Кошарка

Македонските кошаркари домаќини на Украина

Подмладената кошаркарска репрезентација на Македонија попладнево ќе го одигра последниот натпревар во првата фаза од квалификациите за пласман на Светското прветсво во 2023 година.

Црвено жолтите во Спортскиот центар „Борис Трајковски“ во Скопје во 18 часот ја пречекуваат репрезентацијата на Украина. Без разлика на епилогот од вечерашниот меч нашиот национален тим е без никакви шанси за продолжување на мундијалските квалификации. По лошото издание на нашиот подмладен тим на гостувањето во Сарагоса и дуелот против светскиот шампион Шпанија, денеска од избраниците на Бајиќ се очекува подобра игра и издание од сите досегашни средби во кои имаме ефект од пет порази.

Синоќа на последниот тренинг пред средбата поради покачена температура надвор од тимот беа нашиот највисок кошаркар, центарот на Барселона Теодор Симиќ и бекот Виктор Ефремовски, кои најверојатно ќе го прескокнат дуелот со Украина. И двајцата кошаркари согласно на протоколите на ФИБА направиле ковид тест кој бил негативен. Според последните информации на местото на Ефремовски во тимот ќе биде Какруки.

Селекторот Бајиќ пред денешниот дуел со Украина истакна дека иако се загибени сите шанси за пласман , има обврска селекцијата пред домашните навивачи да го даде својот максимум и да го подобри впечатокот од лошите игри во претходните средби.

„Доаѓа последното коло од овие квалификации, ги загубивме сите шанси, но имаме обврска пред домашните навивачи да го дадеме максимумот од себе и сигурно да го подобриме впечатокот од Шпанија со тоа што не можам да им замерам на играчите за борбеноста и на желбата. Eдноставно, имавме сериозен противник на спротивната страна и дека некои работи не може да се носат така лесно на натпреварите. А, тоа можеше да се види најмногу против Шпанија. Едноставно, енергетски не можевме да издржиме со таква репрезентација и самиот квалитет на играчите беше евидентен. Украинците покажаа дека се добра репрезентација, ја совладаа Грузија во полн состав. Го контролираа цел натпревар. Сигурно е дека нè чека тешка задача. На момците им кажав, ако веќе губиме, мора да знаеме зошто губиме, а не тоа да биде без борба и без желба и без жар“, истакна селекторот на кошаркарите.

Влезот за денешната средба во СЦ „Борис Трајковски“ ккој стартува во 18 часот е слободен, нашиот подмладен состав без разлика на слабите игри и резултати во квалификациската фаза заслужува поддршка од трибините како сигнал за подобри игри и резулати во иднина.

Свет

Американскиот Конгрес на 20 април ќе гласа за помошта за Украина и Израел

Претставничкиот дом на САД на 20 април ќе го одржи долгоочекуваното гласање за помош на Украина, Израел и Индо-Пацификот, изјави претседавачот Мајк Џонсон.

Гласањето е по повеќе од два месеци откако пакетот беше одобрен во Сенатот.

Надлежниот комитет претстави закон што ќе обезбеди 60,84 милијарди долари за Украина и регионалните партнери, од кои 23,2 милијарди долари ќе бидат искористени за обнова на резервите американско оружје и објектите.

Поддршката за Израел изнесува вкупно 26,38 милијарди долари, вклучително и средства за покривање на трошоците за американските воени операции како одговор на неодамнешните напади.

Средствата наменети за Индо-пацификот изнесуваат 8,12 милијарди долари.

Култура

Бесплатен влез во музеите и на локалитетите по повод Светскиот ден на спомениците и локалитети

По повод 18 Април, Светскиот ден на спомениците и археолошките локалитети, денеска е овозможен слободен влез во сите национални установи од областа на заштитата на културното наследство,.

По повод 18 Април, Светскиот ден на спомениците и археолошките локалитети, денеска е овозможен слободен влез во сите национални установи од областа на заштитата на културното наследство, кои ќе бидат отворени во текот на целиот ден, со што граѓаните ќе имаат можност да се запознаат со археолошките локалитети и спомениците низ државава.

Од Министерството за култура соопштија дека птворени ќе бидат вратите на националните установи: заводи и музеи во Битола, Штип, Охрид, Прилеп и во Струмица; Стоби и Хераклеја; Спомен-куќа на Тоше Проески; Археолошки музеј; Национална галерија со сите свои објекти; Музеј на современата уметност; Музеј на македонската борба; Историски музеј во Крушево; Музеј на албанската азбука; Уметничка галерија во Тетово; „Д-р Никола Незлобински“ во Струга; Музеј на Западна Македонија во НОВ – Кичево; Музеј на тетовскиот крај; Природонаучен музеј; Музеј на Северна Македонија; музеите во Куманово и во Гевгелија.

Меѓународниот совет за споменици и локалитети (ИКОМОС) во 1982 година го прогласи 18 Април за Светски ден на културното наследство, а ИКОМОС секоја година препорачува тема за прославата и активностите на тој ден организирани од страна на националните и меѓународните научни комитети.

Секоја година темите се актуелни, и се однесуваат на подигнување на свеста на јавноста за значењето на светското културно наследство, за заштитата, чувањето и афирмацијата на непроценливото богатство откриено преку археологијата.

Годинашна тема за Меѓународниот ден на спомениците и локалитетите, се додава во соопштението, е „Катастрофи и конфликти низ призмата на Венецијанската повелба“.

На тригодишното генерално собрание на ИКОМОС во 2023 година во Синдеј, темата „Наследство отпорно на катастрофи и конфликти – подготвеност, одговор и закрепнување“ беше избрана како тема за Тригодишниот научен план 2024 – 2027 година. За таа цел, ИКОМОС Македонија во текот на април го разгледува скопскиот земјотрес во 1963 година и неговиот ефект врз културното наследство низ призмата на годинашната тема.

НБА

Филаделфија избори плејофот

Екипата на Филаделфија ќе игра во плејофот на НБА-лигата. Сиксерси ноќеска во плејин средбата ги совладаа кошаркарите на Мајами Хит со 105:104.

Најпродуктивен играч за Филаделфија беше центарот Џоел Ембид. Имаше 23 поени, 15 скока и пет асистенции.

Клучен играч од клупата во домашниот тим беше Николас Батум, кој постигна 20 поени и пет скока.

Најефикасен во Мајами беше Тајлер Херо со 25 поени.

Филаделфија во првото коло од плејофот ќе се соочи со Њујорк никс.

Мајами ќе има уште една шанса да избори учество во разигрувањето за титулата. Противник во вториот дуел од плејин ќе им биде Чикаго кој ноќеска го победи тимот на Атланта.