Македонија

Македонската заедница во Италија потресена: Ја уби Милена, која му роди пет деца (ВИДЕО)

Александар Ацео Појразов, претседател на Македонската заедница во Италија, е во шок поради убиството на Милена Витанова (55), која беше пронајдена мртва во нејзиниот стан во Пјаченца во петокот.

Се сомнева дека Милена е убиена од нејзиниот сопруг Хако Витанов, од кого родила пет деца, од кои едно починало.

Хако, откако го пријавил злосторството во полиција, отишол на гробот на својот син Методиј и таму си ги пресекол зглобовите со намера да се самоубие, но полицијата го пронашла и го уапсила.

„Сите сме во шок. Не знаеме што се случило. Не сакаме и не можеме да го разбереме ова. Сега мора да бидеме со нивните деца, целата заедница е со нив“, изјавил видливо потресен Појразов за италијанските медиуми.

Осомничениот Хако Витанов (59) работел во магацин. Што го натерало да ја убие сопругата на кобниот 8 мај е непознато. Според информациите, тој ја избодел сопругата неколку пати со нож додека децата не биле дома, а потоа ја повикал полицијата околу 15:30 часот.

„Ја убив сопругата“, наводно рекол Хако, по што го напуштил местото на злосторството и отишол на гробиштата каде што бил погребан нивниот син Методиј. Таму се обидел да си ги пресече зглобовите, но полицијата брзо го пронашла и го лишила од слобода. Тој бил однесен во болница, а неговата моментална состојба е непозната.

Полицијата пронашла морничава сцена во станот. Милена лежела во локва крв покрај софата во дневната соба, со бројни убодни рани по телото. Имала посекотини на рацете, што укажува дека се обидувала да се одбрани од нападот. Телото е пренесено во Институтот за судска медицина, а обдукција е закажана за утре.

Италијанските медиуми јавуваат дека двојката, покрај Методиј, кој починал, имала уште четири деца, од кои едното е сè уште малолетно. Ниту едно од нив не било во куќата во времето на злосторството.

Тагови: италија Милена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Видео: Руска ракета паднала во Полска? Одекнала експлозија, кратер од 10 метри

Во полскиот округ Билгорај, во близина на градот Лублин, жителите слушнале силен тресок во текот на ноќта, а по пристигнувањето на местото на настанот пронашле кратер и расфрлани делови од неидентификуван објект, соопшти денеска полицијата од Лублин

Кратер со дијаметар од десет метри е пронајден на поле во Тарнава Колонија, која се наоѓа околу 50 километри јужно од Лублин, а на местото на настанот пристигнале полицијата, пожарникарите и воен хеликоптер, јавува Вјадемошќи.

„Утрово добивме дојава од регионалниот центар за итни повици дека се слушнала силна експлозија во округот Билгорај помеѓу градовите Тарнава Колонија и Бискупица. Дежурниот полицаец испратил полициски патроли на местото на настанот.

Air raid sirens, then an explosion in Lublin! Poland scrambled F-16s after tracking an unidentified airborne object. It crashed near Tarnawa Kolonia, leaving a crater and scattered debris. Emergency services are on the scene.
Wake up, Poland! War is on your doorstep. pic.twitter.com/nHw8lP9fP8
— Silent Witness (@SilentWitn1ss) July 30, 2026

По 5 часа, полицајците откриле кратер и расфрлани делови од неидентификуван предмет на поле помеѓу Тарнава Колонија и Токари, приближно на два километри од зградите“, се вели во полициското соопштение.

Во соопштението се наведува дека за инцидентот биле известени воената полиција, Агенцијата за внатрешна безбедност, Службата за воена контраразузнавачка дејност и Окружното обвинителство во Лублин, како и дека на местото на настанот биле испратени полициски службеници за борба против тероризмот.

Во Лублин, кој се наоѓа на околу 80 километри од границата со Украина, сирените се огласија и во текот на ноќта, непосредно пред 4 часот наутро.

Тагови: Полска русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Во Собранието последна седница за пратенички прашања

Во Собранието денеска ќе се одржи 113. пленарна седница, последна за пратенички прашања пред заминувањето на пратениците на годишен одмор.

Седницата за пратенички прашања се одржува секој последен четврток во месецот, а на премиерот и на министрите прашања први им поставуваат пратениците од опозициските партии.

Секој последен четврток во месецот се одржува и редовниот брифинг на претседателот на Собранието, Африм Гаши, со новинарите.

Тагови: Собранието

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На ГП „Богородица“за излез од државата се чека околу 20 минути

Од Авто-мото сојузот на Македонија (АМСМ) информираат дека интензитетот на сообраќајот на патните правци надвор од градските средини е зголемен.

На ГП „Богородица“, поради зголемена фреквенција на возила, за излез од државата се чека околу 20 минути. Како што информира АМСМ, на останатите гранични премини од македонска страна, нема подолги задржувања за влез и излез од државата.

Сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е зголемен.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Тагови: ГП Богородица

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.