманитарен настан посветен на Јорданчо Џамов и загинатите ангели

На 15 јуни со почеток во 19 часот во Градски парк- Кочани ќе се одржи хуманитарен настан посветен на Јорданчо Џамов и загинатите ангели.

Настанот има за цел да ја обедини хуманоста, љубовта и заедништвото, а сите собрани средства ќе бидат наменети за:

• Изградба на спомен-обележјето „Патека на бесконечноста“

• Помош и поддршка за семејства од ранливи категории

Во рамките на програмата ќе бидат организирани:

• Модна ревија во соработка со Универзитетот „Гоце Делчев“ – Штип

• Продажба на фустани, при што сите собрани средства ќе бидат наменети за поддршка на хуманитарната цел на настанот

🎼 Музичка програма

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарските пратеници се откажаа од 40 проценти од нивните плати

Унгарските пратеници се согласија со 40-процентно намалување на нивните плати, со цел да се намали притисокот врз јавните финансии и да се покаже политичка одговорност.

Одлуката беше донесена со акламација, односно за неа гласаа сите 189 присутни пратеници на седницата на парламентот. Од следниот месец нивната основната бруто плата ќе изнесува 3.690 евра. Според владејачкото мнозинство, заштедите од мерката ќе ги покријат годишните трошоци за функционирање на парламентот. Со мерката се укинува и надоместокот за мобилни телефони, а се намалуваат и парламентарните додатоци за канцеларии, станови и персонал. Новоизбраниот премиер Петер Маѓар ја поврза реформата со мерките за фискална дисциплина и борба против корупцијата во Унгарија.

Тагови: пратеници

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

14 загинати во нов израелски напад низ јужен Либан

Најмалку 14 лица загинаа во нови израелски напади врз јужен Либан, соопшти либанското министерство за здравство, во ново заострување на безбедносната состојба долж границата со Израел.

Нападите биле изведени во повеќе подрачја, меѓу кои Тир, Марваније и Зифта, во округот Набатије. Нападите продолжуваат во период на зголемени тензии меѓу Израел, Хезболах и Иран. Хезболах соопшти дека таргетирал израелски војници на либанска територија, но не презеде одговорност за напади врз израелска територија. Израелските власти, пак, најавија дека операциите во Либан ќе продолжат, со образложение дека цел на нападите е инфраструктурата на Хезболах.

Тагови: Либан

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.