Македонските кошаркари „ја скршија“ Полска со 25 коша разлика за квалификациите во Евробаскет - Канал 5

Кошарка

Македонските кошаркари „ја скршија“ Полска со 25 коша разлика за квалификациите во Евробаскет

Голема победа во квалификациите забележаа кошаркарите на Македонија кои на гости убедливо ја совладаа селекцијата на Полска со 96:71.

Македонските кошаркари „ја скршија“ Полска со 25 коша разлика за квалификациите во Евробаскет

Македонската селекција беше поразена од Естонија, но сето „загубено“ беше брзо надополнето на тешкото гостување во Полска. Малкумина очекуваа дека полуфиналистот, и најпријатното изненадување на последниот Евробаскет, ќе одигра толку слабо.

Избраниците на Јончевски уште од самиот старт им покажаа на домаќините дека ќе треба да се помачат за победа. Гостите уште од стартот дојдоа до водство од 26:16 во првата четвртина. Предноста ја задржаа до полувремето, а до крајот продолжија во ист ритам и забележаа убедлива победа.

Водеа речиси постојано и со предност од над 20 поени во вториот дел, па може да се каже дека нивната победа никогаш не беше доведена во прашање.

На крајот маестрална партија одигра Ненад Димитријевиќ, кој постигна дури 32 поени со по осум скока и асистенции, додека натурализираниот Етан Хип постигна 19 поени со девет скока и пет асистенции.

Двоцифрени беа и Стојан Ѓуроски со 17 поени и Андреј Маслинко кој постигна 10 поени.

Полска го немаше Матеуш Поњитка, кој се врати во Партизан за да се подготвува за мечот со Анадолу Ефес, а во негово отсуство најдобар беше Михал Михалак со 20 поени, додека Марчин Соколовски постигна 15, а Јакуб Гарбач заврши со девет поени. Олек Балчеровски застана на седум поени, исто толку колку и Анджеј Плута.

Ситуацијата во групата Х сега е со Естонците први и единствени со две победи, а потоа следат Македонците и Литванците со по 1-1, додека Полска е 0-2. Од групата понатаму, покрај домаќинот Полска, одат двете најдобри селекции, па во сегашната состојба испаѓа Литванија!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски формира нов сателит – ЗНАМ 2.0

ЗНАМ се распаѓа и веќе не постои ниту во анкетите ниту во гласови. 

СДСМ: Мицкоски формира нов сателит – ЗНАМ 2.0

Последните двајца што останаа, Максим Димитриевски и Горан Минчев се тепаат за фотелји и ги делат последните тендери за да ја наплатат својата улога на последните избори, кога ја предадоа својата партија, а потоа и своите гласачи.

Христијан Мицкоски веќе работи на создавање на нов инструмент, нов сателит- ЗНАМ 2.0, кој треба да му послужи за разбивање на опозициските гласови на следните избори.

ВМРО загуби 150 илјади гласови, поддршката им се намалува од ден на ден, резултати нема.

Буџетот е во колапс, а веќе нема пари ниту за редовна исплата на пензиите.

Затоа на Мицкоски му се брза да создаде нов инструмент за манипулација на изборниот процес и збунување на гласачите.

ЗНАМ 2.0 е уште еден проект во низата обиди на Мицкоски да ја одржи власта по секоја цена.

Но граѓаните веќе ја препознаа оваа игра на Мицкоски и нема да дозволат да бидат измамени.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Делови од Драчево и Влае денеска без струја

Поради планирани технички зафати во електродистрибутивната мрежа, денеска (29 јуни) без електрична енергија ќе останат делови од општините Кисела Вода и Карпош, информираат од ЕВН Македонија.

Делови од Драчево и Влае денеска без струја

Од ЕВН Македонија АД известуваат дека денеска без електрична енергија ќе останат:

– Улицата Герника бр.8 и бр.10 Драчево, општина Кисела Вода, од 5:00 до 13:00 часот;

– Улицата Иван Хаџиниколов бр.3 и бр.5 Драчево, општина Кисела Вода, од 5:00 до 13:00 часот;

– Улицата Вангел Дину и дел од непарни броеви на улицата Франц Прешерн, населба Влае, општина Карпош, од 9:00 до 13:00 часот.

Тагови: ЕВН

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

СП2026: Канада прв осминафиналист

Ко-домаќинот на 23 светски фудбалски шампионат Канада е во осминафиналето!

СП2026: Канада прв осминафиналист

Канадските фудбалери се првите учесници во осминафиналето на Светското првенство, откако на отворањето на нокаут фазата на Мундијалот ја елиминираа Јужна Африка со резултат 1:0 (0:0).

Еден од домаќините на Светското првенство оствари историски успех со гол во судиското продолжение, постигнат од Стивен Јусташи.

YouTube video

Во битката за четвртфиналето, екипата на Џеси Марч ќе игра против подобриот тим од дуелот Холандија-Мароко, кој ќе се игра ноќта помеѓу понеделник и вторник од 03:00 часот.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер