Македонскиот доктор од Дарувар со првата приватна клиника во Хрватска - Канал 5

Здравје

Македонскиот доктор од Дарувар со првата приватна клиника во Хрватска

 Градот Дарувар во Хрватска е мало и многу убаво место, сместено во Западна Славонија, на половина пат меѓу Загреб и Осиек.

Македонскиот доктор од Дарувар со првата приватна клиника во Хрватска

МИА пристигнувајќи на познатиот фестивал на репортажата „Фра Ма Фу" не очекуваше дека и таму Македонците ги сакаат и ги почитуваат. Објективно, бевме пријатно изненадени, но и вчудовидени – од каде доаѓа таквиот однос кон нас.

Oбјаснувањето лесно го најдовме, од причина што целиот град и пошироко веднаш со насмевка ќе ви посочи дека тука вашиот Македонец и лекар д-р Игнатовски ја отвори приватната клиника и тука во Дарувар вашиот Фарук од Тетовско го прави најдобриот бурек во Хрватска.

Бојан Игнатовски е специјалист по општа пластична реконструкциска и естетска хирургија и е сопственик на поликлиниката „Аркадија" во Дарувар, која е воедно и првата фамилијарна приватна поликлиника за пластична реконструкциска и естетска хирургија во Република Хрватска, отворена во 1992 година.

При нашата посета на клиниката „Аркадија", големо и современо здание, уредено според врвни стандарди и сместено во шумски крај, д-р Игнатовски ни кажа дека болницата е проценета на над два милиона евра, во неа работат 20 лица и во просек годишно има повеќе илјади пациенти, од кои 60 отсто се странци од Јужна и Северна Америка, Европа, Азија и Австралија, а 40 отсто се од Хрватска.

– Јас сум Македонец, роден сум во Злетово, а во Хрватска дојдов да живеам од емотивни причини. Во Скопје завршив Медицински факултет, бев војник во Хрватска и тука ја запознав сопругата. Се вљубив, започнав романтична приказна поради која ја напуштив Македонија. Тука во Дарувар создадов фамилија, имам две деца, ќерката Билјана Игнатовска, која е специјалист за радиологија и директор на клиниката „Аркадија", и синот Иван, кој е успешен бизнисмен. Инаку, во Македонија работев во болницата во Кочани и во Штип, имав можност да работам и на Клиниката во Скопје, имав бројна фамилија во Злетово, но љубовта беше посилна. Во Загреб работев на познатата клиника „Ребро", каде што завршив специјализација, по што отидов во Франција на едукација. Големо влијание и мој едукатор и пријател ми беше познатиот д-р Мишковски од Скопје, за кого имам голема почит и кој ме задои на некој начин во струката, ни кажа д-р Игнатовски.

Тој додава дека покрај соработката со повеќе здравствени институции во регионот, има контакти и во Македонија. Го помага родниот крај, а службено соработува со Медицинскиот факултет во Скопје, со Клиниката за пластична и естетска хирургија, каде што веќе две години оди на средби со колегите на едукација, а повремено и тие доаѓаат тука, млади кои сакаат да учат, да го пренесе искуството, меѓу кои има и познати стручњаци.

На прашањето како е да си Македонец во Хрватска, Игнатовски ни кажа дека долги години живее во Хрватска и дека е Македонец по потекло, што го кажува со гордост, но и Хрват со потекло од Македонија.

– Многу го сакам мојот роден крај Злетово, а за мојата Македонија, која ме врзува, секогаш кога можам доаѓам и секогаш носам со себе некого од моите пријатели од целиот свет, во едно кружно патување и нејзино афирмирање, при што најмногу се задржувам дома, во моето Злетово.

Својот успех д-р Игнатоски не го гледа во клиниката, туку во своите деца, а за ќерката Биљана Игнатовска, која е радиолог и директор, вели дека со успех и големи чекори ја подига клиниката уште поквалитетно. Сето ова се должи на неговото воспитание и поддршката што ја имал од родителите кога ја напуштил Македонија и аманетот секогаш да биде хуман, изјави д-р Игнатоски.

Родителите на Фарук Демири од село Добарце, Општина Желино, Тетовско, исто така се „виновни" што со селидбата во Хрватска, нивниот син во центарот на Дарувар, во дуќанот „Ориент", го прави највкусниот бурек во Хрватска.

Не верувајќи дека сето ова го има во далечниот Дарувар, гостопримливиот Фарук, кога слушна од каде сме, веднаш нè покани во неговата преполна бурекчилница, каде што „дегустиравме" превкусна четвртина со месо и со сирење, со домашно правено кисело млеко.

– Во 2014 година тука беа новинари, меѓу кои и од магазинот „Куфер" чија специјалност е гастрономијата. Беа тука, јадеа и беа воодушевени. Утредента пак дојдоа и го „дегустираа" мојот бурек и ете така сега во Хрватска и од други новинари и медиуми ме прогласија дека го правам најдобриот бурек во Р Хрватска.

Како што ни кажа Фарук, гости има и од Македонија, меѓу кои е фудбалерот Агим Ибрахими, потоа претседателот на Стопанската комора на Македонија, Бранко Азески, и други, меѓу кои сме сега и ние, да го потврдиме епитетот за овој наш „мајстор за правење бурек" и да се почувствуваме како дома, во далечната Хрватска, во Дарувар, благодарејќи на Бојан Игнатовски и Фарук Демири./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Црна Гора затвори уште три поглавја, Албанија едно, каде е Македонија?

Фон дер Лајен го поздрави: „Денес правиме значаен чекор кон покомплетна Унија.“ Црна Гора има 21 затворено поглавје од 33 и цел да ги заврши преговорите оваа година. Албанија оди напред. 

СДСМ: Црна Гора затвори уште три поглавја, Албанија едно, каде е Македонија?

Бевме во иста група. Денес сме со Косово и Србија.

Како Вучиќ што ја изолира Србија, така и Мицкоски, следејќи го примерот на својот ментор, ја изолира Македонија. Истата логика. Две работи го движат овој процес: рускиот интерес и стравот од соочување со Лаура Ковеши.

Кандидатите мораат да соработуваат со европското обвинителство пред членството. Не после. Пред.

Тогаш нема телефонски повици од кабинетот. Нема телевизиски настапи на кои се поставува и се сменува обвинител.

Некој мора да одговара за пљачка на државата. За европски фондови. За тендери. За пет тони преку граница. За касата што се третира како плен.

Арамијата тоа не го сака. Затоа реформите стојат. Вториот рок веќе истече. 1 јуни беше ветување. Ниту глас повеќе. Затоа патоказ добиваат други земји.

Затоа вели „не по секоја цена“. Затоа споредби со Исланд, Ле Пен и војни, сè освен извештајот за правосудство и реформи.

Затоа сателитите, ЗНАМ, Левица, Платформа ЗНАМ 2.0, на далечинско, за да дефокусираат.

ЕУ носи правила. Закон за сите. Независни институции. Слобода на медиуми.

Тоа касата на ВМРО-ОКГ не го поднесува. Затоа изолација. Затоа сме каде што сме, додека Црна Гора затвора поглавја и цели кон членство во 2028.

СДСМ кажа ова уште пред изборите. Денес е на хартија.

Власта ќе се врати во рацете на народот. Бандата ќе одговара пред независно судство и пред Европското јавно обвинителство, предводено од Лаура Ковеши.

Македонија не е депонија за туѓи интереси. Македонија е држава што заслужува европски пат, а не ходник дипломатија, не дата-центри за туѓа дигитализација и антимон за трговците со оружје.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

Интензитетот на сообраќај на патните правци надвор од градските средини е умерен. 

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по претежно суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

Од 30.09.2026 г. се изведуваат градежни активности на Државен пат А2 делница Гостивар – Кичево, конкретно на мост бр. 63 Мост на река Тајмишка. За таа цел се применува времен режим на сообраќај и ќе трае додека не се завршат предвидените градежни работи согласно договорот за санација.

Градежен институт Македонија известува дека од 29.09.2026год. се воведува времен режим на сообраќајот на регионален пат Р1201, делница Струга – Дебар при реконструкција на инекциона завеса на брана „Глобочица“. Времениот режим на сообраќај ќе се изведува согласно одобрен основен сообраќаен проект. Времетраењето на времената измена на режимот на сообраќајот ќе биде се до завршувањето на активностите.

МИСА МГ ДОО известува дека од 24.09.2026год. до 15.04.2027год. се воспоставува времен режим за сообраќај на државниот пат А1 делница Гевгелија – ГП Богородица односно од исклучувањето за Гевгелија до ГП Богородица, автопатот ќе биде затворен за сообраќај и истиот ќе се пренасочува на спротивната страна на автопатот, т.е. од ГП Богородица кон Скопје собраќајот ќе се одвива во две насоки. Исто така и на клучката на Гевгелија сообраќајот ќе се одвива под времен режим.

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Времена измена на режим на сообраќај на регионален пат Р1306 делница Прилеп-Крушево -Сладуево, заради започнување со градежни активности во врска со проект Санација на оштетувања на регионален пат Р 1306 делница Прилеп-Крушево-Сладуево, во вид на слегнувања на трупот на патот на стационажа од км 15+100 до км 15+600. Заради тоа од 16.12.2024 год. па се до завршување со градежни активности ќе се изврши целосно затворање на делницата во потег од Мало Коњари до Кривогаштани. При тоа сообраќајот ќе се одвива по друга делница во склоп на поставената сообраќајна сигнализација, согласно Одобрение за времена измена на режим сообраќај и Сообраќаен проект.

На патниот правец ГП Блаце – Скопје се изведуваат градежни активности на неколку делници. Поставена е соодветна сообраќајна сигнализација и соорбаќајот се одвива според одобрен времен режим.

На патниот правец Кичево – Охрид, поради градежни работи на повеќе делници, сообраќајот се одвива со девијации. Поставена е соодветна сообраќајна сигнализација и затоа препорачуваме строго почитување на истата и прилагодена брзина на движење.

Тагови: АМСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес претежно облачно и постудено со повремени локални врнежи

Претежно облачно и постудено со повремени локални врнежи од дожд.

Денес претежно облачно и постудено со повремени локални врнежи

Врнежите ќе бидат пообилни во југоисточните делови. Поради продор на постуден воздух од север врнежите на некои од повисоките планини ќе преминат во повремен снег. Ќе дува умерен до засилен ветер од северен правец, поизразен долж Повардарието. Минималната температура ќе биде во интервал од 7 до 13, а максималната ќе достигне од 10 до 16 степени.

Во Скопје, облачно и постудено со повремени врнежи од дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 11, а максималната ќе достигне до 14 степени.

Во текот на седмицата ќе преовладува променливо облачно и постудено време. Во петок ќе има повремени локални врнежи од дожд, кои на некои од повисоките планини ќе преминат во снег. Ќе дува засилен ветер од северен правец, кој наместа ќе биде силен со брзина над 60 km/h.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер